酒筷子 (已結業)

多謝朋友們搞飯(酒)局, 提早食團年飯, 可以包房、寫菜單、BYOB之餘仲有酒杯提供, 嚟緊應該更多酒局可以係到搞先上幾碟開胃冷盤做前菜清酒鵝肝 - 用上法國鵝肝更顯入口即溶, 同潮式有d唔同, 少飲酒嘅朋友都接受嘅酒味清酒醉鮑魚 - 切開一半食既時候方便好多砂薑蟶子王 - 如果蟶子更多就好😂豉油皇鵝腸 - 新鮮冇怪味, 豉油調味剛好帶得出鮮甜爽脆順德煎魚餅 - 配埋蜆蚧醬更惹味突顯鯪魚味羊肚菌菊花羹 - 菊花係指豆腐切幼絲,  𢳂起浮咗豆花絲會好似菊花檳城胡椒肉蟹 - 胡椒非常惹味, 如果更厚肉就更滿足豉汁蒸蟠龍鱔 - 影相後店方會幫忙剪開, 白鱔夠肥美就自然好食菌皇脆炸新鮮雞 - 外脆內軟, 跟埋內臟要讚上湯蒜子浸豆苗崧子帶子炒飯 - 夠鑊氣, 而且極多崧子, 香口有口感, 炒飯粒粒分明十勝砵仔糕 

之前已經出過一次食評 事隔兩年味道依然咁出色 😋甚至服務同食物仲細緻咗，工作人員好熱情，食物水準高環境又舒服，8 個人嗌埋啤酒人均 $350 左右，絕對物超所值 🍻⋒ 雞油花雕蟹｜$600呢個蟹已經食咗三次都仲係咁鍾意 🦀 滑捋捋嘅蒸蛋、醇厚花雕同蟹汁精華完全融合，𢳂埋啲蟹膏撈飯，係即時想轉圈圈嘅美味程度 👯‍♀️💕 蟹肉細嫩、蟹身處理得好仔細容易進食，必點！💯💯💯⋒ 薑蔥蠔煲｜$208一上檯已經全部朋友都話好香好香，手板咁大隻嘅桶蠔超肥美 🦪 肉厚爆汁蠔味頗重，調味剛好完美掛汁，蔥段焦香齋食都好味 🤤⋒ 菌皇脆炸雞｜$148雞皮脆到好似薯片咁，肉質嫩滑無乜肥膏，佐以乾炒黑松露菇菌，超級香！😋⋒ 千島玻璃蝦球｜$148外層麵衣薄如蟬翼，裹滿開胃沙律醬後仍然香脆，蝦肉鮮甜、爽脆彈牙，伴以琥珀合桃非常香口 ✨⋒ 桂花陳酒蜜叉燒｜$148肉質偏瘦但口感軟腍，外層無焦香嘅蜜汁，改以清香桂花蜜代替，味道唔錯但無其他菜式咁突出 😛⋒ 醬皇慢煮安格斯牛｜$248店內招牌之一，牛肉呈完美粉紅色帶有少許血水 🥩 配上芥末風味醬汁、黑松露炒菇菌同萵筍幾惹味，個人認為叉燒同呢個牛任擇其一就夠。⋒ 羊肚菌燒豆腐

小店最適合好朋友聚會，中菜小店更是首選。每間小店都有它的獨特之處，美食之外更可以細味店主的品味，增加不少樂趣。今次聚會，朋友推介座落於塘尾道「酒筷子」。交通算是方便，由旺角地鐵站步行也只需要10分鐘。店面不算大，放置10張枱，全店只有10多個客人，店員安排我們在近窗的角位位置。雖然窗門被遮蔽，欣賞不到旺角的夜景，優點是只有一枱食客最接近，傾偈非常方面。以清酒鵝肝、鹽水鴨作為前菜。煎、焗的鵝肝味濃但油膩，凍食鵝肝可以減少油脂做成的飽滯感，但味道變淡，廚師用清酒增加香味，效果不錯。鵝肝經咀嚼兩三下便溶化於口腔，作為前菜是不錯之選。再試鹽水鴨，鹹味滲入鴨肉，肉質實在。鵝肝與鹽水鴨，一軟一實，好味😋。辣子雞海參的鮮味與香辣平衡處理得好好；桂花陳酒蜜叉燒色澤自然，較傳統烹調方式淡，肉質鬆軟並滲出淡淡酒香，不錯。鳳梨咕嚕肉賣相與一般中式酒樓無異，咬一啖感受到外脆並有肉汁流出，有驚喜👍🏻。淮陽炒飯最特別地方是脆卜卜的蛋絲，加上蝦、瑤柱、蟹肉，口感自然有新意。經理送十勝砵仔糕作為甜品，可能已有七八成飽，吃不出糕點的甜味，紅豆比預期硬，尚可。

酒筷子係大角咀一間新派中菜，雖然佢個位置唔近地鐵站比較吊腳，門面又唔特別顯眼，但估唔到佢地嘅嘅菜式唔單止好食，仲係而家喺出面買少見少嘅心機功夫菜，但人均都係二百幾蚊已經食得飽人，性價比非常高。由酒筷子地下入口要沿樓梯上去一樓先真正進入餐廳，店面唔算大，大約坐倒十枱八枱，不過每枱都唔會相隔得太近。醬瓜小紅茄($58) - 左邊係用醬油醃過嘅白蘿蔔，食落非常爽脆，右邊嘅小紅茄係去左衣再用話梅水浸過，所以除左番茄嘅酸味仲多左話梅嘅甜甜地味，開胃又好食。清酒鵝肝($128) - 哩個鵝肝侍應介紹係法國貨，雖然佢唔似西餐咁煎過，不過一樣有入口即溶嘅感覺，但食落係完全唔油膩同埋有好香清酒味，清酒味係啱啱好唔會太重，超正！羊肚菌菊花羹($68/位) - 用豆腐切成菊花雖然靚但唔算罕見，哩個湯最特別係湯入面仲有蒸蛋同鵝肝，兩者都仲好嫩滑唔會過老。原來大廚係先將蛋蒸熟，但加入雞湯、羊肚菌、鵝肝同豆腐一齊燉，比起就咁將所有食材掉晒落煲度一齊燉功夫多好多。雞湯味道濃甜，唔會太油，羊肚菌出名有益，都有兩條。醬皇安格斯牛($228) - 安格斯牛好大份，差唔多有成隻前臂咁長，平時出面食西餐，哩個價錢一定食唔倒哩