Espuma (M88)

營業中

休息中

噚日(24-10-2020 Sat)老公生日,之前就上嚟book定呢間,因為睇中咗佢嘅流心軟芝士麻糬厚鬆餅可當生日蛋糕.我哋去到,安排我哋坐上網book時嘅窗口位,呢個位望住聖公會山,真係好正.睇完menu,覺得$566.00嘅二人餐唔吸引,於是要兩個$368.00嘅set dinner,要晒兩種前菜同甜品:1. 西班牙果酒醉蜆啲酒有啲苦,下面有好多種新鮮生果,夾埋一齊就變成有生果味嘅酒.蜆肉仍爽嫩冇渣,唔錯.味道:4.7分2. 是日餐湯我哋唔知有餐湯,呢個應該係南瓜湯,口感同味道都正常,蒜蓉多士味道又啱啱好,又脆.味道:4分3. 香煎帶子伴泡菜及香芒莎莎帶子係輕輕煎過,近乎刺身,鮮嫩冇渣,配以雜菜(唔係泡菜)同香芒莎莎,好醒胃好正.味道:5分主菜:4. 大闡蟹粉蟹肉忌廉闊條麵份量唔多但又啱啱好,大闡蟹粉蟹肉好香,成個好夠味.味道:5分5. 蘋果木煙燻烤加拿大保濕豬鞍扒件豬鞍扒都有一吋厚,切開睇顏色都唔錯,蘸啲汁食好好味,雖然(一定要)全熟,但又唔係會好乾好嚡,邊嗰啲油脂亦彈牙唔覺肥膩.底下面除咗有件菠蘿同蔬菜外,重有一埋薯蓉,佢唔係薯蓉而係好甜嘅番薯蓉,真係估唔到.味道:5分食完後,

每年生日都打風落雨，今日仲要黃色暴雨警告，邊到都去唔到，就早早地食晚餐。老公係經openrice book既，剩係係remark講左係生日晚餐。我地叫左一杯招牌水果菜，一個小食，一個main course，同一個甜品馬介休炸薯波❤️ （有六粒）好少食馬介休既食物，好特別，好新鮮。低溫岩鹽烤穀飼安格司肉眼牛扒❤️我地叫左5成熟，塊扒超級Juice，D筋都唔會咬唔到，而且配菜都超多。薯條食到係有甜味😍 而且D蔬菜係真係好食，唔會係出面個D白恰又熟唔透好難食個D。流心軟芝士麻糬厚鬆餅❤️無諗過餐廳會係碟上面寫Happy Birthday俾我，見到既時候好surprise 好感動，而且仲送左個小甜品俾我地，好開心。開頭擔心咁大個鬆餅食唔晒，但一食落去個蛋香味勁濃，勁鬆軟，一口氣食左半個，而且仲係流心！本來因爲無得點出去慶祝唔開心，但餐廳為我送上呢份小驚喜，即刻開心返晒，而且餐廳食物真係好好食，職員又Nice，好細心

一年一度的生日飯，一定要去西餐廳食，今次就揀左espuma。預先訂左位，所以可以直接入~煙三文魚沙律都幾多煙三文魚，D菜好fresh巴馬風乾火腿芝士薯波 98入面好芝士，但唔算太溜，好濃薯仔味，配埋個火腿冇咁溜，幾好食白酒忌廉煮藍青口配蒜蓉多士 128成餐最失敗就係叫左呢個青口，唔知咁岩係呢碟問題定咩，D青口係超級苦!!!唔知係個汁定D青口問題，一食係苦到頂唔順，之後已經冇再食落去，D多士有D硬，麻麻地雙層芝士蟹肉薄餅 118都幾多蟹肉，好芝士，個pizza唔算好硬，都算鬆軟紅酒慢燉牛頰肉 208好軟熟，唔會好多筋好難咬，個汁幾夾，幾好食流心軟芝士麻糬厚鬆餅 108由於慶祝生日同埋訂左位，所以叫甜品會有寫字同埋送一張即影即有相片，而且呢個厚鬆餅好似係呢度既招牌菜，當然要叫番個食下，好流心呀，好好味唔會好滯，兩個人食得晒~總結，成餐唔算貴，亦唔係好迷你既份量，可以食到飽飽走，價錢可接受，如果冇叫到個青口可以平番百幾蚊就非常好啦

來到星期五晚上，又和朋友到中環區覓食，之前多到Espuma 歎下午茶，今次特意前來品嚐晚餐。晚上的餐廳很熱鬧，座無虛席。有幸被安排到窗旁位置，望著街景挺不錯。蜜桃柚子茉莉茶 (Ice) ($43)渴極的我先喝一口冰凍花茶，這絕對是我杯茶，味道屬清甜，又能解渴。主廚精選沙律 ($158)份量相當之多，以油醋醬調制的沙律，生菜夠fresh，其他材料有黑白芝麻吞拿魚卷、巴馬火腿、西班牙臘腸、黑橄欖、麵包棒，當然最喜歡是吞拿魚卷，啖啖鮮肉很有口感，加上芝麻香味，實在令人回味。法式油封鴨腿肉喇沙燴飯 ($128)鴨腿烤過很有油香，肉質很緊實，至於燴飯帶有微微的辣度更令人開胃，很不錯。天多利香草烤雞腿 ($168)具有西班牙加印度風味的料理，經過烤製特別惹味，雞腿表面帶有焦香，肉質依然嫩滑，但略為偏油了點呢。流心軟芝士麻糬厚鬆餅 ($108)吃甜品又是另一個胃，這厚鬆餅熱呼呼的登場，蛋香味濃，望見即刻吞口水。切開即流出芝士，用鬆軟的餅身沾滿來吃，誇張點說，吃甜點真的令人有幸福感呀～

Espuma食過幾次，主菜味道感覺沒特別，價錢略貴，反而甜品款式多，而味道又會ok，價錢又覺得合理。今次同朋友仔食「流心軟芝士麻糬厚鬆餅($108)」，呢款甜品製造需時半個鐘，等時間都幾長，但列上甜品，就覺得好值得等，因為甜品係即叫即整，一刀切一切，流心芝士即刻流出黎，仲要係暖！ 鬆餅幾鬆軟，size似足一磅蛋糕，而且有塊麻糬在中心位，總體好味又抵食💯餐廳面積幾大，店員服務算周到，不時為客人倒水，又有禮貌。

朋友遠道回來，當然要搵間靚靚餐廳坐低傾下計啦。今次揀咗Espuma，因為食物高質、環境舒適、近地鐵站。由主菜、甜品、咖啡樣樣吸引。 酥皮香辣橄欖蒜片意大利麵 HK$118Wow! 對於平時只係飲開酥皮湯的我來說，依個size係XXXL，成隻碟咁大的焗酥皮啊。熱辣辣的酥皮散發出陣陣牛油香味。一刀切落去，咔啦，好脆。裡面包著的是香辣意粉。意粉同樣出色，意粉吸收晒辣椒和蒜片的香氣，同時保持到意粉乾爽，不油膩。材料看似簡單，但要有一定功力先會炒得好食。一啖脆卜卜的酥皮，一啖辣得惹味的意粉，趣味加分。 雪莉紅酒慢燉牛頰肉 HK$208一個字「腍」， 慢燉煮牛頰肉燉得入味而不老， 用刀輕輕一壓已經可以分開牛頰肉。拌薯蓉一齊食入口即化的感覺更明顯。雪莉紅酒燉牛肉係傳統的西班牙菜，味道帶淡淡的甜味，肉味濃而突出，不油不膩。 食完主菜，到超吸睛的甜品。流心軟芝士麻糬厚鬆餅 HK$108上枱已經聞到好香濃的蛋味和芝士味。一切開，好鬆軟喔～ 芝士漿湧出來。外層軟綿綿，空氣感十足。 煙韌的麻糬厚鬆餅蛋味香濃，沾上一淡淡的芝士，好快就清碟。 手搖咖啡 HK$40 黑咖啡味道甘香 ，帶有點烘焙的香味。

放工決定食翻餐好！去完中環行街之後，諗起之前過黎食過哩間，決定再戰！雖然係平日嘅夜晚，不過都唔係淨翻好多位，都幾多人黎食咖！哩度嘅菜式好多種類，而且定價都唔貴。巴馬火腿芝士薯波炸得好脆，而且仲係流心芝士，配埋薯蓉餡，面頭配埋巴馬火腿，帶點咸味，唔錯芝士焗雞胸牛肝菌薈飯用嘅飯係用硬身意大利飯，係有心嘅出品而且佢啲雞胸一啲都唔”諧”,好嫩身牛肝菌份量亦多，好抵身！牛頰肉咸蛋黃闊管麵份量亦一樣多，而且都好香嘅咸蛋黃味牛頰肉因為係慢煮，好淋食，不過有小小咸，要撈埋闊管麵一齊食闊管麵用咸蛋黃煮，落足料有好多咸蛋黃食咖！重頭戲來了，哩個甜品流心軟芝士麻糬厚鬆餅真係無得頂！一黎到已經有好大陣蛋香味！一食就食到停唔到口！一切開就係熱辣辣嘅流心入面仲有一粒粒嘅麻糬蛋糕配埋流心芝士又唔會太甜，而且非常軟熟Very good! 一定會再翻黎食！

又再與Espuma相遇，又有另一種體會。餐廳環境好懷舊feel，黃燈滿掛，我同好姊妹兩個被安排坐窗口角位，飽覽中環景象。餐牌多左不少新菜式，尤其甜品！新款甜品樣樣都好吸引，我地最後決定-流心軟芝士麻糬厚鬆餅($108)。 餐廳上甜品需要響食完主菜時候提提店員可以上，因為甜品係即叫即整，製作需時。等左半個鐘，鬆餅終於出世😍，同menu 一模一樣！ 鬆餅好鬆化，一切開，流心芝士流哂出黎，食完好滿足！因為朋友喜歡吃香口食物，所以主菜我地叫左 Parma Parma Pizza($118) & 燒豬肋骨配薯條($188)呢度pizza我第一次嚐試，pizza餡料唔多，餅底只係加芝士去焗，又簿又香，餅底上配上parma ham及沙律菜，肉好香好鹹，搭上好香餅底&淡淡沙律菜，剛剛中和到味道🈵豬肋骨，係我必選食物，又多肉又有薯條食！ CP值極高！今次ribs仲已經切好食用，可以直接咬肉，有少少肥肉，好香口😋 薯條分量又夠多，真係飽到傻！餐廳店員服務周到，不時為客人倒水，轉甜品時，又會轉餐具，非常細心！