三田製麵所 (K11購物藝術館)

營業中

休息中

今日星期日下午2pm見到唔系好多人排隊我自己一個人就試下食啦。叫了一個濃香豚骨魚介沾麵。沾麵夠粗掛上那一個汁都很好,  不過一塊豬肉真系好似少咗啲, 溏心蛋也可以, 服務員很好給了我加湯的壺子, 加清湯入那個濃汁變成一個湯都可以飲。

成日都好想試喺K11呢間三田製麵所，今日終於食到。以拉麵店嚟講，呢間算係幾大規模，店內空間感十足。晚市都可以選擇優惠套餐，有齊拉麵、小食同飲品。嚟呢度就係想試佢嘅沾麵，款式相當多，最後我就揀咗濃香豚骨魚介沾麵。沾麵嘅麵條比較粗身，麵可以選擇冷熱，凍嘅麵比較爽口，熱嘅麵就比較腍身。 沾麵嘅湯非常濃郁，所以可以牢牢地掛住喺麵上面。食晒所有麵之後，可以請店員加湯，就變成一碗濃濃嘅湯。另外仲揀咗三田豚骨拉麵，佢嘅豬骨湯非常濃郁。湯麵嘅麵就比沾麵嘅麵較為幼細，用嚟配湯麵就更合適。拉麵套餐可以優惠價揀小食，我哋就揀咗煎餃子，入面都幾多肉汁。自家製炸雞嘅肉質就夠晒嫩滑，外面炸得香脆而唔油膩，味道不錯。加埋罐汽水就係完美嘅一餐。

好耐冇夜媽媽食拉麵喇，禁晚市就焗住6點前食，放寬一排終於喺晚市後段食感覺係唔同啲，但冇諗到，呢段時間都仲要排隊不過拉麵輪得好快啫，排一陣就到咁夜仲有人龍係有原因的，因為佢地啲麵真係好足味足料當中嘅魚介沾麵真係幾犀利，點一點湯，就已經好索味，魚香滿滿大胃最鍾意試期間限定，今次係海老湯不得了，好大碗，而且湯底超勁蝦香，每啖都係特濃，麵條都掛滿蝦湯汁。叉燒有三大塊，好腍好有油香呢間嘅炸雞攞過金賞㗎，其貌雖然不揚，但食落真係熱辣辣得嚟，好嫩好有肉汁胃民就好堅持叫泡菜，其實配沾麵都唔錯雖然任斟水，但跟餐都會送汽水不過大胃好想啤一啤，忍唔住嗌Sapporo，覺得佢好飲過Asahi

喺香港想食沾麵第一時間諗到三田製麵所 😍由銅鑼灣登龍街至尖沙咀K11店，一直都有幫襯～⚫ 濃香豚骨魚介沾麵 $84 ⚫麵嘅份量有小250g，中350g，大450g之分，可以根據自己食量做選擇，大、中、小同價，女仔要中或小都夠食！🤘🏻魚介嘅味道好濃，配料有1塊叉燒、半隻溏心蛋，份量適中啦，食完可以加湯，不過我覺得太咸，可以唔飲👯‍♀️🔵 鹽味鯛魚湯沾麵 $88 🔵呢款係夏日限定沾麵，同魚介沾麵嘅濃郁好大對比，飲落魚味夠鮮🐟，仲有大蔥、紫菜，好清甜，有驚喜！可以一試🙆🏻‍♀️

通常去三田製麵所都係食佢地嘅沾麵，真係比較少見到人叫拉麵黎食🤔今次叫左個好多人都會叫嘅豚骨魚介沾麵，另外見到個明太子撈麵好似都幾吸引就叫埋佢試下！**********<濃香豚骨魚介沾麵> $78沾麵有得揀冷麵或者熱麵，冷麵就會更加有咬口，而熱麵就唔會搞到個湯咁快凍曬，所以各有千秋啦！三田嘅麵雖然粗身，但掛湯能力都好足夠，湯底味道好重魚介味，不過食多幾啖就覺得偏鹹🙈**********<特製明太子撈麵> $90撈麵嘅麵條同沾麵係一樣嘅，份量好多超飽肚！但明太子味道唔太重，頭個幾啖將明太子加少少牛油食係唔錯嘅，但食到最底都幾多油下，所以個人唔太推薦🤭

早排係網上見到有另一間店推出新口味沾麵嘅片，勾起咗我想試沾麵嘅念頭。本身係打算幫襯個間，但後尾發現價錢唔算平，而且睇食評話個間現時嘅收費愈嚟愈怪。安全起見，都係搵過另一間正常啲嘅沾麵店過下口癮就算。-濃香豚骨魚介沾麵(210g)第一次食沾麵嘅我仲以為湯底同普通拉麵差唔多，但原來係濃稠好多。湯底鹹香濃烈，基本上將麵蘸少少湯已經好夠味。仲可以選擇要咩份量嘅麵，一共分為4個大小，我揀咗中size，但份量都幾多。對女仔而言，可能揀細份已經夠飽。亦可以揀冷麵或者熱麵，冷麵口感幾煙韌有彈性。-章魚丸子一共有5粒章魚小丸子，比起街邊個啲同日本食到個種係細粒啲，但味道又出乎意料唔錯。入口熱辣辣，但外皮煎得好焦香脆口，好似食緊大阪燒外皮嘅感覺。餡料軟糯，粉漿味唔算太重，章魚粒彈牙。

平日的晚上人在尖沙咀，9點多時段，不少食肆都就收舖，即去收得比較夜的茶記或拉麵店，行過成日經但從未幫襯過的三田製麵所，主打沾麵，進駐香港好幾年，今次一於試下，呢個時段都係好多人，幸好有3個位唔洗等。 店子環境頗大，樓底高，裝潢以木有系為主，和風設計，光線明亮，我們坐的是吧枱。 Menu，雖然主打沾麵，但仍然都係想食拉麵。 半熟蛋拉麵(中)，$90。 湯底味道濃郁，質感稠身，都幾重口味，半熟蛋嫩滑，大片薄切的叉燒口感軟嫩，麵條口感彈牙。 三田特製拉麵(辛辣)，$80，鯨的。 濃香豚骨魚介沾麵，$70，田會長的。味道正常水準。

當日晚上經過見無咩人排隊，又諗唔到食咩好，於是就膽粗粗同友人試下黎間沾麵店！麵條有三種份量可供選擇，分別有大 / 中 / 小。而食量大的人亦毋須擔心以上三種份量會唔夠，因有特大(HKD 88) 份量提供。湯底方面，柴魚味道十分突出，而豚骨味則若隱若現，唔太食得出。湯底算是濃郁得來又不太油~另，麵條亦可選冷/熱~ 我就選擇左冷麵條!!! 除了感受到麵質更彈牙及嚼勁的口感外，還可嘗到麵條沾上湯後的冷熱變化~ 而麵條是呈粗狀的，令到湯汁更加容易依附在麵條上