成都老碼頭火鍋 (已結業)

呢間樓高兩層嘅中式火鍋店，招牌非常搶眼🤩遠處已經見到 ’老碼頭‘ 三字，店舖門面仲裝修得古色古香，好有氣派；踏進店內仿如置身於宮殿⛩唔講以為自己穿越咗返古代😆🏮🔸自助醬料 ($25/位)最特別係有老碼頭火鍋秘製香油，能夠降低食物溫度，達到減辣降溫效果；除咗唔同嘅醬料同生果，仲有特長筷子同圍裙提供，非常貼心👍🏻🔸自選鴛鴦湯底 ($188) 🌶無渣紅油麻辣湯 (香港風味) - 必試招牌湯底‼️ 嚟呢度緊係要試下正宗嘅四川麻辣火鍋啦！不過鐘意食辣但又唔太食得😂揀咗香港風味嘅輕辣，如果想挑戰嘅可以試正宗成都原味🔥麻辣湯陣陣飄香，有原條乾辣椒同花椒，辣得好過癮，但一啲都唔油膩～🐖鮮淆豬骨湯 - 豬骨湯估唔到幾足料，大量冬菇、火腿片同京蔥，令湯底味道更鮮甜☺️🔸日本A4牛頸脊 ($208)色澤紅潤，雪花紋好靚😍牛肉大大片，入口軟滑，唔洗用力咀嚼🤣🔸老碼頭筷子牛肉 ($88)牛肉切成長長嘅條狀，好似筷子咁幾得意🥢🤣肉質厚實嫩滑，表面撒上芝麻，香味更突出；溫馨提示：牛肉經香料醃製後已帶有微辣，唔食得辣嘅朋友要留意下🔥🔸極品鵝腸 ($88)呢度嘅鵝腸係掛住上菜，同平時鵝腸上碟唔同，好得意～鵝腸好長好肥美⏱淥

七月炎暑之季未能減退🐻對火鍋嘅熱愛❤️特別懷念疫情前返國內食四川麻辣火鍋嘅味道，估唔到喺香港都搵得返呢種感覺😍.位於旺角塘尾道嘅「成都老碼頭火鍋」，甫入店裡就仿如置於宮殿內，古色古香充滿中國風嘅裝修🏮座位亦相當寬敞，坐得好舒服😌.🍲自選鴛鴦鍋（兩款）💰$188🌶 成都原味—無渣紅油麻辣湯湯底充滿辣椒、香料、牛油香味，麻辣而不嗆喉，味道雄渾醇醇👍🏻🍖鮮淆豬骨湯放上大量香菇、大蔥，味道鮮甜.🧂醬料設置自助區讓食客自由調製醬料🥣大愛餐廳自家秘製香油，除咗有降溫降落作用之外，香油內嘅蒜頭蔥花大大提升食物入口香味👍🏻.🍴老碼頭筷子牛肉💰$88將牛肉切成如條狀呈上🥢經香料醃製後好惹味且牛肉味重😚肉質彈滑😋.🍴功夫萵筍片💰$42萵筍切成片狀再佈置成花形🌸薄切關係好快就熟，吸收盡湯汁精華後非常入味，口感爽脆😙.🍴滑溜溜鴨血💰$36食麻辣火鍋又點少得鴨血😉鴨血充滿麻辣湯底精華，香辣又過癮🤪口感紮實爽滑🤓.🍴紫薯寬粉💰$38強烈推介🌟寬粉煮熟後晶凝通透，煙靭且有嚼勁💕食完都幾飽肚😌.🍴手工白菜餃💰$39餡料夠多，口感紮實唔鬆散😉.🍴芝士小籠包💰$48即係以小籠包形狀呈現嘅芝士丸😆食嗰陣小心啲，好容易爆汁💦辣

來到旺角呢間裝修古色古香成都老碼頭火鍋，感受成都火辣辣風味。原來客人用手機點單有汽水送，另外在7:30前離座或21:30後入座可享68折優惠，全日88折。自助醬料區同水果區，當日生果有細腰芒同蜜瓜，可以解辣。湯底煮煮下會好滾，可以著餐廰提供紙圍裙，避免被辣油彈污糟。湯底揀左成都風味中辣+豬骨湯$188 ，中辣好多大辣椒粒同細麻椒粒，越煮越辣，餐廳冷氣好夠涼，如果停落黎進食會覺得凍。鴨腸半份$68:鴨腸用隻鴨仔裝住，外型可愛，燙15秒左右，保持脆度夠過癮﹗鮮毛肚半份$88:係朋友鐘意既黑色毛肚特別爽脆。牛黃喉半份$48:主要食爽口質感，不會好吸麻辣汁，爽口又惹味﹗滑溜溜鴨血半份$36:圓形鴨血，一開鍋就放落去麻辣湯底，索晒麻辣味﹗澳洲雪花肥牛半份$82:見到清晰雪花紋理，都食到牛肉味﹗台灣水蓮菜$48:香港好少火鍋店可以食到菜式，條條幼身，煮完仲係保持嫰綠爽口。鮮魚膘半份$52:煮耐左會收縮，好吸湯汁，爽口又惹味。門口位置有部清新吹風機，可以讓客人消除身上火鍋味道。帶上口罩後，整個嘴唇仲保留刺激麻辣感，火辣辣餘韻﹗

行過見到牆身好古代風吸引咗😍咁啱搵緊野食就入去試試🤪店舖環境裝修都有宮廷特色😍Menu上則有好多特別食品😋😋店舖秘制香油又調得幾好食😂搞到我放棄咗自調的多荽多蒜😂本身好想試麻辣湯😩😩但又驚辣到食唔到最終放棄🥺$108宮庭藥膳湯🍲 湯底用咗好多藥材熬(沙參、玉竹、紅棗、桂圓、黨參等)，湯頭濃郁，感覺對女性來說十分滋補👍🏻$68舌尖上的牛舌👅本來以為會係厚牛舌，點知原來係薄薄的牛舌，但勝在肉夠長，淥15秒左右就食得!煙韌爽口😋$48爽脆牛黃喉🐮見到名覺得好特別😂食完上網睇先知原來係動脈血管，屬於蛋白質，咬落非常爽口，口感仲幾似牛柏葉👍🏻$36滑溜溜鴨血🦆真係滑嘟嘟🤤唔會一夾就散👍🏻重鴨味🥺雖然都覺得配麻辣火鍋會好食好多😩$88老碼頭筷子牛肉🐮分量多👍🏻切好一條條牛肉排好☺️肉質非常嫩及有咬口😋$68蒙古羊肉片🐑好耐冇食羊肉了！薄薄一片肉好快熟🤤超香羊羶味🤤🤤$68手打黑松露牛肉丸🐄牛丸係好香黑松露味👍🏻但可惜牛丸唔爽口彈牙，咬落似係咬緊牛肉球的感覺😞有少少失望$48台灣水蓮菜🌱👍🏻好快熟 清新爽口 減低油膩感$38涼拌魚皮🐟怕太辣所以冇揀香辣魚皮😂點知涼拌入面都用咗泡椒😂但涼拌微辣都好開胃👍

開心兩口子邊爐時光，山長水遠長途拔涉帶女神來到幫襯。各職員服務非常殷勤主動，介紹海鮮及食材，招乎尚算周到。環境堅寛敞空氣流通，諗起旺中一帶火鍋店迫迫夾夾，肥一點或大份一點行都行唔到。辣友難求，爆菊之約！餐牌寫住糖心芝士魚蛋，溏心？最憎網上訂位都已經電郵確認訊息確認，仲要電話確認？太煩喇嘛！不回覆不接電話就取消訂位？惡到不得了！我無所謂亦無緊要，最多立即去幫襯其他火鍋店。發現對正廁所卡位 1 號檯真係好難賣出去，眼見三檯客都強烈反感要求掉位，最後終於有幾個師奶無留意到係廁所門口坐低開餐，非常幸運呢。鮮榨西瓜汁，有果肉無添加真鮮榨，夠晒大陸風格室溫架喎。冰凍一點更好飲更透心涼，可以更解辣解暑解口渴。藍妹生啤，無選擇只好照飲啦！我要日本啤架。麻辣紅油無骨鳳凰竹絲雞腳，首次遇上烏雞腳，麻辣汁涼拌香辣兼備，爽脆但沒有白雞腳的肥美感覺。酥炸雞皮，初嚐中式炸雞皮，日式串燒就食得多。鋪滿厚厚孜然粉，咬落鬆化雞油微滲，孜然味強烈最突出，重口味的小食。試試浸辣湯，變得好難食喎。涼拌魚皮，我較喜歡一片片多過一絲絲，味道百份百係泡椒味，酸酸辣辣兼爽脆，大家異口同聲話有趣。現炸酥肉，新鮮出爐，香噴噴有鑊氣，酥香

我很喜歡食辣，但又食唔到辣，所以人生有一個食到辣嘅朋友一齊打邊爐，係一件好幸福嘅事🥰。可以偷偷食佢小小辣，然後返去淥我嘅豬骨湯😆一推門入#成都老碼頭火鍋 ，🌶川味火鍋香氣撲鼻而來，急不及待落單上菜！我地坐2樓，經過一座小橋，一步一步向上行。🍲鴛鴦湯底揀了成都原味紅油湯底(小辣)，另一半則是豬骨湯底。侍應叮囑我地點成都風味才有四川的麻辣口感，結果無介紹錯👍🏻👍🏻👍🏻🥢澳洲和牛面珠墩細細塊焯一焯就食得，肉質較煙韌，帶點羶味。🥢魚皮餃皮厚涵靚，咬落好有口感，味道突出。🥢冰豆腐索晒湯底精華，十分入味。🥢滑溜溜鴨血Menu寫淥一分鐘，淥耐啲會較入味，正😋🥢老碼頭手打牛筋丸煙韌彈牙，牛肉味濃。🥢老油鬼鬼一邊是油炸鬼，另一邊是蟹子，將油炸鬼一面放進湯底淥，煮盡湯汁，食落惹味。🥢紅薯粉每一樣餸都係索晒湯底精華，帶出食物味道層次，食埋紅著粉就夠飽肚。🥢涼拌魚皮麻油加辣油爽滑撈魚皮，食完又食很開胃。係FB打卡仲有飲品送，我哋叫左渣杞子龍眼菊花蜜，清甜解辣，健康之選。

見天氣凍凍地，把口就好想食啲又辣又熱嘅嘢，於是同朋友就去咗呢間成日經過，好想食好耐的成都老碼頭食火鍋嘞。餐廳樓高兩層，裝潢古色古香，好有中國特色，而且座位舒適，係度食火鍋認真好享受！今次食火鍋叫咗個鴛鴦鍋，一邊係唔辣的豬骨湯，湯底加入左好多食材，所以好鮮甜味美。另一邊係紅噹噹有好多香料的香港版小辣紅油，麻辣惹味，味道非常正宗，真係見到都流晒口水。出面仲有得自選調味料，種類都幾多，我就mix咗指天椒、生蒜、炸蒜、蔥、秘制香油、麻醬同豉油，都幾重味㗎。平時兩個人食火鍋，真係叫唔到幾多樣嘢食，但呢度食材就有得叫半份，咁就可以食多幾樣嘢啦！而今次就叫左啲平時少食的火鍋配料：有滑溜溜鴨血，外表名符其實好光滑，放係紅油嗰邊煮簡直一流。因厚切關係，所以食落又滑又爽又有口感。而老友鬼鬼係油炸鬼釀墨魚滑，煮好的墨魚滑彈牙爽口，而油炸鬼吸收了湯汁，腍腍地幾好食，呢個組合都幾盞鬼。呢盤咁靚嘅肉係日本A4牛頸脊，油脂分布好平均，淥一淥就食得。食落口感好滑入口即化，而且有好香濃的牛味，超正。呢個係蛋餃，餃皮係雞蛋整成所以食落好香蛋味，都幾特別。而呢個係我今晚最鍾意食的炸芋頭，好香口，又粉又實，有好香好濃的芋味，

早已聽過成都老碼頭火鍋的大名，在深圳也有不少分店，相信絕對不是簡單的事，所以今天就來位於旺角的香港分店一試究竟。餐廳裝潢十分氣派，以傳統中式作為主題，餐廳佔地共兩層，空間寬敞，座位舒適。菜單配菜選擇多樣，更有麻辣火鍋必要的各種「下水」，今天不顧膽固醇超標盡情吃。吃麻辣火鍋當然要準備不可或缺的香油碟，調製香油碟超級簡單，基本上只要香油(麻油)、生蒜和醬油作最基本的點綴，餐廳提供獨立小罐的香油，十分衛生。另外也準備一個乾碟，令食物味道更香更辣。鴛鴦鍋底選了成都原味的中辣及蕃茄湯，湯底毫不留情，色澤紅亮，麻中帶辣，刺激著舌頭，加上牛油鮮香，回味悠長。而蕃茄湯亦同樣出色，微酸微甜十分開胃。老碼頭筷子牛肉牛肉切成長條所以看似一根筷子，用上偏瘦的牛肉，故牛肉味道更濃郁，但同時醃調過程令牛肉保持嫩滑，十分有驚喜。草原鮮毛肚/碼頭肥腸頭毛肚是重慶火鍋經典食材之一，將毛肚攤開單層輕輕灼15秒，入口鮮、香、嫩、脆、爽。而肥腸則十分特別的打了個結，令湯汁可以滲入。現炸酥肉麻辣火鍋點一份炸酥肉同樣是老規舉，酥肉肥瘦適中，炸漿厚薄得宜，外層焦香酥脆而內裡嫩滑，上枱要趁熱吃，如果冷掉亦可放到鍋中輕輕一灼，另有一番

香港人一年入面，無論幾時都會去打邊爐我作為一份子絕對唔會例外，更加會帶埋女朋友齊齊烚下烚下老碼頭火鍋係內地已經相當有名氣嗜辣者公認既火鍋作為過江龍黎到香港開店當然要去大食一番啦黎到門口，中國風格既裝潢，已經感受到佢傳統既氣派旁邊仲有一對對聯，唔記得影埋添😅😅一坐低，未去拎醬料既時候，首先落左個鍋先呢到鴛鴦鍋底係用內外之分如果一大班朋友黎食，比較少人食到辣既話建議好似我咁，內圈揀紅油而外圈揀骨湯因為我另一半對辣既接受度唔高所以辣度更選擇左師傅為香港人口味調較過既【香港-小辣】到拎醬料啦～多款香辛料自己配搭成都火鍋有分干碟同油碟兩款我比較鐘意兩款都整干碟有辣椒干碎同炸蒜蓉而油碟有生蒜蓉，芫荽碎，蔥花，指天粒，蠔油同麻油呢到既麻油仲要係獨門配方，比一般麻油香一罐做一隻油碟岩岩好唔想自己諗，呢到都有整好左既油碟醬料，一勺就OK啦為怕另一半食辣食到噴火，都係拎定啲生果比佢解辣有西瓜同哈蜜瓜，兩種都多汁甜美解辣一流只要食得哂唔浪費可以隨便添食添怕火鍋熱氣之餘，仲怕生果唔夠解辣，點多壺自家熬煮既杞子龍眼菊花蜜比另一半滋潤下甜度岩岩好，感覺到係幾乎無落糖，只係帶有龍眼既甜度，對於我地兩個飲開少甜既完全