孖寶車仔麵

營業中

休息中

去葵廣掃街 有時都想搵間餐廳坐吓 今日就同友人嚟咗喺地面嘅車仔麵檔食個下午茶😙 一嚟到就見到有好多街坊坐低食嘢 食完之後我就明喇 呢度真係街坊食堂😝孖寶招牌麵呢個招牌麵一碗已經滿足到我既要求🤩 入面嘅配料全部都係我嗌車仔麵會叫嘅野 有豬紅 豬皮 豬大腸 白蘿蔔 滷水雞翼同埋陳皮魚蛋配油麵🍜 白蘿蔔好清甜 豬大腸就好厚身🐷 豬皮亦都好入味 油麵爽口 份量多 滷水拼盤呢個拼盤又係樣樣有啲 雞翼 鳳爪 雞腎 雞蛋 雞翼尖同埋豆腐🥰 雞腎好爽 唔會太韌 雞翼尖同鳳爪都算幾肥美 如果鍾意食滷水嘅朋友呢個就啱晒啦 呢度嘅滷水汁甜甜地唔會得個死鹹字 飲品我地加咗錢要兩杯熱飲 熱奶茶 奶同茶嘅比例幾好☕️ 熱檸茶 茶底唔會苦澀🍵呢度食野真係上菜好快 簡單就可以食到快靚正嘅滋味😉

雖然大胃嚟咗葵廣好多次，但幾乎冇乜點堂食，掃食居多。成日經過地下間車仔麵，好受歡迎咁，但從來冇食過，今次一於坐低試吓聽胃民講，呢間嘅滷水好唔錯，大胃費事揀，全部都要，嚟個拼盤，有齊雞翼、鳳爪、雞腎、雞蛋、雞翼尖同豆腐，全部都係雞咁滯醃得勁入味，就算冇澱粉質都好滿足至於車仔麵，大胃又其實怕選擇，招牌車仔麵真係救咗我，有雞翼、魚蛋、舒淇、豬紅、白蘿蔔、豬腸配以清湯湯底，配菜嘅精華更淋漓盡致。河粉雖然散咗啲，但幾實淨索味冇諗過車仔麵檔都會有招牌糖水，腐竹糖水煮得好綿好香白果煲得好腍，味道飲得出好足料

抗疫第一件事係外賣，我又對呢間車仔麵情有獨鍾，放工整返個滷水拼盤、三餸米粉返屋企又美味慳時間嘅一餐。呢度嘅滷水真係正架！夠哂入味，拼盤咩都有唔洗煩。最正係滷水腎片，滷到夠淋易咬口，雞腳豆腐雞翼都入哂味，濃而不咸。陳皮魚蛋蘿蔔雞腳米粉，重點在於正宗陳皮魚蛋，唔會太淋，不失彈性，亦都有好香陳皮味，係舊日嘅味道。最重要梗係叫阿姐加秘製辣菜脯，咁就完美。腐竹蛋糖水腐竹已經溶晒喺糖水度，好似飲豆漿咁，仲有隻滑滑雞蛋，見到都流口水，食落好香黃豆味。唔飲汽水我會買呢度100%香港製低糖豆漿，唔太甜又香豆味，正！

今晚勁凍，想食熱辣辣嘅野，但又想快食留時間打機，最好就係食車仔麵。魚旦，鳳爪，豬皮，雞腎，咖哩魷魚，米粉，加辣，仲有滷水拼盤，唔洗幾分鐘已經攞得走人。打開蓋好香，魚旦ok夠彈，鳳爪入味，豬皮乾淨索哂湯汁好正，好少車仔麵有咖哩魷魚，魷魚靠咖喱汁調味，做得車仔麵又難唔到佢，幾香咖喱味。$49滷水拼盤都幾多餸，有雞翼、鳳爪、雞腎、雞蛋、翼尖、豆腐，個滷水汁超濃味，所以每樣餸都夠哂入味，最鍾意食滷水雞翼，滷水蛋都唔錯。

呢間麵檔係葵涌區經營超過十年，以「快」同「平」取勝。主力賣車仔麵同港式小食，配料都係傳統口味，自製辣汁更係最出名🌶員工更係超有人情味，疫情嚴重嘅時候，向市民免費派發口罩同漂白水😷💗孖寶車仔麵+花枝丸+黑椒牛丸+五香豬頸肉+咖哩魷魚+生菜($62)麵底揀咗撈米粉，淥得軟硬適中🍜當然要試下佢地嘅秘製汁，味道有d似沙嗲醬，甜甜辣辣咁，不過味道偏淡🤔所以一定要加辣菜脯，惹味程度大大提升，食落爽口微辣好醒胃。配料方面，豬頸肉炆得入味軟腍，肉質唔油膩🐷；咖喱魷魚口感爽脆有咬口，咖哩味香濃稠杰🥘；黑椒牛丸食落有少少肉汁，黑椒味濃🐮；花枝丸口感彈牙，仲有粒粒魷魚🐙；生菜新鮮翠綠🥬💗滷水拼盤($49)滷水汁果然係陳年熬咗好耐，香料味濃郁 ，夠哂鹹香甘甜😍雞腎薄切依然有咬口，不過口感偏硬，食落冇氨味🐤；雞翼大小適中，皮下脂肪少，滷水汁嘅甜味入哂內裡，肉質飽滿，嫩滑唔鞋口🐥；雞翼尖有番咁上下大隻，仲有肉可以啃下，而且唔會炆到腍哂🐔；雞腳肉質軟腍得嚟又充滿彈性，筋位超級爽口，富骨膠原，食完會黏口🦴；雞蛋滷得非常入味，蛋白完全唔硬好有彈性，蛋黃甘香鬆化🥚；豆腐預先炸過，所以口感較硬唔夠滑，反而似食緊炸豆乾。雖然

《孖寶車仔麵》葵芳店位於葵涌廣場地下既車仔麵鋪，由中學到宜家每次經過都比佢陣咖喱味吸引。今次終於試左佢既三餸車仔麵，滷水拼盤同特色碗仔翅。三餸車仔麵套餐（$46）加餸另+8/款既然試得招牌車仔麵，就梗係要試佢既秘製醬汁。我地揀左撈米粉配秘製汁，搭花枝丸、黑椒牛丸、咖喱魷魚、五香豬頸肉同生菜。花枝丸：好彈牙，不過感覺配湯麵會更加夾黑椒牛丸：咬落有好香好濃既黑椒味，就算撈埋個汁一齊食都唔會冚左佢陣味。咖喱魷魚：魷魚好爽好彈，個咖喱汁同秘製汁撈埋意外地好夾好特別五香豬頸肉：醃得好入味，咬落好腍好香生菜：本身諗住多d顏色，但意外地好爽脆，令碗麵既味變得好清爽，唔會太單調秘製汁應該係沙爹汁，落得好足，就算撈完個粉都唔會乾身加埋免費提供既辣菜脯，多左陣麻辣味，成碗麵更加吸引。店家仲貼心提供唔辣既菜脯，任君選擇墨魚條碗仔翅（$24）意料之外地好大碗同好足料，對於細食既女仔黎講，一碗真係好夠。面頭鋪住墨魚條，一舀起就見到有冬菇片，粉絲同木耳絲熱辣辣食落有好香既麻油味，墨魚條好彈牙，唔會有雪味。滷水拼盤（$49）包括滷雞腎>滷蛋>滷雞中翼>滷雞尖>滷雞爪>豆腐（按

黃店 💛 #葵芳 #荃灣 #孖寶車仔麵星期五晚黎咗葵芳食個快飯，同朋友揀咗呢間黃店「孖寶車仔麵」，三餸一麵連嘢飲都係$46。雖然人多，但店員都好有熱情同態度好好，所以食得幾開心☺️🍜 米粉幼身嘅米粉煮到煙煙韌韌，唔會太腍身，幾好😚🐮 牛腩牛腩甜甜哋，好腍身。仲帶有幾舊牛筯👻🦑 咖喱魷魚咖喱味好濃，但又唔辣，反而甜甜哋☺️🐠 魚肉條用魚肉整成一條條，食落啖啖肉，好有咬口🤗🍢 滷水拼盤👉🏻雞翼👉🏻鳳爪👉🏻雞腎👉🏻雞蛋👉🏻雞尖👉🏻豆腐滷水拼盤超大份，大食嘅我同朋友都要撐住肚皮先食得曬😆 雞中翼、雞翼尖同鳳爪都好甜又好肥美，滷完都唔會縮水，大大隻好正。豆腐都好大舊，吸曬啲精華，好多汁🤤 雞腎好煙韌！雞蛋都係滷完都咁大粒，而且甜甜哋好好味。