ASOK THAI GARDEN

營業中

休息中

這家店的環境好好啊店舖裝修很像泰國度假村北海道帶子娘惹牛油貓耳粉 ＄158貓耳朵煙煙靭靭，用泰式辣汁加上香滑牛油，非常掛汁，帶子原隻大大粒，好爽口好好味泰式小食拼盤 $178食泰國菜一定會叫泰式拼盤，足足有7款食物，配2款醬汁，啱哂每樣都想試既您泰式脆炸蠔餅 $138好酥脆嘅外皮，入面好多蠔仔肉，亦唔會腥，配魚露同泰式辣醬俾你點黎食，外脆內鮮泰式生蝦刺身 $98新鮮生蝦囗感勁鮮甜勁彈牙，夾生蒜片和紅椒片一齊吃，並釀點秘製酸辣青汁勁開胃🤤泰式奶茶 $42尼間餐廳既樽裝奶茶超好飲，茶底香濃，甜度剛好，完全系似飲緊泰國既奶茶，飲完個樽仔又可以拎走

價錢中等👍🏼環境氣氛舒服👍🏼(三個女仔坐係到傾左幾粒鐘都冇人趕我地走🫢）食物質素有驚喜👍🏼🤩THAI MILK TEA $42文青feel玻璃樽好靚😻附上一杯冰比你唔會驚啲冰溶而味道啖左。奶味比ChaTraMue(紅色logo個個泰奶茶牌子)淡少少，甜度適中黄咖喱(雞）配烤餅 $98微辣🤫咖喱好惹味，食慾急升lol，雞件好多舊（三個女仔食唔晒…)重有薯仔，茄子。烤餅都好香，上菜時重係暖暖的，不過得四塊，浪費餘下咖哩汁香茅烤豬頸肉 $98雖則睇落細細碟，但份量又係方死食你唔飽咁🫢😗內質鬆軟～（最怕咬極都咬唔到…) 多汁又唔太油～ 油嘅程度可接受！有微微燶邊！！＋10分！🦐冬陰功大頭蝦意粉 $158冬蔭功口味意粉真係第一次吃！有驚喜！個醬係酸甜酸甜（但又唔似蕃汁意粉lol)，後勁有好少好少的辣，同意粉又幾夾! 🤤粉煮得有啲硬身，大頭蝦拆曬肉，蝦肉好爽好結實，不過有啲細隻：（泰式脆炸蠔餅 $138一上菜我哋嘅反應係：嘩～實食唔曬，咁大份！份量十足，炸得好脆好香，炸粉唔會太厚太黏口！比起打冷食個啲蠔餅厚好多～蠔唔會腥！To Sum Up, 食物非常高質！有好多特式cocktail!一定會再去試

尖沙咀人氣極高泰國菜，因為冇book位，於是早啲去排隊，好彩去到嘅時候未開始多人，等咗一陣就入得啦～～▪️泰式脆炸蠔餅🦪外層好脆，入面好多蠔仔，芫茜味唔重，連唔食芫茜嘅我都接受到▪️香茅烤豬頸肉🐷份量都幾多，豬頸肉烤得好香，充滿香茅味，而且厚薄適中，食落爽口▪️蛋炒咖喱軟殼蟹🦀軟殼蟹香脆，面頭仲有唔少蟹肉好鮮甜。咖哩香濃，又唔會太辣，加埋入面嘅蛋碎，真係好適合撈飯。而飯係分開上，唔夠仲可以叫店員添飯🍚▪️荔枝梳打▪️菠蘿梳打唔飲酒但又想fresh啲，叫咗兩杯梳打，飲落唔會太甜，唔錯ASOK Thai Garden📍尖沙咀亞士厘道37號地舖阿叔泰麵📍元朗西菁街20號益輝大廈地下3號舖📍大圍積信街31-51號安信樓地下Q號舖

阿叔泰麵在元朗區甚有人氣，其後再下一城於尖沙咀開設ASOK THAI GARDEN，風格更是截然不同。店內環境仿如咖啡店一樣，以藤椅、仙人掌等營造出充滿度假風情的氣氛。Bangkok ($98)一系列雞尾酒以泰國不同城市命名，首當其衝固然是首都——曼谷，以波本威士忌（Bourbon Whiskey）作為基底，上桌時店員會將肉桂條折斷點火，視覺效果一流，另外再加入橙汁、芒果醬、檸檬汁及薑啤，酒味較重並帶微酸。泰式脆炸蠔餅 ($138)蠔餅炸得相當酥脆之餘質感有如台式蚵仔煎一樣煙韌，蠔仔份量十足而且味道鮮美並不帶腥，整體而言絕對可謂出色之作。阿拉斯加蟹餅配蜜糖檸檬忌廉芝士醬 ($138)蟹餅外脆內軟充滿絲絲蟹肉，蜜糖檸檬忌廉芝士醬甜中帶酸更有淡淡香茅味份外清新。蛋炒咖喱軟殼蟹 ($198)咖喱加入鴨蛋炒製更加濃厚，軟殻蟹鹹鮮多汁，沾滿咖喱仍保持酥脆香口。小龍蝦粉絲煲 ($238)粉絲煙韌惹味而份量之多更足以三至四人享用，除了面層放上原隻小龍蝦外更已拆肉加入粉絲。泰茶奶凍 ($68)奶凍質感綿密細滑但期望泰茶味道可更香濃。

上次經過尖沙咀 ASOK Thai Garden 見到大排長龍，今次訂定位就食到啦～餐廳以泰式Fusion菜為主打，店內充滿度假感覺，仲有藤椅同塌塌米嘅座位，營造出令人放鬆嘅氛圍。✨蛋炒咖哩軟殼蟹🦀金黃脆身嘅軟殼蟹🦀，配上咖哩汁夠晒惹味。除咗有軟殼蟹之外，仲啖啖都食到蟹肉🦀 店員仲話可以加飯🍚呢！🤤✨泰式生蝦🦐刺身生蝦上面有細蒜蓉同小米椒，配搭青檸醬汁，突顯生蝦嘅清甜同鮮味👍✨香茅烤豬頸肉豬頸肉份量都算多，而且厚薄適中，烤得好香，燒得岩岩好，入口仲肉嫩爽口。✨泰式脆炸蠔餅蠔餅外層金黃香脆，蠔仔嘅份量都好多，隔咗一陣再食都仲好脆呀～✨焦糖榴槤撻一上枱就聞到濃嘅榴槤味，鍾意食榴槤既我哋點可以唔試！🤤✨Udon ThaniUdon Thani 嘅果味唔會太甜，味清爽易入口，仲有淡淡嘅酒味。

Asok Thai Garden今天與友人們特意遠離尖沙咀的熱鬧商場，走入橫街窄巷地鋪，飯聚一下。原來有另外兩間分店，位於元朗和大圍。這間不以阿叔泰麵作招牌，看來是要走高檔泰菜路線。泰式脆炸蠔餅 $138香脆蛋漿混有適量大小的蠔仔，有蠔味，美味可口。 友人們卻略嫌蛋漿炸得過脆，第一口咬下去時，有點硬的感覺。這與平時軟軟的大排檔煎蠔餅確有分別，但乾脆不油膩，確有一份新鮮感。泰式椰子雞湯 $108甫放下，已經椰香四溢，讓人垂涎欲滴，軟滑雞件，配甜甜蕃茄仔，確是不錯的開胃選擇。娘惹蕉葉烤魚 $278不挑選平日泰菜必叫的明爐烏頭，反而嘗試這個甜甜辣辣烤多寶魚，是個不錯選擇。魚肉滑嫩，又伴有菜蔬，不用慣性地叫一碟馬拉盞炒雜菜。紅咖喱雞配烤餅 $98選了較少吃的紅咖喱，因店員說這是最不辣的咖喱。味道偏甜，的確不辣，以剛出爐的烤餅蘸點，確會使人停不了口的。芒果糯米飯椰子雪糕 $68最後，點選了這個甜品，甜品是非常傳統，但以倒轉甜筒呈現，確帶來一點新鮮。因平常的芒果糯米飯是暖暖的，但這個被雪糕急凍了的糯米飯，確又有一份新鮮感，至於是暖好，還是凍好，那就真的見仁見智。值得一讚是，雪糕椰子味十足，有口感，