鮨廷 (裝修中)

同事升職話請我地食lunch, 擇左呢間一直好想食既壽司店，位於金馬倫道，鋪面唔太大，成間鋪都係坐10個人左右，我地6人都霸左3張枱😅🤣有點唔好意思。.午餐幾抵食，$148+1就有8件手握壽司，仲可以自選壽司🍣，或者可以選擇其他lunch set都係由$138up, 叫廚師發板仲有第2個set lunch 半價，感覺係抵食。.▪️自選壽司定食（8貫）$148 其實10貫都只係多$30，不過最近減肥唔想食太多。我擇左帆立貝、深海池魚、油甘魚、赤身、炙燒三文魚 、穴子、松葉蟹肉軍艦、三文魚子軍艦。午餐會附送沙律同麵豉湯。沙律加上柚子醋作配襯，酸酸地幾開胃。全部壽司都係廚師即叫即製，呢個價錢做到好似omakase既feel咁。壽司方面舊飯係偏細舊，醋味岩岩好。最正係個D魚生好新鮮得黎無筋，深海池魚好香又唔腥，吞拿魚赤身都入口即溶好鬼正，軍艦都好令我驚喜，紫菜脆到爽爽聲，三文魚子最正😋😋好新鮮又抵食。.估唔到公司附近呢間壽司店都幾好食，重點係lunch set真係好平🤣下次黎試個omakase先😘

立食壽司係日本係好普遍，香港而家都開始開左好多間立食壽司，好符合速食文化～今日係尖沙咀上完堂，肚仔餓見到呢間「鮨廷」諗都唔諗就衝左入去了～叫左 “特上壽司盛盒”$180完全係一個平價版既omakase咁👍🏽會有8款壽司由師傅整俾你食，當你食完一舊師傅就會整第2舊🍣而且不用點豉油喔！因為刺身已經塗上了豉油🔹鯛魚肉質粉紅得黎又好通透，看到刺身下的芥末🔹油甘魚好肥美的油甘魚、入口即溶🔹帆立貝咬第一啖有點點酸酸地，我估應該係落左啲檸檬汁，令味道更加升華了～🔹深海池魚味道會濃味點點，深海池魚係我心目中都排好高既位🔹赤身顏色好鮮豔又新鮮🔹秋刀魚熟既秋刀魚就食過好多次，刺身就好似係第一次食。原來秋刀魚刺身係好有口感，好好食🤤好肥美，愛上了😍🔹甜蝦甜蝦上有魚子令口感更明顯，又彈牙又爽口🔹蔥拖羅軍艦拖羅蓉份量十足🤤好似一坐山咁，要食左小小拖羅先～配上了芝麻和蔥粒，紫菜好脆👍🏽

正如劇集《孤獨的美食家》中既男主角一樣，每個打工仔一收工都同樣歸心似箭，寧可一個人沉澱心靈。呢間立食壽司係我近期發現、真正可以感受到寧靜既落腳處，店內播住輕鬆既純音樂，無嘈雜既交談聲，大家都只專注眼前既美食同師傅細膩認真既手藝。價錢以香港壽司店黎講屬於中高檔，但每件都係即叫即製、真材實料。午市套餐送日式沙律，簡單既食材同調味帶黎清新輕盈既口感，作為前菜過下口癮之餘唔會遮蓋魚生既味道。香港既吞拿魚好多時都唔夠新鮮，食落有腥味，呢度既赤身細嫩鮮美，真係有同舌頭交融既感覺油甘魚肥美厚滑，油香滿滿，一咬即化。第一次試池魚，食落有啲似鯛魚既口感，屬於有咬口既質感，入口伴隨住獨特既海水味。一上板就聞到鰻魚既焦香外面燒到微微焦脆，嫩滑無骨，入口即融。拖羅屬於油脂較豐富既位置，最岩用黎做魚蓉，口感綿密細緻，而且份量十足，成舊啪入口滿滿既魚香，必試呢度既軍艦全部都好足料，睇下啲蟹膏蟹肉幾多食落好重蟹鮮味呀！黑板上仲有啲季節限定，愛食蛋既我忍唔住嗌左份玉子燒表面既焦糖即叫即燒，同時食到表面薄脆微溫既甘甜同下層冰凍綿密既蛋香，層次鮮明，當甜品食為呢餐一人午膳畫上完美句號一人既浪漫，又點止豆腐火腩飯反而呢種黎

近逛街，發現尖沙咀新開左間立食壽司店，店內裝橫走日式風格，由於特色在於立食，因此店內沒有提供任何座位，食客主要集中在右邊立食位置，壽司師傅會在中間開放式位置即場製作壽司，所有過程都一目了然。客人可預先點菜然後把下單紙遞給師傅，好快就可以享用新鮮即點即做的壽司了。炙三色壽司盛合（大拖羅， 三文魚，右口魚邊）$80私心推介點呢個盛合，三款壽司都係以炙燒方式製作，食材新鮮厚切拖羅，完全無腥味，肥美至極。三文魚，唔好以為平平無奇，個人大愛。食得出與坊間的三文魚系完全不一樣!單看外觀，色澤是偏向粉嫩橙，還食得出慢慢的魚油味，食完覺得好幸福啊。最後一款是右口魚邊，第一次食右口魚，感覺有點奇妙，因為右口魚系入口即溶，在口中停留一秒就無左，要嚐到個只魚味可謂十分珍貴啊。北海道海膽 $65海膽應該是大部分人的最愛吧。今次則點了北海道海膽，海膽鮮甜，而且份量夠曬，完全沒有腥味，配合紫菜軍，無得輸啊。帆立貝 $20超新鮮清甜的帆立貝壽司，有驚喜！日式焦糖玉子（special）$12精選餐單的首選是焦糖玉子，感覺真係好似玉子燒，而面層鋪上一層燒過的焦糖，兩者配合的天衣無縫，玉子更是淡淡都鮮甜，令人忍唔住enc