炎天丼 (已結業)

第一次食 以為會好細碗飯 點知食到好飽地方雖然細 但枱面好似去咗日本咁嗌咗個海老天丼 嚟到個陣見到好大碗天婦羅落枱個下仲熱 放咗一陣先食都好脆最特別係流心蛋都係炸過仲流心 好勁呢間餐廳比我感覺係重視處理食物質素只係餐牌選舉比較少 但絕對有下次

如果有到過東京旅行，應該也有到過專吃天婦羅蓋飯的連鎖店 - 天丼てんや。那飯碗上蓋滿豐富的炸蝦天婦羅和蔬菜天婦羅，還有淋上天婦羅專用鹹甜醬油的米飯，無論吃多少次都覺得好好吃，光說也超想吃啊~~而且價錢最平500yen就有交易，豪食也不過1000yen，是狂衝購物後，盤村所剩無幾的晚飯救星！最近這關東連鎖店也進軍了關西的巿場，可恨是香港市場應該是遙遙無期了吧。然而香港天婦羅丼飯的過江龍店並不是沒有，但開業後有些不就是風評不濟，就是定價昂貴，叫人卻步。難道要於香港吃到平民天婦羅丼飯如斯困難嗎？！ 週末到沙田，經過大埔，原本想到群記吃碗牛腩河，怎料星期日打烊，急忙找後備之際，無意中於開飯網發掘了間專吃天婦羅丼飯的 - 炎天丼，食評跟食照也頗為吸引，而且價錢也是經濟，於是本著試試水溫的心態到訪，縱然沒有期望過會有什麼驚喜。靠Google map的帶路，位置也不算難找。門面是港式偽日本料理的風格，木條格仔、深藍掛布，光看外表不太像吃天婦羅丼飯的店鋪呢！ 到達時已下午兩點多，過了午飯時間不用等位，推門而進，店子內裡不大，約有二十個座位，有bar檯，和以2－4人的活動檯為主，雖然bar檯可觀看一片玻

店主貼出告示指每日限量供餐，賣完即止，飯係用日本米煮製。套餐之一海老天丼，中央位置放咗一隻半熟蛋，蛋的四周用一片蓮藕、一大片南瓜、一件茄子同兩片葉層層疊咁冚住，堆砌出一個高台，拱照中央一隻炸蝦，碗邊放一片紫菜，擺法有啲似金子半之助。炸漿本身帶咸味，加埋灑喺餸面的味粉同飯入面的醬油，成碗飯好夠味。咁多樣炸物，搶先食炸蝦，入口咸咗啲啲。粉漿炸出嚟夠薄身兼脆口，蔬菜片切得較一般日式食店的厚身同大件，絕對討好。跟餐沙律同麵豉湯都係淺嚐咋，前者菜較硬，後者略重鹽。唔飲湯冇問題，店方有開水供應，小姑心想若果有茶飲就好喇，可能慣咗光顧日式食肆係會飲茶。吧枱高腳櫈的櫈底設有一藍子，供客人放置隨身物品，夠細心。不妨做多步，好似日本人咁加多塊布冚住個藍，客人一定會用得更安心。

水準依舊好初開時食過，隔左幾個月再黎，人潮好似無咁誇張，食物新鮮，份量夠，味道好，職員服務態度好海膽天丼～有兩件紫菜墊起既海膽，加南瓜、蓮藕、菜芯、茄子、溫泉蛋各一海老天丼份量相若，但只有一隻蝦，嫌唔夠可以另行加錢加餸

六月初已有朋友介紹這間小店，之後也有看到雜誌介紹，首先能吸引我的就是價錢。天丼只得三款，分別為海老天丼 ($55)，野菜天丼 ($55) 和海膽天丼 ($78)，免加一。因為知道店子11:30開門營業，位子不多，怕遲了去無位坐，所以很準時地11:30到達，當時剛開舖，也已經有6-7位顧客進入店內。我一個人坐吧台，可以看到炸天婦羅的過程。我叫了一碗海老天丼，因為知道食物即叫即炸需時，所以一直看着店員炸天婦羅。等待了20分鐘，我的食物到了。每款天丼都配蔬菜沙律和味噌湯。天丼內有流心蛋，令我最感動係炸過嘅蛋外面熱辣辣，裡面仲係流心，而且蛋味好香。天婦羅炸得幾好，唔會太厚粉，又唔會過火候。啲飯要慢慢咀嚼，感受它的甘味。味噌湯我覺得沒有特別，如果清甜點會好點，因為可以中和天丼的鹹味。蔬菜沙律以椰菜絲為主，我個人認為好過生菜 (個人口味而言)吃這一餐要付出時間和耐性慢慢品嚐。值得的。

好耐冇試過咁想推薦一間餐廳! 呢排天丼忽然係香港興起上來，有日本過江龍下町天丼秋光 ，同時又有本土小店🤔但係好多所謂日本過江龍嚟到香港之後又係另一回事了，之前嘅一蘭如是，最近嘅大勝軒丸一如是，名氣與質素似乎不成正比反而本土小店多有驚喜，大埔呢間可謂佼佼者-首先$55呢個價，已經相當貼地貴少少嘅有海膽天丼，都係$78海老天丼嘅話，有炸蝦一隻，以及蔬菜四款: 茄子、蓮藕、菜心苗、蕃薯🍤蝦，得一隻，係唔夠喉的炸漿透薄帶脆，蝦肉爽身彈牙，亦冇油抑味覺得可以大隻啲，但呢個價呢個質素我已經收貨了🍠蕃薯、蓮藕夠爽脆，茄子仍能保持濕潤唔會炸到過乾，菜心苗嫩綠多汁又無渣，同樣地上粉不多，炸漿比例剛好，火侯亦控制恰宜🍚米飯❗️十分特別，聽講係要用兩小時煮成。食落帶黏糯，但又唔係過綿帶稀爛煮得過龍個種，粒粒濕潤飽滿，同較為乾身熱氣嘅油揚之物互相補足，成個飯食落唔會乾爭爭講真，食完個飯我真係喜出望外，仲要包埋麵豉湯同沙律，飽哂🍳仲有個炸流心蛋，今朝放左個video, 入面嘅蛋黃好creamy, 撈埋飯食一流-聽聞廚師係日本天丼店做過，估唔到學得有板有眼真心，特登入來食都抵，好過係出面排到乜乜乜我就搭20A小巴到

見到新開食店,食評個個都話好食, 即刻好想黎試下!!餐廳位置交通方便亦易搵, 不過座位唔多, 今日8點幾黎到就要等等位~佢賣既丼其實得3款, 一眼睇晒~ 我地揀左海老天丼同埋海膽天丼!點完餐後店員向我地介紹左佢地既醬料,可以按自己口味撈飯食!佢既丼係用日本珍珠米架, 食落真係唔同d! 煙韌又有點黏每個丼基本上都有野菜天婦羅,同流心蛋天婦羅~ 無錯! 係流心蛋天婦羅!蛋黃可以撈飯, 食落又滑,又脆, 好特別!! 海膽係用紫菜兜住再輕輕炸左, keep到海膽既香滑架!其餘每款天婦羅都炸得好香脆,炸粉係好薄好薄架!! 非常讚呀一個set 係會有麵豉湯同沙律(而家先發現無俾到沙律我地wor...),佢個麵豉湯都做得好好, 除左一般餐廳既豆腐,仲有腐皮同菇, 飲落口感豐富好多! 絕對係有用心製作!呢個價錢, 食到咁既質素, 真係物有所值呀, 絕對要試呀!!