旭

營業中

休息中

環境5分：銅鑼灣日本菜餐廳，地舖超大，有壽司大枱同鐵板燒大枱同埋房，不過Omakase一定要响壽司吧食先最享受同興奮，可以畀五分。衛生5分：地方好乾淨企理，光猛衛生，一樣畀五分。服務5分： 師傅同樓面服務員都好好招呼，師傅續樣魚生介紹，生磨Wasabi顯得非常專業，樓面不斷加熱茶，效率高，服務滿分。味道5分：（萩：HK$1,680/位）1)     前菜拼盤：白螺用汁煮過特別入味，螢光魷魚送酒一流，昆布煮豆腐好開胃。2)     漬物有牛蒡粒，蘿蔔，蕎頭，薑，不斷refill最開心。3)     北海道最出名兩種海鮮，海膽同毛蟹，加埋一齊食非常鮮味，口感豐富到爆炸。4)     梭子魚魚皮燒過加埋Ｄ魚油特別香。5)     炸天婦羅立魚白子用紫蘇葉包住，好嫩好軟好滑好香。當做香魚香口有回甘，連Ｄ細骨頭吞落肚好野味。6)     白象拔非常爽甜，細細兩片點海鹽非常好食。7)     眼見師父一條長長嘅大拖羅攞出嚟，切走有根嘅部分，然後最好嘅部位就畀你放入口，非常細心。大拖羅溶响口，冇得輸。8)     Season沙甸魚切碎細粒，加埋塊非常爽脆嘅紫菜一齊食，超級好食。9)     鮟鱇魚

禾稻冚珍珠，黑暗的希雲街尾原來有間祕點，單字「旭」，曾受米芝蓮及 Open Table 推薦，供應刺身料理及鐵板燒。 廚師發辦項目豐富，大部份是時令魚貝，配合壽司長的獨特處理方法及醬汁，有些新意！ 最其妙是遇上生命力極強的九州車海老，被拆頭起肉之後不只該眠不眠，尚要舞動全程，使唔使咁「猛」呀！雖說是早上剛到的新鮮貨，依然是少見的生猛。看著師傅手起刀落，斬頭鬚動，做成壽司之後，肉身內的肌肉仍在郁動，如若起舞！ 除此之外，吃出甜味的魚肝、洋溢煙燻櫻花木香的平靜魚、汁煮青森魷魚及自家製奶凍等皆十分討好，$1680/位，物有所值！這晚的廚師發辦「荻」，每位$1680，是三款選擇的中價，菜單是這樣：前菜，刺身5種，小肴，壽司8貫，湯，甜品但事實上項目不止於此，壽司長會按時令加添，今晚吃到的全是當時得令、且有新意的魚種，例如白梅貝、螢光魷魚、野生油甘、尖魚、針魚、沙甸魚、白象拔、真鯛白子等。 詳情如下：漬物三款－蘿蔔、蒜頭、牛蒡我不嗜漬物，淺嚐各一，爽口有汁、新鮮不過鹹。 前菜兩款 - 白梅貝配螢光魷魚白梅貝以味醂及清酒煮至入味，柔軟細膩。富山螢光魷魚以蛋黃醬調味，柔滑質感，酸醬平衡了鹹味，剛剛好

限聚令放寬後，一向好客嘅數字Auntie即約會肥肥家族去食鐵板燒，仲專登揀咗間佢相熟而座上客都未聽過嘅「旭」。隱蔽於希雲街尾嘅日本餐廳門面係一個車房，招牌巧妙地於暗黑中猶如店名中之旭日亮起，甚有意思。打開趟門，即發現光線充裕嘅室內寬廣開揚，裝潢時尚有氣派。用餐大堂分為右方嘅壽司吧及左方嘅鐵板區，而中間長長嘅餐桌似乎暫作為分隔一點五米之二至四人散座。裝修嘅唯一及最大問題就係個洗手間設計，因為以可容納五十位食客黎講，全店只有一個男格及一個女格實在係唔夠用。九人派對被安排於店內唯一嘅一間廂房內進行，私隱度及空間感足，厚墊椅櫈舒適好坐；廂房最低消費額為午市$4,000、晚市$8,000。主人家早已交托老闆之一兼當晚嘅大廚Ken哥為晚宴自訂餐單。食材包括生猛嘅海鮮、紅潤嘅美國和牛及彩艷嘅蔬菜，豐盛得很。嘻嘻，有佳餚就當然要配美酒啦！自攜佳釀嘅開瓶費一律為$200/樽，大小同價。如果喺六頁酒牌中叫酒飲的話，則叫一樽免一樽開瓶費。XO仔出名八，未有食物嘅時間先攞咗份金光閃閃嘅餐牌研究。魚生廚師發辦及鐵板燒套餐均有三款可選。其餘單點項目都有兩頁之多。據悉，餐店開業至今已有四年半，一直都冇收取加一服務費