樂香園咖啡室 (已結業)

約了在中環上班的朋友來個午餐, 地點由我來負責, 由於已遠離中西區太久, 只得從網站裡挑選我的心頭好, 看到這家門面很地道的餐室, 而且評分也不差, 我便約朋友到這裡飯聚.其實對於中環的上班族, 午餐確是個大難題, 要不就是使費很高, 要經濟的則要大排長龍.  是日我就體驗了後者,  暫時賦閒的我, 儘管已提早在12點半來到這間旁落在中環中心橫街的餐室, 卻發現門外已經聚集了一條不短的人龍.   看來這家餐室在這區應該具有不少人氣.   望上去很有舊式冰室的感覺, 在門口的玻璃窗後, 放有很多包點, 餐肉包, 菠蘿包, 雞批等等. 因為人太多且又是午飯時間, 所以這裡基本是人未齊是未可入座的.  在輪到我的時候, 因為友人還沒有來, 也只得在門外待著. 幸好店員也著我先在龍頭先等等, 待人齊後便即安排我們就座.  所以當友人一到, 我們已可即時進內了. 餐室有兩層, 不過都坐滿了食客.  我們在一張長檯的靠內坐下, 拿起餐牌, 有小食及飲料的餐牌和午市飯的餐牌, 在排隊時已聽到後面的人談到這裡最出名的是滑蛋飯, 便提議滑蛋叉燒飯及滑蛋蝦仁飯各來一客, 另加上熱奶茶及熱檸茶各一杯.  不

平日好少去上環食野😆今日就去左呢個好多年歷史既茶餐廳，午飯時間出面排左好多白領，等左大概15分鐘就有位同朋友一人點左一個午市特價飯(一律$40)，分別係滑蛋叉燒飯同滑蛋蝦仁飯🍤，份量幾足，蛋又唔會太乾太水，將蛋拌在飯裡一起別真的很可口但蛋本身既味道就唔太夠，可能係預左你落醬油所以調味料落得唔多正在裝修的門口聽講呢到奶茶都不錯，但係午餐唔包飲品，要飲就要跟正價$17一杯，下次有機會再黎😚😚!

同友人普普通通想食個夠飽既meal,所以揀左喱間，平民價啊，唯一唔好係坐得迫少少。睇到佢啲半熟蛋咁滑即刻一大啖放落口，，不過加啲鼓油會好味啲，同多啲葱。蝦都幾大隻and 爽口。友人就叫咗碟滑蛋叉燒飯，um..正常叉燒囉，最主要都係佢個蛋炒得好好食。

好耐無寫食評，之前只係去到一D貨不對辦，唔想有消費者中服先寫吓。今次終於有動力啦！回想起上一次去樂香園時，已是13年前。當時仲喺威靈頓街，個雜批一試難忘，還有有菠蘿味嘅菠蘿包。聽說後來因不敵業主加租壓力下，被迫搬遷。多年後回港，繼續在中環打滾。途經舊舖時，心感婉惜。想再光顧，但又想不起店名。今日經過機利文新街竟然重遇樂香園，二話不說，就揾位坐低。店小沒裝修，不打緊，我係為食物而來。一碟滑蛋蝦仁飯32才，絕對抵食！此飯在Canteen索價＄48。滑蛋蝦仁飯 - 蛋味香濃軟滑，喊味適中。蝦仁雖然用梳打處理過，但大隻爽口。蛋扣住蝦仁和蔥花，好香好好味。之前去過好幾間茶記，蛋花撈埋篤透明獻，加埋D蝦毛，都要＄38。今日呢餐，超讚。其實食完碟飯已經10成飽，但那些年的雜批＄8，一定要外買留嚟做下午茶。雜批像牛油香的 Biscotti + 午餐肉粒 + 青豆粒 + 1/4 隻蛋。皮夠香脆，正！總結，呢餐真係好滿足！

之前幫襯蛇竇，聽聞滑蛋出名，當時只食其他嘢！見到不少食客叫滑蛋系列飯類，例如：滑蛋蝦仁飯、滑蛋叉燒飯、滑蛋牛肉飯。好啦！一於試吓！由上環公司行過嚟大約 5 分鐘，外賣自取等候時間大約 2~3 分鐘。都算好快！ 返到去只係 1:15 可以開餐！滑蛋系列飯類 $27 ，中環區嚟講確實抵食！之所以我每次走嚟買飯盒都見到一大班食客喺門口等位啦！滑蛋叉燒飯 $27 滑蛋令人一食就鍾意！加咗蔥粒散發出香味，惹人垂涎！ 叉燒係半肥瘦叉燒，仲要大大塊！相當有口感！不過，我食到有些半生熟米，可能係偶然失準，咁唔好彩俾我食到。滑蛋蝦仁飯 $27唔知點解，呢次食完滑蛋覺得餾呀？天氣關係？或者當日唔開胃？我期待食滑蛋蝦仁飯係因為想知呢度蝦仁嘅質素？！果然不負所望，有 5 隻蝦仁，算不上大隻，勝在夠新鮮！爽身鮮甜；清埋蝦腸，食落安心又衛生！ 同樣又係飯嘅問題，有部分飯比較腍！相信呢度用一大個飯桶，難以調較飯軟硬情度？粟米肉粒飯 $27真係唔好意思！我食牛肉會皮膚敏感，試唔倒滑蛋牛肉飯！試吓粟米肉粒飯會唔會加入一些滑蛋？！ 原來無喎！有點失望！ 肉粒似係豬扒切粒，炒一炒，之後加埋粟米汁一齊炒。粟米汁甜甜地，令我

尚未轉地址前每次經過也很多人，故完全沒機會試~ 現在發現在公司附近，務必要試一試~這裡的地方依然不大，但勝在有兩層，這樣等位也會比較快，但我真的沒興趣在下雨天等位，於是叫了兩盒外賣便回公司慢慢吃。打開飯盒便已聞到很香的蛋味，快快手拍照後便開動了：滑蛋蝦仁飯 - 滑蛋真的做得很香，蝦仁大隻而肉爽，不會有晦或腥的味道，也不會過咸 (很多時食市的蝦較咸用來蓋過不新鮮的味道)，加上葱花，好吃！滑蛋叉燒飯 - 這個也是滑蛋，故滑蛋部份不提了，必需一提是叉燒，通常滑蛋叉燒的肉質沒多人留意，但這裡的卻很鬆軟，半肥瘦還有叉燒的香味呢！最大的問題是在白飯上！原本很棒的滑蛋蝦仁/叉燒，卻配在硬得來有點像飯集的飯，實在有點難過，如果白飯能改善便好了~

五月十四日 (星期四)聽說蛇竇重開,急忙約齊同事到此緬懷提早些少來到,但仍然是很長的人龍,唯有等等重新開業不久,門口的花牌仍然擺放著等了差不多二十多分鐘才有位,是剛好的一張四人桌我和另兩位同事點了滑蛋蝦仁飯,老公仔則點了滑蛋义燒飯滑蛋仍舊做得出色,不過飯則似乎煮得太久,較為軟身不竟只剛重新開張...給它多些時間罷...