Ann Mamma Thai kitchen by 張秀玲

營業中

休息中

👍🏼抵食指數：⭐️⭐️⭐️😋好食程度：⭐️⭐️⭐️⭐️⭐️如果講到荃灣最好食嘅泰菜，一定係喺香車街市對面嘅Ann Mamma Thai kitchen！一早聽聞過Ann Mamma Thai kitchen 幾好食，但每次行過都full booking。今次終於提早一星期 Book 位，食飯前一日，餐廳打嚟問要唔要 #咖喱炒蟹 ，因為要預訂，見佢哋誠意拳拳，當然要試下啦！餐廳內嘅梳化布置，以及木枱、長玻璃，確實有種宜人舒服感覺。主菜咖喱炒蟹確實無令人失望，份量足夠3-4人進食，隻蟹大大隻，蟹殼入面都好多膏，蟹鉗嘅肉都好鮮甜，而咖喱屬於唔辣嘅 #椰汁黃咖喱 ，撈飯或者簿餅食係絕配！另一個極力推介係 #大蝦金邊粉 ，比起一般金邊粉唔算太油，或者啲粉個痴埋一舊，配合埋基本嘅花生粒同辣椒粉，口感一流。而小食拼盤中嘅雞棗比平時嘅小食較為特別，比較彈牙，有肉汁，好juicy ！溫提：餐廳只收現金，見到隔離枱嘅食客因為唔夠錢，要出去㩒錢；咖喱炒蟹需要早一日預訂啊～ 

今晚去荃灣接老公放工，我哋都想食泰菜，之前上網搵到Ann Mamma，俾佢嘅門面同環境吸引。門面係白色牆身同大木摺門，另外勁鍾意門外擺放嘅大型綠色植物🪴🌱，俾人感覺好chill，真係好似去咗泰國咁🇹🇭，好啱打卡。裡面環境簡潔，有兩層，牆上掛有多張植物畫。我哋book咗6:30🕢，去到已經差唔多full house。要去嘅話真係要預先book枱，如果walk-in真係好難等到位，最好打個電話📞問清楚先。我哋叫咗泰式豬頸肉🐖$80、半隻海南雞🐓$108、豆醬炒通菜🥗$86、橘子雜果賓治🍹$58、泰式奶茶🥤$28同椰汁芒果糯米飯🥭🍚$55。1️⃣ 泰式豬頸肉🐖 $80豬頸肉燒得啱啱好，外脆內嫩滑，嫩得嚟有嚼勁。醬汁調味一流，加入多種香料製成，味道有層次，真心想向大廚偷師！2️⃣ 海南雞🐓 $108雖然半隻雞$108有少少🤏🏽貴，不過味道值回票價。雞味新鮮，肉質嫩滑得嚟有咬口，最欣賞係佢已經去咗骨，啱晒懶人，可以大啖大啖肉咁食。點上我最鍾意嘅酸辣汁同甜豉油真係一流，個酸辣汁真係好惹味開胃，大愛❤️。3️⃣ 豆醬炒通菜🥗 $86我老公好腌尖，所有煮熟咗嘅菜都唔鍾意食，唯一食嘅係泰式通菜。哩度嘅通菜佢表示十分滿

在附近街市買完水果，就看到有一家門面裝潢蠻漂亮的店舖起初以為是咖啡室，看看餐牌才發現原來是吃泰國菜的既然來到就跟媽媽吃完晚餐才回去餐廳裏面的裝修很有異國風情，感覺好像去了一趟旅行我們首先點了海南雞半隻，海南雞是無骨的，啖啖肉吃海南雞是我最喜歡就是沾那酸酸甜甜帶點辣的醬汁我們還點了一個大蝦柚子沙律，蝦肉很大隻，柚子的份量也很多另外點了一客焗蒜蓉法包，蒜蓉羹牛油這個配搭，實在令人抗拒不了最後不得不提的就是這裏的特飲，餐廳很用心的坐這個特飲，外觀很美，還加入了爭鮮水果我們點了青瓜特飲，味道清新，配上這杯特飲令人心情放鬆，感覺真的像去了渡假一樣

這間座落於荃灣一條小巷裡的人氣泰國餐館，因為朋友住在附近，所以就相約來試試，以便一解久久未能再去泰國之苦！餐館位於一條小巷曹公坊，從遠處看那一道道深色玻璃木門己經好有芭堤雅餐館感覺。內裡裝修也很有芭堤雅的風情！牆上的畫加上熱帶的植物，尤如置身於泰國小鎮！我們二人共点了三菜一湯！先來泰國菜必點的冬陰公湯，湯底鮮甜椰香味濃郁， 辣度也恰到好處，湯裹除咗有蕃茄仔、草菇、同其他配料外還有4只大大只大頭蝦，蝦頭多膏而且肉質結實，很新鮮！青咖喱雜菜～微辣中略帶少少甜，咖喱裏面有南瓜、肉豆、椰菜花、粟米芯、紅蘿蔔、和我至愛的泰國茄子！海南雞雞肉好嫩滑，就算雞胸部位也不鞋口！配上黑豉油和酸辣汁同食，味道不錯墨魚餅大大件很彈牙，內裏加入了香茅同其他泰式香料一同攪勻然後大火去炸，食落一點都不油膩，這道菜完全比到我驚喜，一定會推介俾朋友！總括來說，這泰國餐館價錢適中，食品有水準，下次有機會再來試試其他菜式！

公眾假期 大約1點半到 有大約十個人係門口等位 心知不妙 拿拿聲入餐廳攞飛 要等5張枱 等左超過半小時 終於可以入座 一入去數過有28張凳 然後枱與枱之間距離唔算近 但仍然好清楚聽到隔離枱講野（正常聲浪咁講野）枱面已擺好餐牌 只有set lunch & drink list （本來諗住散嗌 但睇黎午餐無乜選擇🙂）友人決定左食炒河粉 被告知已售罄😅😅😅唯有揀另一款落左單後食物極速上枱 都係啲可以一早整定係度等既食物 所以還好燒豬頸肉飯豬頸肉味道正常 超多豬頸肉&飯 配既汁幾好 甜甜地海南雞油飯雞算滑 但份量較少 配既汁一個偏辣幾惹味 一個偏甜 普通油飯巨多 較濕較軟 飯粒不企身 普通蝦餅熱辣辣 等左10分鐘先上枱 可能係唯一即時整既芒果糯米飯已經係最後一碟！糯米飯好甜 芒果極酸 但我中意食糯米飯所以都接受到 唔食芒果就得😃飲品忘記影相青檸梳打 好咸(?) 但又幾解渴😂（唔知點解用外賣膠杯裝）熱薑汁蜜 友人的 無試味 （反而係用瓷杯裝）埋單$193 無加一我地落單只係2點左右 就已經售罄左2款餐點 （3:30pm落場）但門口一直有人排隊等入座 相信比較遲入座既客人可以選擇既愈來越少！建議盡

今日同一班朋友聚會，揀左呢間泰國私房菜，最主要係本身覺得個門口好靚，咁就揀左啦叫既菜式多到相都放唔曬！大蝦柚子沙律：蝦多而且夠大隻，調味亦都OK，不過偏細份黃咖喱牛腩：味道香濃，大家都好快清左呢碟餸，配埋蒜蓉包同薄餅簡直一流，由於相片數量限制放唔到蒜蓉包同薄餅相燒豬頸肉：同一般出面食泰國餐廳一樣，不過個人覺得可以再燒香脆少少小食拼盤：呢樣比我想像中要細份，最後要叫兩份先夠咁多人分，味道比較普通金邊粉：見呢到咁多人推薦所以叫左，但係我地都覺得麻麻地，呢碟反而食剩，一來唔夠味，二來唔夠熱生菜包：食泰國野當然要叫我最愛既生菜包，味道夠而且好大碟，反而生菜唔夠，而且肥豬肉多左少少炸軟殼蟹：無咩特別，而且細份，可以skip海南雞：都係細份又普通，可以skip菠蘿炒飯：呢個菠蘿炒飯就十分推薦大碟而且料多，雖然少咁個菠蘿蓋，但都好好食滷水豬手：本來冇咩期待，但意外地好食，個汁真係好好食，呢碟好快就清左豬/雞肉串燒：味道ok, 但可以燒得更脆，都算抵食蟹肉炒飯：唔好睇佢冇咩顏色，其實炒得有鑊氣，蟹肉多，推薦！仲有碟蒜蓉炒雜菜，由於數量限制放唔到相，都好好食😋一大班人就可以試好多款式，而且㩒鐘就好快有店