潮滙館 (已結業)

我雖然不是潮州人，但對於潮州的滷水卻情有獨鍾！當中的滷水鵝片更是我的必點菜式，其他滷水食物例如鵝腸、鵝肝等也同樣十分吸引！這家位於長沙灣的潮滙館，價錢實惠，味道正宗，實而不華，是不少附近工作人仕的聚腳點，亦同時是區內街坊的食堂。滷水鵝片（HK$138)👍👍👍👍👍師傅細膩的刀工切出每塊厚薄均勻的鵝片，肉質腴美嫩滑，滷水滲出淡淡的香氣，鹹味適中，令你可以嚐到鵝肉的鮮味。滷水三寶（HK$188)👍👍👍👍👍滷水三寶有滷水鵝片、鵝肝和鵝腸。鵝片肉質鮮嫩、鵝腸帶有少許鵝脂，口感爽脆並帶有鵝脂的甘香、鵝肝入口粉嫩、滑腴肥嫩，十分滋味。椒鹽豆腐（HK$78)👍👍👍👍豆腐切成粒狀，炸至金黃香脆，外脆內軟，加上惹味的椒鹽，作為餐前小吃或佐飯佳宜。白粥 （HK$12)👍👍👍👍吃潮州菜當然少不了吃一碗潮州白粥，平實的白粥配上滷水或其他打冷食物都很配。茗茶(@ HK$10)Storefront Menu

呢日喺荔枝角做完野餓餓地，知近長沙灣工廈區後街多餐廳之餘價錢又平，就決定同同事喺呢頭食埋先返去本來打算食茶記，但經過呢間潮匯館就俾佢櫥窗啲滷水野吸引住臨近weekend不如去打冷啤一啤放鬆下～入到去環境都好闊絡，大聲啲吹水都唔怕同隔離枱你眼望我眼。一坐低店員即刻送上茶芥，餐前小食有花生同我最愛既酸菜，酸甜又爽口，大熱天時正好開胃打冷必點鵝片！！！排列得井井有條，份量夠多有十幾片唔似有啲打冷剩係俾幾塊下面全部鋪豆腐。鵝片醃得夠入味，一咬落去咇哂滷水汁，鹹香十足。酥炸白膳同樣超足料，好抵食白膳炸得皮薄香脆，裡面啲肉入口爽彈無骨。隨碟附上一碟醋for去油解膩，因為覺得入口唔油膩既關係，我自己就無點。私心推介金沙蝦球蝦碌大大隻，啖啖肉。蝦球先油炸再加入咸蛋黃炒香，每粒都包裹住厚滿既蛋黃蓉，香口得黎外綿裡彈，口感豐富食左咁多肉類都要點返個菜，金菇切小段鋪面，易夾易食；兩種蔬菜同樣掛汁力強好好送飯。可惜今次點得太多食得太飽，下次一定要嗌返個靚仔撈黎食

少女心得黎又帶少少麻甩既我☺️，今日去左呢間有多年歷史嘅正宗潮州菜：潮匯館。不過係正宗菜之前想講下佢既特別菜式：✨家鄉炸油果：（講真食過咁多間打冷，得呢間有，所以我係第一次食👅）睇個樣以為好硬？ 其實係軟綿綿兼且煙煙韌韌，花生芝麻勁香！食落大滿足！🤤✨椒鹽白鱔片： 一級棒！超好食！個個都爭住食😂😂😂 厚切，彈牙，牙齒用少少力咬落去個種爽彈口感！而且新鮮清甜，咬落十分享受😌😌😌✨潮州糖醋麵： 依個經典，話係主食又得，話係甜品都得！因為糖同醋都係按你喜好自己加落去，減肥既你就要落少d糖啦！睇落有啲似廣東菜入邊嘅豉椒排骨炒麵(乾身炸底嗰種)，但其實潮州糖醋麵係外小脆內軟身㗎！✨滷水三寶 （鵝片、鵝腸、鵝肝）： 鵝片最緊要係新鮮同脂肪比例好；鵝肝亦都係，乾淨新鮮同入味；鵝腸就一個字：爽呀！✨滷水雙拼（🦑墨魚、🐷大腸）： 鮮墨魚好爽滑，大腸就好冧好濃好滋味😋😋😋✨普寧炸豆腐： 外邊一層薄脆，入邊嫩滑如豆花🥰✨家鄉反沙芋： 正宗，標準！芋頭既選擇好重要，一定要起沙，口感酥軟，甜度剛好。仲有唔錯既：✨韭菜鵝紅✨金菇瑤柱扒時蔬(菜心)✨蝦蟹砂鍋粥✨椒鹽鮮魷✨椒絲腐乳炒通菜Well ～ 我係想像唔到我地班

幾年前曾光顧這間潮州菜館，今天去開荔枝角附近，朋友話好想打冷，即時諗起呢度，所以又再去光顧，好彩早去，等了20分鐘就有枱，好喜歡此店用的雞公碗餐具，但個人覺得味道比以前稍遜了一些，但依然好味，潮州店的前菜：鹹酸菜花生。好味滷水鵝片，肉香，滷水入味，不太鹹。九肚魚烙：淡淡九肚魚香味，但不夠香脆，若然可以煎乾一點，脆一點就更加好韭菜朱紅：好好食，豬紅入味，韮菜不老，炒㷄條：潮式炒河，少少海鮮，牙菜，味道一般，早知叫蠔仔粥好過。

新加坡朋友來港, 帶佢去試食潮州菜。醃螄蚶好在可以叫半份, 好鮮味, 但同枱冇人敢食, 所以我一個人食哂半份。滷水鵝片好香滑同多肉汁, 冇切得太薄, 超正!普寧豆腐, 原本好有期望, 確係外脆内軟, 但其實冇乜味, 亦唔覺有咩特別椒鹽蠔仔料靚, 蠔仔好大隻, 但椒鹽感覺唔夠惹味其他菜式質素也可以。會為滷水及生醃菜式再嚟~!

朋友推介，咁就姑且一試去試吓⋯今晚試咗香港好少見嘅醬油賴尿蝦，食落去係好鮮甜⋯但係亦浸滿醬油嘅鹹味，身邊兩位朋友就讚不絕口⋯但可惜非我杯茶。鵝片就不過不失普通，同街邊大排檔一樣，以佢哋嘅呢度嘅煎蠔格⋯同我鍾意食嘅炸蠔餅感覺相差好遠，所以我都唔多Like。全晚最好味就係碟話梅排骨，鹹鹹甜甜送飯一流。最搞笑係我哋叫咗個凍烏頭，食完野都仲未黎⋯最後原來漏單，鋪頭細細⋯當晚又唔係好多人，咁都可以漏單，總括來講呢間餐廳並非我杯茶，應該唔會有下次。