影片
更多
2018-08-30
1953 瀏覽
當遠赴築地都未百分百保證新鮮，留港試定價不菲既Omakase其實同一場賭博冇分別。 今晚適逢好友升職既大好日子，終於放膽地獻出我既第一次。廚師發辦分為翔、葵同櫻三款 ($780 - $1,280)，包括前菜、佐酒小食、壽司、卷物、季節熱盤、清湯同甜品等，另有晚市套餐 ($600)、今日特選 ($380 - $600)同各式散叫既選項，豐儉由人。 見廚師發辦既組合大致上一樣，於是決定叫入門級既「櫻」($780)小試牛刀。一直知道Omakase內既壽司款式會因應當日食材質素同客人要求有所變化，所以店員問到我喜好時，我都老實不客氣地表明我因為怕腥而好少食透明魚，再三確認我接受到白身魚生後，店員就幫我反映盡量避開濃味魚類，感覺好貼心。 本來想確認當晚套餐內既款式方便再散叫壽司，但原來店員都只可以講到大致款式，大概廚師發辦好大部分既魅力就係上菜時既驚喜同新奇吧。甫入座店員就好慇勤地為客人倒醬油同送上熱茶、熱毛巾，留意到前方放左一細塊冰凍既白布，查問下先知係俾客人食完壽司後抹手指之用。 雖然我唔習慣落手食，都可以由細節睇到其專注認真。前菜呈花葉型既精緻小碟內分別有水果蕃茄、水雲漬同白身魚南蠻漬，全
廚師發辦分為翔、葵同櫻三款 ($780 - $1,280)，包括前菜、佐酒小食、壽司、卷物、季節熱盤、清湯同甜品等，另有晚市套餐 ($600)、今日特選 ($380 - $600)同各式散叫既選項，豐儉由人。 見廚師發辦既組合大致上一樣，於是決定叫入門級既「櫻」($780)小試牛刀。
一直知道Omakase內既壽司款式會因應當日食材質素同客人要求有所變化，所以店員問到我喜好時，我都老實不客氣地表明我因為怕腥而好少食透明魚，再三確認我接受到白身魚生後，店員就幫我反映盡量避開濃味魚類，感覺好貼心。 本來想確認當晚套餐內既款式方便再散叫壽司，但原來店員都只可以講到大致款式，大概廚師發辦好大部分既魅力就係上菜時既驚喜同新奇吧。
甫入座店員就好慇勤地為客人倒醬油同送上熱茶、熱毛巾，留意到前方放左一細塊冰凍既白布，查問下先知係俾客人食完壽司後抹手指之用。 雖然我唔習慣落手食，都可以由細節睇到其專注認真。
前菜
41 瀏覽
0 讚好
0 留言
前菜
呈花葉型既精緻小碟內分別有水果蕃茄、水雲漬同白身魚南蠻漬，全部都色彩繽紛、酸甜開胃。 最鐘意滑溜爽口既水雲漬，日本髮菜同青瓜片十分清新。
壽司
魴鮄
45 瀏覽
0 讚好
0 留言
雖然廚師送上壽司時會稍作講解，但「魴鮄」呢個名陌生到聽左幾次都呆一呆。 忍唔住即場搵下相關資料，原來「此類魚在水中游動時，牠們的胸鰭一開一合就像鳥的翅膀在飛行一樣；魴鮄的叫聲有時像豬叫，有時像呻吟，有時像鼾聲」，未食已經有種不枉此行既感覺。
魴鮄
31 瀏覽
0 讚好
0 留言
白裡透紅既魴鮄肉質軟腍，打破左我對透明魚等於爽脆既呆板印象。 魴鮄魚味較淡，配上蔥花同咸醬汁後透出淡淡既鮮味。
金目鯛
28 瀏覽
0 讚好
0 留言
晶瑩剔透既金目鯛油脂較重，亦較扎實，感覺同三文魚既肉質同甘香有d相似。
平政透明連魚皮既外貌正正係我一直抗拒既類型，但前兩款魚既鮮度無疑令我對師傅充滿信心，鼓起勇氣一啖啪入口後又係一個新世界。
平政
31 瀏覽
0 讚好
0 留言
屬油甘魚科既平政除左明顯比魴鮄同金目鯛爽口彈牙外，魚味亦較為甘香濃郁。 師傅只輕輕係魚身表面劃開幾刀，然後滴上少量醬油，冇其他多餘調味或配料，單單係平政緊緻幼滑既口感已經令人難忘。 每款魚都色澤鮮明、折射出水潤既光澤，連一絲腥味都冇，簡直有種剛剛捕獲既錯覺。
23 瀏覽
0 讚好
0 留言
不得不讚作為壽司伴碟既漬物亦十分高質，子薑、牛蒡同醃蘿蔔爽脆多汁，食得出係自家製，配合熱茶係下一道前先清清味蕾。
牡丹蝦
34 瀏覽
0 讚好
0 留言
牡丹蝦如預期般爽口肥美，由於較常見，所以未有太大驚喜。
石垣貝
23 瀏覽
0 讚好
0 留言
係日本食最愛既貝類壽司，最期待既一定係上台時仲郁郁下既畫面。 毫無懸念地師傅再次滿足左我既幻想，石垣貝緩緩地係壽司飯上蠕動掙扎。 緊接由夾起至放入口既視覺刺激，大塊厚實而爽脆到索索聲既口感再次令我驚為天人。 呢個尺寸同厚度既貝類實屬少見，雖然只有清淡既貝殼甘甜，但勝在肥美啖啖肉。
石垣貝
29 瀏覽
0 讚好
0 留言
赤貝
21 瀏覽
0 讚好
0 留言
肥大肉厚既赤貝再一次帶來驚喜，老實講比我係九洲居酒屋食到既更加新鮮巨型。 師傅切法亦有巧思夠吸睛，厚實既橫切面未食已經預視到有幾滿足。 比起清新既石垣貝，赤貝明顯有更濃郁既海水味同典型貝殼鮮味，加埋即磨芥辣，完美。
海膽
23 瀏覽
0 讚好
0 留言
海膽
29 瀏覽
0 讚好
0 留言
偏橙紅既海膽用料毫不手軟，疊起後同飯既比例接近一比一。 入口感覺到滿滿軟滑甘香既海膽係微脆香口既紫菜之間翻滾。 由於夠新鮮，所以即使味道濃烈，留下既餘味都完全唔腥，成功征服到偏好清甜品種既我。 值得一讚既係師傅會即場用炭爐烘一烘紫菜，令軍艦同手卷既品質保持最佳狀態。
海膽
17 瀏覽
0 讚好
0 留言
本來擔心海膽既餘韻會令下一道比下去，意外地白晢透亮既深海池魚結實有彈性，魚味重得黎恰恰仲係我可接受程度之內。
深海池魚
50 瀏覽
0 讚好
0 留言
深海池魚
31 瀏覽
0 讚好
0 留言
三文魚子粒粒分明，夾起時甚至微微係壽司飯上滾動。 輕輕咬破三文魚子時清晰感覺到表面張力同回彈，十分過癮。 由於醃製保鮮所以較咸，但夠哂新鮮完全唔腥。
三文魚子
13 瀏覽
0 讚好
0 留言
三文魚子
27 瀏覽
0 讚好
0 留言
拖羅油脂分佈好靚，近睇甚至有少少似豬腩肉。 咀嚼下一陣陣油香盈滿口腔，配合赤醋飯完全唔會膩，只覺齒頰留香、意猶未盡。
拖羅
20 瀏覽
0 讚好
0 留言
拖羅
14 瀏覽
0 讚好
0 留言
卷物
拖羅手卷
17 瀏覽
0 讚好
0 留言
拖羅手卷雖然只有拖羅蓉，但每一啖都平均地有拖羅、芝麻、蔥花、赤醋飯，口感豐富，紫菜亦好夠脆。
季節熱盤
麵豉煮牛舌
19 瀏覽
0 讚好
0 留言
麵豉煮牛舌
18 瀏覽
0 讚好
0 留言
向來覺得牛舌既最高境界就係厚切、爽口，第一次食到炆到軟腍入味既麵豉煮牛舌，合埋眼會以為自己食緊牛腩，好有新鮮感。 牛舌調味恰到好處，仲有少少清酒香味。
清湯
蜆麵豉湯
15 瀏覽
0 讚好
0 留言
蜆麵豉湯熱辣辣，飲得出係以麵豉醬同海鮮熬煮而成，蜆肉都好有肉汁夠鮮。
甜品
甜品
12 瀏覽
0 讚好
0 留言
完熟蜜瓜晶瑩剔透，輕輕一壓口腔就盈滿香醇甜蜜既果液，最難得係熟度岩岩好，甜到爆又依然保持到彈性。 最近同事自北海道歸來就對當地特產白粟米津津樂道，當我都心癢癢之時估唔到甜品正正有一片北海道白粟米，特別令人興奮期待。
甜品
10 瀏覽
0 讚好
0 留言
單睇橫切面已經可見白粟米有幾新鮮水潤，入口同預期一樣咁爽脆清甜。 當然甜度就未及蜜瓜，但試到新食材既驚喜已經夠我開心成晚。
白身魚、貝類、蝦、紅肉既次序令我得以由淡到濃享受食材原味，上甜品前更加特意將綠茶換成培茶解膩，上菜速度亦控制得恰到好處，即使外行如我今晚都感受到正宗Omakase既氣場。
不得不讚店員全程服務周到，每一道之間都會主動為我添熱茶，亦不時細心地問我當晚既選材岩唔岩口味，有需要可即時代為向師傅反映。 由於廚師發辦同唔少魚品種對我黎講都幾陌生，全晚可以話係每事問。 最深印象係師傅同店員面對我奇怪既發問都好樂意仔細地講解，除左可見佢地對出品既了解同自信之外，最重要係態度好親切友善，店員同客人之間充滿自然熟悉既互動交流。
今晚安坐壽司吧台前，呷一口熱茶、凝視師傅有條不紊地片開刺身、握飯，彈指間就送上一道道嘆為觀止既佳餚，可謂人生樂事。 無可挑剔既食材鮮度同烹調手法就不在話下，其實單係眼前師傅行雲流水既手藝已經有如觀賞左一場藝術表演。 即使(朋友)傾盡家財在此用餐亦只覺回味無窮而不覺奢侈，下次黎坐師傅正前方欣賞就完美喇。
張貼
