影片
更多
2023-09-20
303 瀏覽
今年生日老公帶左我黎中環呢間 食Omakase，話要寵下妻☺️成晚的體驗非常難忘，好值得逐點回味🥰。杣的環境非常幽靜，睇番餐廳網店介紹，原來餐廳的空間設計都好有心思，以京都禪風庭園概念，展現京都清雅的設計特色🎋。餐廳日籍行政總廚高橋先生有超過三十年經驗，擅以懷石料理為題設計菜式。夜晚的 係$2680/位，本身都覺得索價好高😆但試過啲新鮮食材係幾時令、上乘之後，就明白其實真係物有所值😱，亦係其他Omakase餐廳無法媲美的級數。📔CHAPTER 1 - 本日の前菜：日本蕃茄杯入面擺滿新鮮松葉蟹腳🦀，面頭再鋪上幾片大大塊的南北大鮑魚，睇住佢的用料我地暗裏都好驚訝嘩然😲。加埋鮮味十足的特級北海道海膽，同埋一大匙魚子醬，再淋上土佐醋啫喱，兼用紫蘇花塗上最後一筆的妝容🎨，呢個酸甜開胃、鮮味無窮的前菜簡直係無懈可擊。另一道前菜的主角同樣係松葉蟹腳，但就完全係另一個風味。蟹腳同口感豐富的三文魚籽撈入日本胡麻豆腐中。而呢個胡麻味絕對唔係平時食開果啲胡麻醬味，而係鮮磨的味道😳再用清新甜香的燒柿滲出甜味，令我諗起蘇軾一句：「淡妝濃抹總相宜」😌📔CHAPTER 2 - 刺身是日刺身係在日本被稱為「夢幻之魚
杣的環境非常幽靜，睇番餐廳網店介紹，原來餐廳的空間設計都好有心思，以京都禪風庭園概念，展現京都清雅的設計特色🎋。
餐廳日籍行政總廚高橋先生有超過三十年經驗，擅以懷石料理為題設計菜式。夜晚的 [夕食DINNER SET] 係$2680/位，本身都覺得索價好高😆但試過啲新鮮食材係幾時令、上乘之後，就明白其實真係物有所值😱，亦係其他Omakase餐廳無法媲美的級數。
📔CHAPTER 1 - 本日の前菜：
松葉蟹腳鮑魚海膽魚子醬日本蕃茄杯
10 瀏覽
1 讚好
0 留言
日本蕃茄杯入面擺滿新鮮松葉蟹腳🦀，面頭再鋪上幾片大大塊的南北大鮑魚，睇住佢的用料我地暗裏都好驚訝嘩然😲。加埋鮮味十足的特級北海道海膽，同埋一大匙魚子醬，再淋上土佐醋啫喱，兼用紫蘇花塗上最後一筆的妝容🎨，呢個酸甜開胃、鮮味無窮的前菜簡直係無懈可擊。
另一道前菜的主角同樣係松葉蟹腳，但就完全係另一個風味。
燒柿三文魚籽松葉蟹腳胡麻豆腐
12 瀏覽
0 讚好
0 留言
蟹腳同口感豐富的三文魚籽撈入日本胡麻豆腐中。而呢個胡麻味絕對唔係平時食開果啲胡麻醬味，而係鮮磨的味道😳再用清新甜香的燒柿滲出甜味，令我諗起蘇軾一句：「淡妝濃抹總相宜」😌
📔CHAPTER 2 - 刺身
九繪魚刺身
9 瀏覽
0 讚好
0 留言
是日刺身係在日本被稱為「夢幻之魚」的九繪魚。🙈搵下資料發現一條香港賣緊$2,550🙊，根本係頂級美食的代表。九繪魚肉豐滿緊緻，味道清而鮮，配上簡單醋汁、蔥芽、紫蘇花，同師傳自家調製的辣椒蘿蔔蓉就好美味😋。
📔CHAPTER 3 - 季節の燒物
磯燒伊勢龍蝦剌身肉配蘭王蛋豉油
3 瀏覽
0 讚好
0 留言
磯燒伊勢龍蝦剌身肉配蘭王蛋豉油
3 瀏覽
0 讚好
0 留言
見到師傅拎兩大舊伊勢龍蝦剌身肉🦞去磯燒真係少少嚇親😱龍蝦肉表層的磯燒味濃，呈半生熟狀態，晶瑩剔透，一啖咬落去食緊兩種口感。伊勢龍蝦配以蘭王蛋豉油，非常富蛋香，味道精彩到不得了。
💫BONUS 1 間場 - 西京麵豉鮑魚麵配鮑魚肝醬
西京麵豉鮑魚麵配鮑魚肝醬
13 瀏覽
0 讚好
0 留言
完全估唔到懷石料理都可以咁Fusion😳而且係會令人留下深刻印象的意粉🍝！成個味有好濃厚的鮑魚味，麵豉醬汁好甜、稠身，鮑魚肝醬有助進一步提鮮。三文魚籽、唐辛子、菇味濃郁的舞茸菇也非等閒的配角，彼此爭妍鬥麗，互相輝映，口感豐富的同時味道又平衡得好好🤩
📔CHAPTER 4 - 油物
蟹腳海膽春卷油物
5 瀏覽
0 讚好
0 留言
第三次登場的松葉蟹腳仍然帶黎好大驚喜！蟹腳、海膽、紫羅葉捲成香脆的春卷，醮上昆布豉油汁，一啖肉汁迸發。除左啖啖蟹肉之外，脆皮十分薄身索汁，一點也不油膩。同場的日本南瓜綿密🎃，唐辛子刺激味蕾，盛讚。
📔CHAPTER 5 - 蒸物
昆布湯時蔬金目鯛蒸物
7 瀏覽
0 讚好
0 留言
鮮甜平實的昆布湯蒸物才最考食材的級數😀。師傅好細心咁切開茄子、牛蒡、甘筍提升鮮味。外皮燒過的金目鯛擁有豐富的油脂，豐有光澤，香氣十足。
💫BONUS 2 間場 - 漬物
漬物
4 瀏覽
0 讚好
0 留言
漬物
4 瀏覽
0 讚好
0 留言
師傳整的漬物都好有特色，包括有木魚花蒜頭、紅酒漬洋蔥芯、芥末淮山同追加的日本大頭菜，每款素材都好天然、開胃😛。
📔CHAPTER 6 - 手握壽司8貫
師傳用的是傳統日本江戶前製作赤醋飯手法🍣。
✨1 白魷魚：
白魷魚壽司
4 瀏覽
0 讚好
0 留言
食材來自福岡有名的玄界灘，無論係佢係口腔入面的濃郁的魷魚、回蕩的膠質同層次，都顛覆左我對魷魚的認知😂
✨2 炙燒金目鯛：
炙燒金目鯛壽司
4 瀏覽
0 讚好
0 留言
黎自靜岡伊豆下田的昂貴的魚食材。先用火槍把魚皮烤至微焦，激發金目鯛豐富的脂肪，油脂豐富，肉質細嫩把美味程度最大化。
✨3 北海道喜之次：
北海道喜之次壽司
4 瀏覽
0 讚好
0 留言
睇番係名為「絕活海中紅寶石」的又一高級魚食材。顏色鮮艷漂亮，係我感覺咁多款白身魚中油味最香濃、魚感重的壽司。
✨4 牡丹蝦刺身壽司：
牡丹蝦刺身壽司
7 瀏覽
0 讚好
0 留言
師傅用料真係一啲都唔手緊😂牡丹蝦刺身🍤的體積接近比壽司飯大兩至三倍，只需簡單青檸提鮮，果種的膠質、彈牙、鮮味感覺，實在好難忘。
✨5 深海池魚：
深海池魚壽司
6 瀏覽
0 讚好
0 留言
以清、甜、爽見稱，9月正值盛產期！肉質緊實而爽口、略帶油香，配搭薑蓉提升味道，好鮮甜呢～
✨6 炙燒赤目魚：
炙燒赤目魚壽司
5 瀏覽
0 讚好
0 留言
微微烤燙後已經好多魚油，香甜多汁，入口即溶✌🏻。
✨7 吞拿魚：
以傳統高級料理店的方式呈現，即係用紫蘇葉突出香氣。清新的香味與魚味很配合😇。師傳仲教我地，圈養的吞拿魚味道會比野生魚更加平均。
✨8 極致享受🩷😋海苔牡丹蝦白海膽烏魚子🫶🏻
海苔牡丹蝦白海膽烏魚子壽司
11 瀏覽
0 讚好
0 留言
用磯燒海苔包住三大片頂級白海膽、牡丹蝦刺身、烏魚子醬，我都唔形容喇，大家自己想像下係幾Creamy兼大滿足😉......
💫BONUS 3 間場 -
江戶前玉子燒🧈：口感綿密蓬鬆，帶有鮮甜蝦味，充滿日本老屋嘅復古感。
📔CHAPTER 7 - 湯物
白麵豉湯
4 瀏覽
0 讚好
0 留言
白麵豉湯：
呢度的麵豉湯感覺同平日食開的好唔同。知道師傅特登用不同魚鮫熬製，入面只有生海葵，但已經好鮮甜。飯後飲落好舒服、順滑，溫暖宜人☺️。
📔CHAPTER 8 - 三道Signature甜點
三道Signature甜點
6 瀏覽
0 讚好
0 留言
✨1 北海道赤肉蜜瓜🍈：果肉嫩滑多汁，清新可口，係呢道豐富盛宴完美作結
✨2 日本忌廉芝士奶凍🧀：自帶天然奶香味，美柑肉餡味道清甜，果肉清脆，仲有金箔裝飾添🤩）
✨3 蘭王燉蛋🥚：焦糖脆皮好香，用蘭王蛋更加突出蛋的香濃蛋味，質感細滑。既有特色，亦好出色，係非常驚艷的創作🥳！！！
呢餐食左接近三個鐘，除左慢嚐到餐廳的上乘用料（真係好闊綽！大加分😍）、對食材質素的執著外，更是感受住廚師的用心，整晚每道菜式都令人嘆為觀止🥳。人生苦短，有時真係要體驗多啲。呢晚係「Omasake界愛瑪仕」的體驗，絕對會係我記得的一趟美食之旅🥰。
張貼
