蜀府川鍋 (已結業)

之前都帶過母親大人黎食過海鮮鮑魚雙層蒸氣塔,今次就趁慶祝母親節再帶佢黎食個原隻大蜆龍蝦粥底火鍋,超級足料有大量大蜆同兩隻龍蝦,仲要大隻過我手掌同有膏㖭。兩樣海鮮都好新鮮,好鮮甜。打邊爐嘅食物我就叫左珊瑚蚝,滋補花膠同手切牛頸脊,每樣食物嘅份量都幾多。我仲用左優惠價換左一板海膽,食到最後再落埋海膽,之後熄火就變左煲鮮甜嘅海鮮粥。不得不提嘅仲有即燒大連活鮑魚同紐西蘭蟶子皇面頭鋪滿蒜蓉,經過燒烤後蒜蓉帶出香氣同微脆口感,令海鮮鮮味更上一層樓。

成日留係新界食好西...都會覺得悶悶地...咁岩今日在九龍工作，順道約埋三五知己去食海鮮餐...首先係有大蜆蝦海膽粥....都好多隻蝦同蜆，而粥底好鮮甜對唔太喜歡食粥既我都食在兩碗..！值得推薦.....新鮮活鮑魚...真的活鮑魚...我見到還識郁本地手切牛頸脊...有香濃牛肉味全條龍躉起片都係$188...抵食即炸魚皮....好脆口、食落仲有小小熱熱地..！北海道大元貝：好鮮甜..！呢個黃金糕...友人話好少地方有得食..！工序都比較多...要先蒸後煎...味道都唔會太甜，有煙煙un un 感覺..！平均每人都係3百幾...我地覺得都抵食...！同埋海鮮CP 值頗高....所以值得推薦

今日到東九龍工作，難得準時收工，友人話想去食海鮮，一於去油塘，近近地鯉魚門，食得新鮮d先向門口見到有個粥底火鍋，就試下先，見到都有好多隻大蜆、大蝦，粥底鮮甜，我們決定向海鮮岀發，所以特意點了花膠、聖子、活鮑魚、大元貝，對大家好一點，食物材料新鮮爽口，有鮮甜味手切牛頸脊，地幾個牛魔都比較鐘意食牛頸脊，因為好香牛肉味，同有趙口沙巴龍𧄌全條起片 只需 $188，價錢可接受，食埋魚片粥最後成煲香濃海鮮粥已被我們清掃一空了

今日放工約左朋友去油塘食麻辣烤魚！我地沿油塘A2出口，往工業區方向行，大概八分鐘就見到餐廳！直入餐廳，座位同座位間嘅空間感足夠，除大圓枱外，還設有卡位，聚會時令客人更自在舒適。坐底後，侍應向我地遞上點菜紙。最後我地揀左尖椒重慶皮蛋、麻辣烤魚（桂花魚全條）、特大日本廣島蠔、滋補花膠、薯粉、雜菇同紐西蘭聖子皇！皮蛋入口帶麻香，味道有d似層相識，四川風味，幾開胃！之後各種配料隨後送上。海鮮類同花膠特別吸引，性價比高，特別係廣島蠔，好大隻！重點嚟啦！原條桂花魚！好彩叫小辣，因為佢超足料嘅關係，小辣都已經好辣！建議大家盡快先食晒條魚先，因為魚質會隨着溫度高，時間長而變得韌！加埋配料落去，超豐富，絕對麻得過癮！

自從於好些年前跟朋友回深圳食過粥底火鍋之後，一直都想搵機會再試，香港不是沒有的，而是名氣始終不如傳統打邊爐或雞煲大，有供應的食肆自然也不多。因為工作關係，我同同事要入油塘大本型，所以我哋便決定食埋晚飯先返歸。上網見倒附近有得打邊爐，正正在大本型對面，而且評價不錯，便決定一試。我們工作至晚上八點半左右，又時閑日，加上餐廳面積很大，我們不用等位或特別要求便獲安排坐四人卡位，感覺特別好。我估星期五、六、日就要book 位先安全啲。放眼所見，大部分食客均是點二層鍋，但我見倒餐牌有粥底火鍋，而且是海鮮粥，機會難得，便點了原隻大蜆蝦粥($178)，整整一大鍋，夠四個人食，比全隻雞煲仲要平，而且真係見倒有好多大蜆及大蝦，我哋數過有足足8隻大蝦同11隻大蜆，勁誇張。而且食材的品質很高，新鮮沒有臭味，蝦肉結實不霉，蜆肉有海水咸味，質素之高及份量之多，老實說兩個人來只點這個鍋已經足夠。至於粥方面，粥水吸收了海鮮精華，味道清甜。由於我哋極肚餓，便叫了尖椒重慶皮蛋($38)作前菜，食住先。重慶皮蛋顏色金黃剔透，有別於普通皮蛋以石灰粉醃製，完全無無苦澀味，加上麻辣醬極有川味，但太正宗，真的很辣。著便到火鍋料，我