陳儀興尚潮樓 (太子道西)

營業中

休息中

🙋🏻‍♂️餓底探員去咗太子調查呢間潮州菜，餐廳係餓底早排食過新蒲崗老字號潮州打冷嘅高級版副線品牌，餐廳裝修充滿中式元素，樓底高，有兩層，高私隱度，食物除咗潮州打冷小菜，仲有多款潮州手工菜，由於手工菜製作需時，想食嘅請提前預訂，欲免向隅🦀富貴石榴蟹 $118🙋🏻‍♂️表示個石榴蟹係用蛋白煎成蛋皮，包入蟹肉，豬肉，馬蹄等餡料，整成石榴外形嘅球，食落好鮮香，口感飽滿，配上用蟹肉打成嘅芡汁，每啖都充滿蟹鮮味，據說呢道傳統潮州手工菜幾近失傳，難得餐廳將經典重現，絕對要一試👍🏻🐟清燉荷包鱔 $118🙋🏻‍♂️表示個荷包鱔同樣係幾近失傳嘅手工菜式，先將白鱔起骨，用鹹酸菜葉將鱔肉，金華火腿，冬菇等配料包起，加入熬製咗12小時嘅高湯再燉煮，非常花功夫，白鱔口感軟嫩，鹹酸菜葉嘅鹹香中和白鱔嘅膩感，味道清新，高湯飲落清甜，好有驚喜👍🏻🥣石欖燉海螺 $78🙋🏻‍♂️表示個海螺湯用石欖，雞腳，豬肉等燉煮成，螺肉食落有嚼勁，味道鮮甜，石欖口感爽口，味道甘香，加上雞腳，豬肉等配料，燉湯味道清甜🪿滷水鵝片 $188🙋🏻‍♂️表示個鵝片配上豆腐，鵝肉嫩滑鮮香，食落充滿滷汁鹹香，非常入味，豆腐口感軟滑，同樣滷得入味🫔傳統普寧灌漿

花墟對路經常路過見到想食, 今次call齊朋友一齊食, 中菜始終都係人多分享開心D去到非常旺場, 所以想去嘅朋友一定要預約, 有部分手工菜要預訂, Book咗8點, 不過上張枱遲咗交, 等多一陣就上咗樓上雅座魚露浸花甲 - 鮮甜唔會太鹹, 只係份量同價錢有D距離生醃瀨尿蝦 - 少少腥同冇乜肉, 可能係唔當造(?)鵝三寶 (肉/腸/肝) - 用上潮汕獅頭鵝加埋有藥材香滷水, 濃郁甘醇鮮甜, 鵝肝綿密, 鵝肉軟稔, 鵝腸爽口清燉荷包鱔 (預訂) - 傳統潮州手工菜, 用鹹酸菜包鱔肉清燉, 湯充滿鱔肉嘅鮮甜同胡椒香富貴石榴蟹 (預訂) - 傳統潮州手工菜, 蟹肉加上鮮蝦打成膠, 再包成石榴狀,  個人覺得蝦肉太多同口感偏爽彈, 蟹肉部份失色, 被喧賓奪主蝦棗併粿肉  - 蝦肉爽彈味鮮, 喜歡香口嘅朋友唔可以錯過 荔芋香酥鴨 - 芋頭炸到超級酥化 古法糯米酥雞 (預訂) - 必食, 糯米飯吸收哂雞嘅精華, 雞唔會柴口, 大家都爭食最後一舊 肚肉苦瓜煲 - 最後食返個菜反沙芋頭  - 甜品叫咗最傳統手作, 外層糖脆唔會甩開, 內裡芋頭起沙, 甜度恰好 同一般潮州菜比, 呢到係走高檔雅致路線, 價

十幾年前喺山林道 “潮州名廚” 試過潮州翅同埋滷水鵝肝, 大開眼界, 一試難忘. 從那天起, 鍾意咗潮州菜. 記得幾個月前去老友 “意大利長介” 屋企搞飯局, 佢叫我一齊搭車去攞滷水外賣, 就係新蒲崗 “陳儀興飯店”, “長介” 真係識飲識食. 自此家庭飯局都幫襯過幾次外賣, 主攻滷水鵝片鵝肝. 一直希望試下太子 “陳儀興尚潮流”. 神推鬼㧬, 今日嚟開飯.🍽 餐廳裝修古樸典雅, 地下樓層以2-4人方枱為主, 沿樓梯上二樓, 設有多張圓枱. 氣氛一流! 今日點咗潮州翅, 荷包鱔, 蠔餅, 鵝肉鵝肝.🤗 潮州紅燒翅. 結構似 “飲宴魚翅”, 當然呢個真材實料, 湯底唔會 “渴撻撻”. 大大碗, 味道不俗, 讚!🐟 清燉荷包鱔. 聽講平時要預訂的. 用鹹酸菜葉包住去咗骨嘅白鱔, 有趣! 白鱔已經煮腍晒. 湯夠熱, 微酸, 好飲.🦪 汕頭煎蠔烙. 蠔新鮮大隻, 啱啱炸起好好食. 論粉槳, 唔夠酥脆, 食到中途腍哂, 食四份一已經好滯. 相比之下, “將軍澳陳儀興” 嘅蠔餅明顯優勝.🦢 鵝三寶. 鵝肉, 鵝肝, 鵝腸. 陳儀興嘅滷水非常靠得住, 甘香入味. 鵝肉OK, 唔會太韌. 鵝腸爽口,

今日到花墟買年花，順便在附近吃個早飯，發現這家陳儀興尚潮樓，就來試試水準。餐廳一反潮式滷水飯店的古早風，裝潢明亮新潮，座位寬敞舒適。餐廳主打滷水鵝，亦有其他的傳統潮州菜式可供選擇，更有不少坊間少見的手工菜。鵝三寶鵝三寶分別是但用料重磅，有鵝片、鵝肝及鵝腸，一次過吃三款我最愛的滷水部位，亦有豆腐伴碟，物有所值。鵝片斜刀切法，連皮帶肉，肉質柔嫩，鵝味濃郁；鵝肝口感粉嫩，味道甘腴醇美；鵝腸一咬爽滑脆口，同時保留有鵝油甘香。護國菜護國菜是港人十分少吃的傳統潮菜之一，以番薯葉，加入上湯煮成湯羹，成品見菜不見肉，色澤翡翠泛光，入口卻脂香潤喉，齒頰留香，以為材料簡單，卻是始料不及的鮮美，加上香氣十足的瑤柱絲，為口感及味道加上變化。清燉荷包鱔荷包鱔同樣是一款少見的手工菜，以潮州鹹菜將去骨白鱔、冬菇等材料包起，以胡椒排骨長時間清燉，豐厚嫩滑的鱔肉，肥而不膩，胡椒湯的冶味是絕配，湯底清香加上鱔魚鮮味，非常美妙。梅汁炆豬手豬手份量同樣十足，有豐富的骨膠原，以子薑及話梅滷煮入味，軟而不爛，油香豐富，醬香馥郁，酸、甜、鹹味平衡，味道融和，而且稀稠寬緊合度，十分下飯。老藥桔一入口就是純粹的果香，酸甜適口，腴而不膩

朋友突然話想食潮州菜，並特別指名要食陳儀興尚潮樓呢間，好驚訝朋友咁指名要食呢間，但既然有人提出，咁我地自然唔會托朋友手踭。跟友人們夾咗平日放工食，餐廳位於太子花園街附近，位置方便，而裝修雅致，我們被安排坐樓上，坐位闊落，我們訂位時先預訂了馬友魚飯，另外到場就叫了鵝三寶、水晶白桃粿、炒蠔爽、油鹽水薄殼、糯米釀雞翼、清燉荷包鱔。- 鵝三寶有鵝肉、鵝肝及鵝腸，三款都滷得很入味，但不會死咸。- 水晶白桃粿是潮汕招牌小食，鹹鹹甜甜咁，我個人就唔太喜歡- 蠔爽，用大量蔥芹菜炒生蠔，是蠔餅的另外選擇，但個人不太喜歡蔥，而且覺得比較油，所以不太喜歡。- 油鹽水薄殼，呢個清清地幾好味- 清燉荷包鱔，是傳統潮州手工菜，將鱔去骨，釀入冬菇.芹菜、金華火腿，以潮州鹹菜包住，用胡椒、排骨清燉，吃時有很強烈的胡椒味，又有鹹鮮，暖胃一流。- 糯米釀雞翼，好好好味，糯米煮得剛剛好，沒有太爛，而且入味，雞翼有南乳味，沒有過鹹搶了糯米的味，又熱辣辣剛炸好，應該是即炸的，好好味然後到甜品，分別叫了不同款式的綠豆爽，然後再外加反沙芋，喜歡的人會很喜歡。

聽聞新蒲崗老字號陳儀興於太子開咗全新概念店，裝修優雅脫俗、食物精心設計、手工細緻、不失潮州菜風味。今日去開太子果頭，當然去埋陳儀興尚潮樓啦。店舖果然如介紹一樣、環境舒適，而且服務非常周到。打開餐牌，雖然好多菜式想食，例如廿年老菜脯鮮豬肚湯、魚露浸花蛤、螄蚶、魚露浸花甲咁，但都係俾常食開嘅鵝肝、鵝腸、鵝肉、豬手等等吸引咗。鵝三寶：分別有鵝肉、鵝腸以及鵝肝，鵝三寶底下有豆腐。陳儀興嘅潮汕滷水好好食就已經係街知巷聞嘅事，我特別鍾意佢哋嘅鵝肝。鵝肝厚切，而且入口即融，非常之正。金不換燉海螺：燉湯好清，金不換新鮮清香撲鼻，而且本身同海螺好夾。清燉荷包鱔：清燉荷包鱔是潮州菜的王牌手工菜之一，鹹菜葉包裹住白鱔，然後加入上湯清燉。鱔肉肉質肥厚、鹹菜的鹹、白鱔的鮮、配合得天衣無縫，一流之作！梅汁炆豬手：充滿骨膠原的菜式。豬手軟淋，汁料酸甜好好味。而另一個顯示手工同細心嘅地方，就係豬手都起哂骨，入口每一啖都係豬手皮同豬手肉。豬手再配上一碗白粥，中和豬手骨膠原嘅黏口感。飲品方面，我哋點咗汕飲品烏豆水同老藥桔。烏豆水就甜味：而老藥桔就咸味、似咸甘吉咁，既好飲又健康。