雲南啊老表黑羊湯鍋米綫 (已搬遷) 新店位置

同老友喺觀塘廣場睇完電腦嘢後，見少少肚餓仔，想食啲粉麵填下肚！兩個麻甩鐘意都鐘意食羊，又喺睇完《X食男女》，就慕名嚟到依間超出名嘅隠世小店試吓佢哋米線！真喺少少肚餓仔，所以叫咗碗細嘅《淨瘦羊肉米線》！心諗：嘩，想點呀？細都咁大碗，咁大碗點算呀？依碗米線，湯底唔算好濃，比較淡身！米線都煮得啱啱好，唔會一夾就爛，都幾口感！羊片都算幾多，但每塊都幾薄，有少少羊羶味！欣賞點喺塊羊肉都真喺幾瘦，冇咩肥膏！小弟個人鐘意食有口感嘅嘢，如果羊肉唔切，一舊肉上，咁應該會更加好食！兩個人食咗 74 蚊，每人 37 蚊！咁大碗，真係超抵食！