一生懸麵

營業中

休息中

呢間拉麵熱店成日都要排隊呢排咁凍更加想食拉麵🍜所以今日day off就過嚟排下果然無令我失望呀我哋2:00嚟到都要排咗20分鐘先入到去店內典型日式裝修位置唔多店員都好有禮貌佢唔係冰水嚟㗎係檸檬水我叫咗濃香櫻花蝦沾麵（$83）一嚟到真係好香好香蝦味先講吓佢正嘅地方先個沾麵汁好香濃仲有勁多筍！！！ 利申我係一個好鍾意食筍嘅人！佢真係好大方仲好入味跟住仲連埋個青檸令到佢味道更加清新糖心蛋真係糖心蛋黎你都知出面有啲會半熟㗎嘛我試過食間拉麵店佢變咗全熟蛋.........所以我覺得個糖心蛋都好重要麵底亦都好彈牙碗底唔會有水呢個好緊要出面有啲拉麵店整得唔夠乾碗底好多水個感覺好核突......呢度絕對冇呢個問題好啦咁梗係講吓啲唔係太好嘅地方啦首先個沾麵汁真係唔夠熱變咗擺埋個麵落去就凍哂同埋個肉雖然有燒焦過但係太大陣火槍味呢樣野真係可以改善下男朋友就嗌左個濃香櫻花蝦拉麵（$83）我想講佢嗰個真係好食好多！！！面底係唔同佢嗰個係九州拉麵底嚟湯底當然一樣啦但係佢嗰個超熱超熱！！！冬天咁凍食真係好正出面好多拉麵店都唔夠熱呢一間嘅拉麵呢方面做得好好！唔怪之得個個都食拉麵我蠢咗啦食沾麵好想下次黎食埋個魚介湯底拉

一直都好想嚟呢度食拉麵，因為見到好多人都話佢正！可是我不是常去開牛頭角，所以其總店真係未找到機會去。當我發現原來旺角也有分店，就二話不說即刻走嚟食！好彩我週末6點嚟到，時間常早，沒有人龍，可以直入✌🏻濃香櫻蝦油拉麵 (HK$83)．櫻花蝦：鋪滿整碗真係超級吸睛😻，脆口有咬口，𣎴會腍晒．叉燒：肥瘦均勻，入口即溶似的口感．拉麵：可以揀硬度👍🏻，一定揀較硬，喜歡佢有些咬口嘅感覺．豚骨湯底：因有海量嘅樱花蝦，湯底不只是豚骨味，更多一種蝦嘅鮮甜味，好有層次嘅味道😋。建議加一些醋汁入湯底一齊食有另一番味道㗎！．半熟蛋：最正更係留係最後先食，不過可能湯太熱嘅關係，到我食嘅時候，蛋已經7-8成熟，少咗流心啫喱狀嘅效果，口感差一啲，不過味道不錯👌🏻呢碗CP值咁高嘅拉麵，我一定全部食晒，一隻蝦都冇啦😹😹題外話，嗰日食緊麵時，有人入店，正常店員都會講「いらっしゃいませ」，但有位廚師突然講咗句「一生一世」😹😹

呢間有良心嘅日式拉麵沾麵店好出名，個店名來自日文漢字「一生懸命」(用心/盡力嘅意思)，所以店名意思就係用心做好拉麵沾麵～拉麵同沾麵湯汁都各有3款，沾麵仲有提供凍麵同熱麵可以揀。今次同兩個朋友一齊食，就試咗2款沾麵同1款拉麵比較一下😛 沾麵用嘅麵條比拉麵嘅粗身，兩者都可以自選軟硬度。•每碗麵嘅基本配料有2片叉燒、半隻半熟蛋、幾片竹荀。叉燒係長條形，面頭有輕輕火炙/烤過，帶出嘅油脂味幾香，但整體肉質都偏瘦，所以食落有少少柴。半熟蛋嘅蛋味好香，而且醬油味入晒味😋，但個人覺得隻蛋有少少太熟，唔夠流心。🥢濃香櫻蝦油拉麵 $83湯底表面同樣鋪滿櫻花蝦，聞落好香，食落櫻花蝦味尚算濃，拉麵湯比沾麵汁多咗好多蔥同洋蔥，所以飲落比較清新，無咁易覺得膩。整體黎講，幼麵同拉麵湯比較夾。😋•沾麵汁比其他店算細碗，上枱嘅時候亦都唔算好熱，食凍麵嘅話，加埋舖頭冷氣都幾大，個湯食到一半就凍晒喇😖雖然凍麵熱汁係比較傳統嘅配搭，但下次再食呢間嘅話，我應該會揀返熱麵😬沾麵汁嘅質地唔算濃稠，同時唔會太濃味，所以將麵條沾汁嘅時候唔係好沾到，做唔到掛湯嘅效果😬配料方面，拉麵同沾麵嘅配料無大分別，只係沾麵多咗一塊青檸。🥢魚介豚骨沾

今晚黎左呢間近排好紅既拉麵小店食個晚飯，我6點3左右到，時間尚早唔需要排隊。但係如果正常晚飯時間黎，條人龍係長到不得了。其實之前都試過去九龍灣店，就係太多人排隊所以最後冇食到。網上見到呢間拉麵店大獲好評，今日終於食到，太開心了我地兩個人各嗌左一個拉麵，首先係濃香櫻蝦油拉麵，一上枱見到d櫻花蝦多到鋪滿面櫻花蝦湯頭夠濃，配上豚肉湯底，散發蝦油香味，的確係掂，值得一試！第二碗係二郎系拉麵，比較特別，平時都冇乜見到，我都係第一次聽。呢碗就比較重口味，整體味道比較複雜，蒜味好濃，如果唔中意蒜頭既朋友就唔好嗌啦。兩碗對比既話，我個人係比較中意櫻花蝦拉麵。呢間拉麵店整體黎講都高質素，而且價錢平，性價比極高！屬於回頭率100%既米豬連小店。

近排食沾麵食上癮，係咁搵不同地方嘅沾麵...今次我就出九龍區食沾麵。今次就食呢間啦⋯⋯餐牌點餐紙餐具食物雞軟骨，一份有兩條；雞軟骨條上面擺放左京蔥同埋沙律醬。咬落去會一啖都索索聲，係雞軟骨嘅索索聲、而且好香嘅雞肉味。拉麵呢個就係濃香櫻蝦油拉麵，由於唔係我食而係我阿妹食啦！目測都幾豐富，差唔多成碗都係櫻花蝦。沾麵呢個就係我最想食嘅嘢啦。魚介豚骨沾麵；先講下個沾麵湯先啦，個湯呢系有好大浸嘅豬骨味，咁你撈勻左佢呢，就有一陣嘅魚介味：但同時又有豚骨味。呢碗湯最神秘之處，就係裏面除左京蔥之外仲有豬肉，而係仲要豬肉粒。豬肉都唔細粒。而且肉質好滑。呢碗沾面嘅麵質比較粗身，都幾有麥味。當沾上沾麵時都幾掛汁。叉燒食落去有一陣灸燒過嘅味道，肉質都幾淋，而且都幾滑。玉子玉子有流心，蛋黃偏橙色。食嘅時候有豐富嘅蛋汁。

2018年10月31日 萬聖節早了下班，但是又不想太早回家休息，因為今天是萬聖節，想感受一下氣氛，所以就跟女朋友一起到旺角附近逛逛，看看有什麼慶祝活動經過這間店發現應該是新開張的，因爲之前未有留意，作為一個沾麵愛好者的我，當然要進去嘗一嘗，反正也走得有點累進去後店員細心為我們安排位置及給我們餐牌，看見店內都算空曠，沒有很逼的感覺，還播放著日本動漫的歌曲，彷如置身日本的拉麵店看到餐牌同點餐紙，有中文同日文，圖文並茂，寫得十分仔細，而且拉麵還可以選擇麵的硬度和希望不要有什麼配料，最後我們決定一人一個拉麵和一個小食先來的是雞軟骨棒，剛上菜的時候好香，咬落感覺到有一粒粒的軟骨，十分有𡁻口。另外，塗在棒上的醬汁除了有沙律醬外，還有平時吃八爪魚燒的醬汁，下來層次更豐富。之後女朋友的拉麵先到，看見賣相十分漂亮，有很多櫻花蝦鋪在上面，細細隻但吃下來十分有咬口，湯底是濃濃的蝦湯，配合櫻花蝦油，鮮味更加突出女朋友繼續吃下去的時候，發現湯內有很大片的叉燒，夾起來時已感覺到很軟身，應該煮了很久，吃下去更不需要很用力咬已經能夠吞下，很入味最後是我叫的沾麵，雖然碗不太大，但有濃厚的魚介湯，飲下去會膠質很重，感覺到

放工行經旺角返屋企，肚餓想食個簡簡單單的晚餐，行了入女人街，見到這間拉麵店，以拉麵及沾麵為主，款式不多，小食都只有三款，但價錢比較便宜，七十多元有碗拉麵，所以入去一試。章魚燒因為不是即燒，所以外層不夠脆，味道較一般。魚介豚骨沾麵正宗沾麵是冷麵底，而這裏除了有冷麵亦有熱麵選擇，麵質亦有軟、正常及硬，我點了正常，質感煙韌有咬口，而且較粗身，湯底亦可以揀淡味，配合香港人口味，不會太咸，味道鮮甜有濃郁的豬骨香味，湯汁不會太濃稠，所以不會太膩。濃香櫻蝦油拉麵拉麵是幼身，麵質較腍，湯底有濃郁的櫻花蝦香，但不及魚介鮮甜，叉燒以火槍燒過，表面帶焦香，肉質嫩腍，半熟蛋就幾滑，不過蛋王就無流心。整體來說，拉麵湯底是香港人口味，不會太咸，而且完全無味精，有點似飲濃味老火湯。