泰玖

營業中

休息中

已經好耐冇食過泰國菜😜今次經過荃灣，見到有間兩層高既泰式餐廳🍴 「秦玖」空間寬敞，裝修走工業風！咁有特色既設計，一定要去試下！朋友同我一齊揀左下列菜式，好豐富🤭🇹🇭泰式菠蘿炒飯最鍾意❤️佢用菠蘿做底盤既擺設，好特別😆炒飯火侯十足，好濃味，令人沉醉係泰式氣氛✌🏻🇹🇭（2-3人份）泰玖火山骨（大辣）十分有份量既豬肉，即使浸係湯亦保留到肉既質感，仲可以選擇落單要小辣👍🏻根據你口味為你做出最佳配搭！🇹🇭鮮橙梳打（小）好新鮮既橙汁，梳打既誘人味道用黎作為成個餐既襯托最適合不過❤️🇹🇭百香果活性乳酸菌屎樂冰（450ML）賣相十分好，百香天容易入口。仲有益力多樽既擺設，用黎打卡一流！😜呢間餐廳CP值高，抵食夾大件，食物的定價貼地，亦有做午市套餐✌🏻✌🏻

今日帶埋檸茶去接爸爸放工，經過佢公司附近見到有間食泰國野🇹🇭既餐廳「泰玖」。爸爸未到，檸茶見到門口放左個輪盤，係咁話要轉，轉呀轉呀，爸爸到未呀！！餐廳樓高兩層，下層放吧檯凳，所以安排左我哋坐上層，仲放好bb椅比檸茶，樓底夠高空間寬敞，裝修係走工業風，都幾特別。👍鹹蛋黃炒軟殼蟹：😋😋😋每一件咬落去都啖啖肉，再加上濃濃既鹹蛋黃醬，真係超級好食，仲要有6大舊，CP值高不突只，大件夾抵食。泰式菠蘿炒飯：菠蘿🍍炒飯酸酸甜甜，完全緩解了炒飯的膩味，非常足料，上面仲有魷魚🦑圈，大蝦🦐，青口，價錢非常貼地，原來仲有午市套餐，老公話lunch要再過黎食，睇下檸茶偷食就知幾好食。泰式拼盤（雞翼🐓，雞卷，蝦餅🦐，魚餅🐟）：估吾到又係大大碟，每一款食物最少都有4件，真係好抵食。芒果🥭活性乳酸菌屎樂冰：加多$10就多100ml，吾係唔加呀！ 老公同我share一杯，係咁同我講飲極都仲有既，好抵飲，芒果既酸加上益力多既甜，味道岩岩好。📍泰玖📌荃灣曹公坊5號地舖#荃灣必食 #荃灣餐廳 #荃灣好去處 #荃灣美食地圖 #餐廳推介#假日好去處

窩夫與蝦子餅間中會去吃泰國菜，日前便二訪荃灣的泰玖。門面看來一點也不似泰國餐廳。雖然椰青以外的無酒精飲品有買二送一的優惠，但窩夫還是想喝新鮮椰青($48)，冰涼清甜，消暑解渴。掃QR code下單，炒菜有「少油」的選項，窩夫十分欣賞。蒜香炒通菜($78)真的做得到「少油」，通菜炒得爽脆，份量亦足。泰式菠蘿炒飯($118)亦份量十足，而且炒得不錯，上面有三款海鮮，分別是青口、魷魚和蝦，青口最好吃，旁邊則放了腰果和肉鬆，可按個人口味加在炒飯𥚃。泰式拼盤($118)有蝦餅、魚餅、雞翼和雞卷，不會太油膩。泰玖招牌蟹肉煎蛋卷($98)是全晚窩夫最喜歡的一道菜，印象中沒有在其他泰國餐廳見過。蛋卷煎成金黃色，上面以蟹柳和蟹籽裝飾，旁邊放了沙律，賣相吸引。蛋卷熱得冒煙，新鮮熱辣特別好吃，蛋香極濃，裡面蟹肉超多，加了葱花和紫洋葱，令口感和味道更有層次。

先前朋友仔經過見佢午市套餐幾抵咁想試，最後約約下變咗食晚市🤣今次間泰菜向香車街街市隔離，舖頭用水泥牆舖面走工業風，簡單但好型。因為舖頭有兩層幾闊落下，所以職員本身都想叫我地坐樓上🔝但Yummy覺得🍸吧枱好好feel，就坐向樓下，欣賞完裝修講返野食先。🌶泰式青咖喱牛腩 咖喱有得選中/小辣，由於朋友唔食得辣，所以揀左小辣。青咖喱好濃椰香，牛腩好淋配埋 🥖泰玖金磚蒜蓉包一流。🔥泰式燒牛肉🐮燒牛肉唔知佢地用咩部位，淋到好似滑牛咁幾好食，醬汁有兩款，Yummy就最鐘意點泰式青醬食😋🍍泰式菠蘿炒飯 菠蘿炒飯係泰菜必點，同埋要用菠蘿殼🍍上先可以稱得上係菠蘿炒飯。佢好足料，多到成個小山丘咁🏔真係大件夾抵食，當然都唔少得Yummy好鐘意嘅肉鬆啦😍🧋泰奶茶提拉米蘇 原本諗住叫芒果糯米飯做甜品，但泰奶茶味Tiramisu又真係未見過，最後Yummy放棄咗糯米飯留返個qouta俾佢。提拉米蘇奶茶味🧋好出，內層嘅Cream又好滑，成件事又好夾。Total叫咗5碟野，最後💲 500蚊都唔洗，價錢幾貼地CP值幾高👍。

日式裝修嘅泰國菜 裝修非常別緻一樓係居酒屋嘅感覺 坐bar枱 而樓上就有卡位坐-🍍泰式菠蘿炒飯 💰$118唔係間間餐廳都有原隻菠蘿嘅菠蘿炒飯😍配料有青口、蝦、肉鬆、臘腸、提子乾、腰果、菠蘿粒 非常豐富份量都足夠兩個人食溫度夠熱 而且炒得有鑊氣😋-🍢泰式串燒 💰$65有雞、牛、豬三串 即叫即燒再配上泰式串燒醬 好惹味😋-🥭芒果糯米飯 💰$58必試嘅壽司造型芒果糯米飯( ・▽・)有紫糯米同普通糯米飯口感軟糯 芒果亦夠甜-🧋泰式奶茶 💰$38晚市飲品有買一送一優惠 19蚊一杯都唔太貴泰式奶茶茶味夠香濃👍🏻-🥭芒果冰茶 💰$38清爽感覺 味道唔假唔太甜

今日去咗泰玖食泰國嘢 🇹🇭 我哋叫咗泰式菠蘿炒飯炒飯入面有大蝦青口, 仲有腰果, 飯粒粒粒分明, 份量十足另外我地都叫咗d小食, 包括泰式拼盤同金磚蒜蓉包拼盤入面有雞翼, 雞卷, 魚餅同埋蝦餅雞翼食落有d香茅味, 外層咬落鬆脆香口蒜蓉包蒜蓉味香濃, 包身鬆軟甜品我地叫咗泰式芒果糯米飯 🥭 賣相超得意, 好似芒果味壽司咁除左有紫糯米,仲有普通糯米芒果香甜, 口感煙靭我哋仲叫咗個新鮮椰青飲,椰清加埋新鮮椰青肉,飲落清甜解渴🥥

呢間可以話係荃灣嘅隱世泰菜 餐廳地下嗰層係吧檯 樓上嘅閣樓仲有檯㗎 餐廳燈光幾有情調🥰泰玖金磚蒜蓉包呢個餐牌上已經講到明製作需時 雖然講到明係要大概30分鐘 但都幾值得等待😂 因為真係好香牛油味 蒜蓉包好大件 金磚呢個名真係冇改錯 外層香脆 入面好鬆軟🍞泰式菠蘿炒飯擺盤好靚㗎 用半個菠蘿墊住大廚精心炮製嘅菠蘿炒飯😍 入面有好多材料 有臘腸 提子乾 肉鬆 大蝦 青口 菠蘿粒粒🍍 側邊仲有腰果 口感同蛋香十足 呢個炒飯好有鑊氣 真係好推介😎芒果糯米飯呢個甜品真係食泰菜必備😗 呢間擺盤幾特別 好似五朵花瓣咁 芒果下面係糯米飯團 仲有黑白糯米兩款 點埋椰汁 更加香甜🥥飲品晚市飲品有買一送一優惠😝 鮮橙梳打 梳打水係另上嘅 味道唔會太甜 橙味幾清香🍊 芒果冰茶 呢個都幾特別 芒果味同冰茶味道好夾🥭 茶味香濃☕️呢間餐廳嘅食物都幾精緻 食物嘅賣相靚得嚟又唔會好花巧 係間有質素嘅小店😗

好耐冇去過泰國🇹🇭，成日都好想食泰國嘢，咁岩荃灣新開左一間泰國菜，所以去試一試。入到去裝潢🤩好靚，成個環境都好有格調，好適合拍拖打卡去。👯‍♀️🌯泰玖招牌泰式肉碎生菜包 $88份量黎講都想多，味道好夠，🌶️小辣都好夠辣，好適合重口味人士去試試。🥘泰式菠蘿炒飯 $118材料好豐富，有三色豆🟢🔶🟨、提子乾🍇、菠蘿🍍、蝦🦐，仲有2隻青口。份量都ok，夠2個人食。🍢泰式拼盤 $88入面有4款小食，包括︰雞翼、魚餅、雞卷、蝦餅。炸得岩岩好😻，上菜既時候仲係熱既，亦都唔會太油，味道都幾好。🫶🏽總結︰係一間好岩打卡既泰國餐廳，環境同擺盤都好靚。