犇道 (已搬遷) 新店位置

火山牛丼（$98）望落係火山🌋爆發樣，一送上枱好震撼，肉都好多塊，長薄片，食落都有燒嘅味，但可能為左整個型一上枱都變左微溫。肉嫩，汁都好食，送飯一流。慢燒極上牛排丼（150g/$98）牛量多，慢煮關係肉質嫩有肉汁係毋庸置疑，送埋流心蛋送飯，係令人食完一啖又一啖嘅。慢煮prime極級嫩肩牛排定食配黑松露菌醬燒（150g/$98)喱個牛同上面果個都係一樣，只係多左黑松露配搭，多個濃味啲嘅昇華。可惜就少左流心蛋。有味噌湯同中華沙律送。

屯門龍門居一帶一向不乏高質街坊小店。今晚和家人到「犇道」享用了一餐豐富的晚餐，又收藏多一間好餐廳。「犇道」面積不大，坐得會有一點擠擁。一行2人剛好可以叫上晚巿的自選套餐，分別有沙律、2客主菜和飲品。沙律以蜜糖芥末醬伴沙律菜、車厘茄和粟米，蔬菜都頗為新鮮。再配上餐廳的招牌唐揚炸雞，炸粉外層做得夠薄，咬開juicy，肉質滑身。份量非常多，豬仔骨切開有約10件。豬仔骨以燒汁慢煮，入口感受到肉汁的juicy。肉質未算十分腍，仍然要花一點咬勁撕扯。牛仔腸也同樣經烤香。美國粗薯條用新鮮薯仔切條炸香，薯味香濃，配以松露沙律醬食用更滋味。火山造型的牛丼標榜全港首創，那當然不得不試！外型打卡度已相當高，山頂放了一隻溫泉蛋，外面全是安格斯牛肉片，包在裡面的則是白飯，而且還放了蟹籽點綴。牛肉片慢煮4小時而成，肉質鮮嫩又有牛香味。篤穿溫泉蛋後用來伴飯，加上大量燒汁，汁撈飯永遠是吸引的。但略嫌白飯煮得有點爛，改用珍珠米口感會更佳。2款主菜同樣配上了沙律。餐飲也可選味噌湯，又或加錢轉特飲。檸檬梳打水無糖健康，又夠解渴。另外分別加錢多叫了甜品享用。千層蛋糕由日本空運而來，淋上甜甜的花蜜，入口有濃郁玫瑰花香味。

龍門居除咗有龍門餐廳同係掃街熱點之外其實都仲有啲小店 今次就去咗犇道試下一睇招牌就知佢主打食咩啦hahaha入面其實真係有啲細嘅 得3張4人枱同2張2人枱夜晚7點去到都已經有兩三枱客食緊 好彩都可以坐張2人枱唔駛搭枱😛筆者8點左右食完 入面已經完全full house出面仲要等位添屋苑小店嚟講其實個人流都好犀利呢雖然係主打食牛 但其實都幾多選擇呢到嘅餐牌都仲係節錄咋 仲有沙律拉麵同飲品甜品嘅每張枱會有個調味架有黑胡椒同岩鹽俾大家配牛肉食✨龍蝦沙律 $33其實跟餐嘅話都有龍蝦沙律 不過因為筆者淨係想食龍蝦沙律 所以就決定單點一個喇不過嚟到有小小失望嘅 因為佢嘅份量同餐嘅無咩分別 只係多咗啲蟹籽😢不過個沙律係食到龍蝦仔嘅肉 而唔係一pat野咁嘅 味道上都好係鹹咗小小啫✨黑松露醬薯條&明太子手羽 $38&$28薯片份量都唔少 熱辣辣嘅粗身薯條配埋黑松露沙律醬好好味 明太子雞翼入面饟咗大量嘅明太子鹹鹹辣辣咁幾好食✨北海道野菜薯餅 $18筆者初初係打算嗌牛肉薯餅嘅 不過無晒就試下野菜啦 估唔到有意外得著呢外層炸得剛剛好 薯蓉好滑 帶啲蔬菜嘅甜味好食😋✨火山牛丼 $92好抵讚嘅係實物同相係一樣嘅大

「犇」原來係讀奔，入到舖頭望下就知🤣先要講呢個慢燒極上牛排丼，主角慢燒牛排真係水準之上，肉質細嫩微暖，果然係帶點粉紅色既肉最好味，而且唔靱有彈性，又有牛味，加埋啲牛排汁，正呀！個飯都有味素，仲有温泉蛋可以撈飯，一啲都唔乾，好有飽足感🥰呢個火山牛丼都好受歡迎，見到其他人都有叫呢個，賣相吸引，所以我地都叫左個🤣 呢個牛肉係薄切一片片既，無牛排肉的咬口，不過係唔同食法，相比之下更能融合醬汁，完全被醬汁覆蓋的牛肉加上小小蟹籽，十分鮮甜多汁，又係另一番風味。

今日中午首試母親介紹新開的日本餐廳，話幾好食值得一去。於是早少少11點9前落去，因為位少（十個位左右），早點一定有位坐。好彩，剛好有兩個位。小弟叫的拉麵，當然第一時間試湯底啦，味道剛剛好，濃郁的麵豉湯底，軟軟的糖心蛋，比較（林）的鳴門卷，牛肉有點失望，老了點（應該是頭尾部分），麵質硬度適中，整體份量充，清底。炸雞味道唔錯，可惜炸漿比較少，唔夠脆口。最後媽咪的牛丼，份量唔少，蛋汁撈飯好食，而且今次牛肉十分嫩（中間部分睇彩數），加上麵豉湯，飽飽走人。這間日式餐廳睇得出食物是有心之作，味道幾好，份量充，價錢中上，位少，但值得翻食。

屯門很少有平靚正的日本料理，仲要在龍門居地面舖，舖內裝修有獨特品味，一級享受。每次去都有新款式食品，每次都有驚喜。真方便，在平民食肆中有咁平靚正嘅特色美食，仲好好味添!老闆親自下厨，那份心思、熱誠，對食材精挑細選，吸引我要試完再試。我未試雪山牛丼之前滿以為味道是隨意配搭，會吃到怪裡怪氣的感覺。試了入口才發覺超級好味，很特別，意想不到食牛可以有這個效果。今日用埋火山牛丼，來作生日蛋糕，與家人在一起慶祝生日真難忘。

用火山作題才的食市很多。以平面畫作式2D為主 ,但這家的火山牛和雪山牛是名乎其實的3D火山和雪山，接近獨有造型，相信酒店都未必吃到。嫩牛肉片作山坡，中間的飯令山型飽滿，再在山頂放上溫泉蛋，蛋黃汁呼之欲出似足即將爆發出的美味，吃時蛋汁混和牛肉汁，滲入中間暖暖的香飯，更添風味。羅馬生菜和配菜，型造山頂的峰煙。加上畫龍點睛的蟹子粒，令火山變活，如火山岩漿。色香味美全，無怪此店押上這作招牌菜。再加上健康嫩囗的美味慢煮牛肉片作食材。實在是這小店令人難忘之首選。