摩豆 (已結業)

之前已經留意到呢間雞蛋仔，但由於價錢偏高，又少人，所以一直未食，今次見冇人排除等就食，但即叫即做都要等一陣。除了有成11款雞蛋仔之外，還有其他野食。就係雞蛋仔既朋友-格仔餅，也有4款口味選擇。另外，還有飲品選擇。流心蜂蜜雞蛋仔 $23，我點了人氣推介no.1都幾大底，尺寸同平時一樣，但幾重手，用料十足。拎上手已感動到脆卜卜的邊位，幾吸引。幾油下，雞蛋仔夠熱夠脆身，每粒都好鬆軟有陣性，好綿密足料，幾香蛋味。雞蛋仔黎講做得好好味。重點就是流心蜂蜜，原來係平時飲品的爆珠，說好的流心呢？ 至多可以叫爆醬，但唔係流心。咁最盡只值$15普通好味雞蛋仔，但就唔算咩特色口味、冇特別效果。爆珠有淡淡蜜糖味，令雞蛋仔濕潤冇咁乾。最後有點失望，有點被fake。

年紀不小了, 街上的小食我真的很小去買, 今天女友經過美術用品公司時見到這檔不知幾時開的雞蛋仔檔, 忽然說想食....男友我唯有遵命睇價錢忽然覺得現在的掃街真的一點都不便宜, 從前一底$8.....現在是$23, 真的是租金直接轉嫁到小市民身上! 但見這間雞蛋仔的款式, 才知現在的雞蛋仔可以玩起流心主題了!! 有超多款選擇有流心蜂蜜雞蛋仔, 土鳳梨, 特選芝士, 班蘭味, 羅宋湯味, 甜薑味, 積及脆心朱古力橙味, 朱古力味! 很難想像"羅宋湯"是什麼味, 都怕新嚐這些 crossover 會令我難受, 還是保險一點叫了他們的皇牌 "流心蜂蜜雞蛋仔" 這個真的有驚喜呢!!! 不會如想像中的一般很甜, 適中的甜度明顯是做了研究, 香港人的口味比其他東南亞的國家淡, 不會很嗜甜, 中間流心的秘密是有一粒蜂蜜珠珠! 真的很神奇, 不會因為熱力而溶化, 咬下去的口感都真的很驚喜! 比正宗的香港雞蛋仔更好食, 升了呢! 真心覺得這個雞蛋仔可能將來會在米芝蓮的榜上有名吧!

衣加既雞蛋仔越黎越多口味，Modos 都唔例外！家姐上次食完特選芝士雞蛋仔話好好味，見去開旺角一於試下門口有個轉盤（真係轉到架），上面有齊哂咁多款口味，賣相幾吸引。呢間既口味同其他既又唔同，最出名既分別係流心蜂蜜雞蛋仔、土鳳梨酥雞蛋仔同積及橙朱古力雞蛋仔。由於仲係好飽既關係，叫左個無咁heavy 既流心蜂蜜雞蛋仔($23)熱辣辣既雞蛋仔外表金黃，入面包住一粒粒蜂蜜爆珠，咬個時要小心啲，如果唔係就熱親架啦！蜂蜜微甜，估唔到同雞蛋仔都幾夾，但就唔夠脆，好快就腍左。下次一定要試下芝士味

不停在facebook上見到不同blogger介紹呢間舖，有一日經過開附近見冇咩人排隊就買左個流心蜂蜜雞蛋仔試下。老實說食之前冇咩期望，因為試過食好多加入左*特別味道*的雞蛋仔都食唔出果隻味。等左十五分鐘，一咬落去雞蛋仔入面果粒蜂蜜泡泡就會爆啲蜂蜜出黎，好正但又唔會好甜，好夾！比想像中特別同好食，唔怪得咁多人買呢隻味道既雞蛋仔啦！😝😝下次會再去食！

近排經常見到有人在網上評論這間小食店，評價好壞參半，來到旺角又見到排隊的人不太多，於是買了一底流心蜂蜜雞蛋仔試試。由於雞蛋仔即叫即整，所以等待了一點時間﹔但當取到新鮮熱辣的雞蛋仔時，嗅到那股濃濃的蜜糖味及蛋香味，就覺得之前等待的時間是值得的。原本都會擔心底雞蛋仔會好甜，試味後感覺雞蛋仔的蛋味中和了部分甜味，食落滋潤但不會死甜。流心的情況較想像中少，要咬爆雞蛋仔內的蜂蜜珠方會有蜜糖流出﹔雞蛋仔蛋味濃，感覺用料實在，但口感較軟，喜歡脆口雞蛋仔的朋友可能會有點失望。

專登到來都是為了流心蜂蜜雞蛋仔。 排左四五個人，到我嘅時候，他告訴我要等35至45分鐘，所以買完後便去咗附近始創行街。行完返嚟攞，剛剛叫到我的號碼。 可能我行開得太久，所以雞蛋仔唔太熱。蜂蜜其實就是一粒粒蜂蜜珠仔，咬開便有蜂蜜流出來，不會太甜，亦唔會整到成手都"立次次"，非常好。 其實還有其他好特別嘅雞蛋仔，例如羅宋湯味、橙味，下次要再試！

之前經過花園街都有留意到開左間新嘅雞蛋仔店，就係一直都無機會試。最近晌網上睇到有介紹呢間雞蛋仔店。前幾日同朋友交收完經過諗住試睇.....點知店員話要等最少1個鐘.......囧果下真係嚇親.....所以走左打算過多排先再黎.....點知男朋友星期六提起想試，於是決定搭車返屋企前去睇下。去到見佢貼住張紙「等候時間~20分鐘」。又等得過喎!呢間店嘅雞蛋仔有好多特別嘅味道。例如積及橙朱古力、香濃羅宋湯、土鳳梨酥等。最後我地揀左流心蜂蜜雞蛋仔。店員好好，提我地宜家要等30分鐘.....諗住都差唔多姐.....照等無所謂....結果到最後一等就等咗40分鐘.....= ="我地都明嘅.....傳媒嘅威力!流心蜂蜜雞蛋仔見住店員將雞蛋仔迅速從模具移落定型架度，然後吹涼30秒都無就入左落紙袋比我地。所以真係新鮮滾熱辣!! 熱到只能夠捉住紙袋。XD接過雞蛋仔，未開始食已經有一陣陣香濃嘅蜂蜜味飄出黎。附上一張雞蛋仔解剖圖~XD雞蛋仔入口唔係好脆，有D軟淋淋，始終吹得唔夠耐就入袋。不過雞蛋仔本身嘅蛋香味好夠，加返分啦~驚喜位在於咬落去嘅時候，一粒粒蜂蜜爆珠晌口中爆開！好有趣！同埋每粒雞蛋仔入面都有3、4