Outdark (飛達商業中心)

營業中

休息中

好友聚餐韓食一番，餐廳地方闊落環境舒適，燈光柔和，圍爐傾計唔怕大聲，約多人飯局一流。海鮮熱盤美味，價錢合理，值得一來再來。雙拼炸雞(原味+香蒜蜜糖) $208無骨炸雞原味已夠味，炸粉薄而脆口，肉質嫩啖啖肉口感，食落唔油膩。香蒜蜜糖甜甜地少少蒜香味，食落無咁dry。伴有外脆內軟的薯角唔算好炸，好厚薯肉，口感唔錯，食完相當飽肚。海鮮原祖炒年糕 $328海鮮熱盤超大盆望見興奮，配料有原條彈牙炸魷魚、口感煙韌的年糕、魚糕、蝦仁、小蜆和蔬菜，配以原味甜辣醬超美味。開住火爐熱住食好好味，圍邊仲有口感軟棉的車打芝士、紫菜飯、新鮮菠蘿粒和泡菜，配料甚為豐富，如此美味值得推介。海鮮煎餅 $138煎餅海鮮餡料豐富，有大量蔥段、蝦仁、魷魚和青椒辣椒等，煎得香口美味，配埋醬汁風味十足。西柚梳打 $38酸甜開胃解膩，味道清新自然，消暑解渴之選。藍檸檬梳打    $38檸檬味道酸甜清新口味。藍莓乳酩 $48乳酪味濃郁，藍莓味突出，凍飲好飲。

這間韓店真係百食不厭，芝士海鮮熱盤更是鐵膽之選，每次來都好興奮，二人熱住食真係好滿足。海鮮煎餅 $118 滿滿嘅香蔥作底欣賞其煎得夠死，煎餅口感脆卜卜，而且炸粉不多，海鮮餡料十足有蝦仁、魷魚和青椒辣椒等，煎得香口美味。海鮮原祖炒年糕 $328大盆海鮮用火爐燒住熱食非常好食，配料豐富有原條炸魷魚、煙韌的年糕、魚糕、蝦仁、小蜆和蔬菜，仲有芝士、紫菜飯、新鮮菠蘿粒和泡菜。配以甜辣醬非常美味，值得一食再食。Blueberry Smoothie $45乳酪味濃郁，藍莓味亦好突出，冰漫漫溶，保拎凍飲，甜度適中好飲。Blue lemon $34如青檸味梳打般清新，色潭幾靚。

又來到依間浪漫韓食店！每次來都令人興奮，最喜歡抬頭望住星星，情景令人放鬆心情，暢所欲言食得過痛快，加上美味價錢合理，食多幾次又點會厭呢。海鮮原祖炒年糕 $328先來一大盆海鮮用火爐熱住食，配料豐富有原條炸魷魚、煙韌的年糕、魚糕、蝦仁、小蜆和蔬菜，仲有車打芝士、紫菜飯、新鮮菠蘿粒和泡菜。配以甜辣醬非常美味。串串魚糕湯 $198同樣用爐熱住食的，配料有魚糕串、獅子狗卷、年糕、金菇、木耳、白蘿蔔、鵪鶉蛋、粉絲等，充滿韓國地道風味。湯底清甜好味，有點似關東煮，熱住飲相當暖胃。薄薄的魚糕爽彈口感，一串又一串令人再三回味十分滿足。

肺炎疫情下，出國旅行遙遙無期，韓食心癮起，去Outdark食就最好不過。這裡美食源自韓國總店，香港分店保留原味，唔駛飛去韓國都食到確係幸福。餐廳環境浪漫星星滿佈，地方闊落好友飯局一流。門口位牆身掛滿愛情鎖，這裡打卡正！食物選擇唔少，價錢合理，開心食一餐舒一口悶氣，爽！甜辣炸雞(半份) $118無骨炸雞六件加埋薯格薯條，炸物一堆份量唔少。炸雞層炸粉薄，沾滿甜辣醬，甜甜辣辣韓味十足，雞肉質嫩啖啖肉，食落唔算油膩。另有四款醬可醮，可以滿足各人口味，當中以蜜糖芥末醬最得我歡心。蕃薯芝士條 $28芝士條三條，炸得金黃外脆內軟，芝士半溶拉絲口感，不錯小食。海鮮原祖炒年糕 $328主角超大盆望見興奮，來到嘩左一聲。配料有原條彈牙炸魷魚、口感煙韌的年糕、魚糕、蝦仁、小蜆和蔬菜，配以原味甜辣醬撈勻，開住火爐熱住食好好味，圍邊仲有口感軟棉的車打芝士、紫菜飯、新鮮菠蘿粒和泡菜。配料甚為豐富，二人食ＫＯ晒不是易事，何況加埋炸雞就超飽。

韓風吹咗嚟香港之後，我都食多咗Kimchi，不過香港嘅韓國菜餐廳，一係唔太正宗，正宗嘅餐廳菜色又比較傳統，所以合我心意嘅就唔太多，而呢間outdark就係其中一間俾我bookmark咗嘅餐廳，我就係貪佢係韓仔主理，同埋有炒雞食餐廳內吊滿一串串嘅星星裝飾燈，真係來自星星的浪漫滿屋，一路食一路抬頭望上星空，真係好有feel😍食物方面選擇豐富，其中當然唔少得炸雞，全場就超過一半客人會叫呢碟炸雞，你就知佢有幾受歡迎👏🏼雖然知佢嘅菜式份量超大，不過我哋都慣性地叫咗一客小食，呢個芝士條趁熱食可以有拉絲芝士嘅效果，每人兩條過吓口癮啱啱好！我自己就好鍾意食韓式嘅飯卷，因為佢有豐富嘅醬汁去調味，所以我覺得比日本壽司嘅卷物更好食！主角出場喇，我哋就揀咗海鮮，因為貪佢有唔同種類嘅海鮮，首先係一大隻炸魷魚，好巨型好吸睛，仲有蜆、蝦、年糕、雜菜，旁邊就有芝士、紫菜飯、泡菜同菠蘿，甜中帶少少辣，好食到停唔到口。芝士可以拉得好高，好正食到熱熱哋，所以叫咗兩杯特飲，分別係Blue Lemon($34) & Strawberry Smoothie($45)，前者係soda，後者係Yogurt，兩杯都能夠解辣。其實我都好

疫症一直未受控, 旅行planning都係無了期推遲, 一止韓國美食心癮, 今晚同好姊妹又再去左Outdark食韓國炸雞!餐廳內環境燈光營造了浪漫氣氛, 掛滿了星星, 門口位置更有愛情鎖牆做裝飾, 打卡一流!【海鮮原祖炒年糕】HK$328有火爐興住慢慢食, 原隻炸魷魚成為焦點, 上檯後, 侍應協助將魷魚剪件, 中間有甜甜帶微辣既汁 (可以自選辣度)。炸魷魚炸皮香脆, 魷魚質地很爽, 炸皮索左個汁更加正! 還有煙煙韌韌韓式年糕、海蝦、細細隻蝦、魚腐、椰菜等索汁配料。爐邊有邪惡拉絲粟米水牛車打芝士, 軟棉棉口感, 帶淡淡乳酪芝士香; 紫菜飯、菠蘿、泡菜, 夠哂豐富!兩個人又想食炸雞, order左半份滿足下, 揀左【香蒜蜜糖炸雞】HK$118半份有6件無骨炸雞、薯格、薯條, 堆得高高的, 份量都不少,所有炸物非常香脆而不油膩, 炸雞被薄薄香蒜蜜糖平均包住, 入口炸皮還是脆脆的甜甜的, 炸雞juciy很嫩。還配上酸蘿蔔, 薯條、薯格點埋4色醬, 味道更加提升。 

五年前由韓國🇰🇷初初黎到香港🇭🇰排隊排三個鐘先有得食，到左宜家雖然唔洗排三個鐘，但平日夜晚依然滿座，除左食物質素非常高外，呢間係黃店 ，近門口有一幅佈滿鎖鑰嘅連儂牆，大家記得去支持下💛 黃色經濟圈。《海鮮原祖炒年糕》$298宜個係2-3人份量，我地兩個人食到超飽。首先，緊係食中間嘅主菜啦，當中有炸魷魚🦑蝦🦐蜆同埋年糕，炸魷魚炸得好脆同好惹味，而自家制既韓式辣醬係辣中帶甜，辣度都#好大眾化。食完主菜，就將紫菜飯同栗米水牛車打芝士🧀放係中間撈埋，辣辣地加埋濃郁嘅芝士，成個配搭好夾，食到好滿足。《芝士薯條》$35芝士薯條外面好脆，內面芝士半溶狀態，有拉絲效果😈

上年夏天同朋友已經嚟outdark食過，最印象深刻係Oppa店員會俾聖誕帽我哋帶🤣，而食物都唔錯，好食又好睇。今次我再嚟，就真係12月份了，果然聖誕味不減，門口已經有大大棵聖誕樹同大大隻熊🐻，可以影相。我哋7點半鐘嚟到，即刻有得入座，到8點左右就開始比較多人，坐滿哂！餐廳環境真係好好氣氛，黑色裝修，搭配大量閃燈✨、聖誕裝飾同鏡，好正，而且用上高枱櫈，空間感較佳，櫈亦闊落到一邊夠坐2個人，情侶可以sweet啲哈哈。不過可能多人，所以餐廳就比較嘈。朋友未嚟食過，我望餐牌就同以前差唔多，見到都係有炸雞🍗同芝士拉絲王國系列🧀等等。我哋得2個人，所以唔能夠叫到太多嘢食，加上我知道呢到食物份量都大。海鮮原祖炒年糕($298)，呢樣我第一次食，嚟到見到個鍋超大個，下底就有個gas爐熱住，Oppa店員見到開始唔夠熱，就會過嚟幫手著返，幾細心☺️。成個鍋最奪目一定係隻炸魷魚🦑，好大隻，成朵花咁，雖然係炸，但都唔太熱氣，幾好食；海鮮另外就有蜆仔同蝦仔🍤。食咗陣先記得下低仲有好多料，包括年糕鍋嘅主角年糕、魚糕同蔬菜等。個醬雖然好紅下，但甜味多過辣味，不過後期愈食愈辣，揀原味但其實都有隻辣椒🌶️，哈哈。而鍋邊亦係

都有一排冇食韓國野，一直聽聞「Outdark」炸雞岀名，次次問朋友邊間炸雞好食，總會聽到「Outdark」，女友又喜歡食炸雞，不得不拜訪一下。餐廳一到繁忙時間就full哂，建議訂位或者早啲入座。餐廳内外環境好迷人，一入門口就有個仿南山既情侶鎖牆，有興趣可以買鎖掛，而內裡設計都係卡位為主，燈光昏影，天花掛滿著燈既星星，情調十足，好適合情侶嚟。食物選擇選擇唔算十分多，主打炸雞同大鍋既炒年糕/湯鍋，價錢就屬香港食韓國菜既價位。雙拼炸雞(全份) $192揀左醬油拼香蒜蜜糖，點炸雞都會附上4款醬汁比你，我估計係柚子醬、甜辣醬、蜜糖芥末醬、燒烤醬。炸雞原來唔止炸雞咁簡單，仲有炸薯條、薯格同薯仔，先講配料炸薯條、薯格同薯仔，表面應該灑咗芝士粉，食落甜甜地，而炸物不油溢，好香口，配返炸雞佐酒一流！至於炸雞份量就比預期有啲少，炸雞已經去骨，炸粉較薄，而肉質幾嫩滑，味道方面，醬油唔夠入味，但香蒜蜜糖就好惹味，另外可以再沾附上既4款醬汁，配甜辣醬或蜜糖芥末醬都好夾。海鮮原祖炒年糕 $298可選原味或辛辣味，原味都有一隻辣椒仔，雖然我地食得辣，不過初嚐都係叫原味食真啲。圍邊有粟米水牛車打芝士、紫菜飯、香甜菠蘿