Pulau

營業中

休息中

中環街市上面做緊微型藝術展，展出多件富香港元素的模型精品，今天陪兩老去參觀，之後就落地面的Food Court "Dining Ground" 食飯。Food Court內約有9間店鋪，巡了一圈後，我們選了這間新加坡餐廳，一來食物選擇多，二來兩點已有下午茶，價錢吸引。場內座位寬闊，有冷熱水供應，清潔嬸嬸非常勤快。如果天氣好，也可以選擇坐在中庭的半露天區域。落單可選擇用QR Code或親自到餐廳購票。取餐時職員見我一個人取幾份餐，更主動幫手。我在Pulau購票時，店員告訴我隔一個鋪的位的「亞答屋」是他們的姐妹店，一樣有下午茶供應。吉羅大蝦雞串咖哩麵（$72）咖哩湯底是使用多種咖哩香料混合，濃稠而惹味，兩串雞肉串燒烤得很嫩，整體非常出色。巴東牛肉斑蘭椰漿飯配蘇東魚丸雞湯（$68）黑黑的牛肉毫不起眼，卻是非常軟嫩，入口即化，吸滿了香料和椰奶的精華，連無乜牙力的老人家也覺得好好味。海南雞飯配蘇東魚丸雞湯（$72）這是在隔離亞答屋買的。雞肉非常嫩滑，油飯可口。雞湯清甜，飲完看到碗底有切粒的八爪魚乾，難怪如此夠味。新加坡鹹蛋黃魚皮（$56）魚皮脆卜卜，鹹蛋醬不多，只是薄薄的一層，令魚皮不過鹹又不油

自從中環街市活化後, 我與朋友又多一個聚腳點😝地下右邊是food court形式,我們行了一個圈後便決定吃好久沒吃的新加坡菜😆-HK$82 海南雞飯配蘇東魚丸雞湯~我夾起了海南雞來拍照,每次它也從筷子滑下來🥺便知道這個海南雞真的是十分嫩滑😝。蘇東魚丸彈牙,湯味較濃。雞油飯好香油香味但如果多一點香茅味會更加好😸-HK$82 新加坡白胡椒肉骨茶配雞油香飯~帶點辛辣口感,巨大的排骨還有原粒的蒜頭,真是真材實料。這款的肉骨茶的藥材味不會太重,好照顧怕藥材味的食客喔；-HK$56新加坡鹹蛋黃魚皮~金黃色的鹹蛋黃遮蓋了魚皮的表層,咬下去便會聽到一陣清脆的卜卜聲；-HK$36半熟蛋配咖央多士~多士選用全麥麵包,真的很健康哦！最令我意想不到是這款咖央多士不會過甜,夾著鹹香的牛油蘸上外嫩內滑的半熟蛋,太好吃了！-中環街市越夜越多人多,吃晚飯一定要早點來哦！

活化翻新後的中環街市，充滿活力和特色，三層樓高的商舖集藝術展覽、文化創意商品，當然少不了不同的餐廳美食。說到美食，這裡的餐廳十分多元化，有港式、西式、日式、東南亞、各式各樣都俱全，而我們就給這家充滿南洋風情的 Pulau 吸引著，餐廳以新加坡和馬來西亞的美食為主，還有多款東南亞特色的街頭風味小食供應。半熟蛋配咖吔多士烘至金黃的多士塗滿一層香濃的咖吔，然後再夾了一片牛油，加埋兩隻半熟蛋，點些蛋汁一齊食，味道有甜有鹹亦有蛋香，口感很豐富。參峇醬燒豬頸肉豬頸肉外層燒至微微焦香，薄切後的豬頸肉口感帶點煙靭，肉汁仍然鎖住，配合酸甜的參峇醬更有風味。新加坡鹹蛋黃單骨雞翼新加坡大熱的鹹蛋美食，充滿邪惡但又十分美味，每隻單骨雞翼包著如金沙的鹹蛋黃，美味沒法擋！海南雞飯海南雞飯是新加坡的必吃美食，雞肉幼嫩，雞皮爽滑，配合蘇東魚丸雞湯、雞油黃飯和三色醬汁，口味地道。Storefront Menu

今日返工冇帶飯 ，就四出搵食。 今日嚟到新開無耐嘅中環街市， 翻新過後感覺良好，設計新穎舒適 。 地下food court有好多新餐廳可以一試 。今日就去咗食 食新加坡菜嘅“蒲羅 Pulau“食海南雞飯$68 。雞肉肥美白滑 ，油香十足 。雞湯亦都好足料，有魚蛋同埋八爪魚粒， 並唔係水一般無味無道嘅湯。 個醬汁亦做得不錯 ，尤其是個辣醬，唔會太辣啱曬我呢種唔太食得辣嘅人。 中環嚟講68蚊都叫做合理有餘。 另外仲嗌咗一份茶餐有“咖央多士加兩隻半熟蛋“$36。 多士作為甜品就最啱， 半溶嘅牛油浸曬落麵包到 ，麵包係用麥包，感覺健康一啲。 個半熟蛋都做得幾好 ，橙黃色嘅蛋黃應該都係靚雞蛋。 中環街市有充足嘅位置比人坐，亦都有水站同洗手站 ，設施齊備。

開幕🥳咁耐都未好好行證，今次終於抽到時間去地下Food Court 行番個圈，好在熱潮過左，中午12點半都唔算好多人，勉強仲比我搵到位😳有別於佢傳統懷舊風情，裝修係現代化既環境。今次簡左一落樓梯附近既Pulau 蒲羅🇸🇬，原本係曬同一間到嗌野食，但最近分拆左海南雞去另一間到賣，可能係太好賣？🧐既然係咁當然要試試個海南雞飯🐣$68 配埋蘇東魚丸🥘雞湯，呢個價錢係中環，超抵添啦，海南雞雞皮滑溜，又唔算肥膩，女士都可以食幾塊試試佢爽口既味道👍肉質未至於好嫩口，比較著重係厚實既質感，可以配埋經典三種醬，甜酸辣，任君選擇😌🐥🐥雞油飯略厭唔夠香口，如果油香味更重會再加分，不過不失😳雞湯都有粒魚丸送番，肉質幾彈牙爽口，表皮有少許炸過，但湯底略厭鹹左啲，有啲似味精湯🤯食海南雞都有些少油膩，另外加杯果言既巨峰提子梳打🍇味道清新又唔會過甜，梳打既氣泡岩曬可以清新口腔👍最緊要係杯好靚😂簡潔利落，滿足到視覺既享受👀始終Food Court 就無服務分，要自己擔位嗌野拎野食，但就係個另類既風味😆