組長日式放題 (已結業)

見有一段時間冇食過放題, 又心思思想食刺身, 約咗好姊妹嚟銅鑼灣試吓組長, 銅鑼灣人流多d放題質素應該比較有保證.見到六點半入座平d價錢二百蚊有找, 就放工早少少去食.雖然六點半喺銅鑼灣食飯算好早, 不過組長幾乎全滿, 似乎幾受歡迎.雖然我地得兩個人, 餐廳斬俾張四人枱, 可以坐得舒服d.組長放題種類有好多, 紙仔多到眼花, 不過食放題緊係叫回本貨刺身先.刺身都有好多種, 叫咗甜蝦, 帶子, 油甘魚, 三文魚, 海立, 馬刀貝, 榮螺, 以及鮑片刺身. 刺身下面有碎冰保持低溫, 呢樣好重要, 食嘢最緊要放心安全. 魚類刺身切得好厚身, 食落有質感, 魚肉鮮甜. 貝類刺身好爽口, 食多兩件都唔會滯. 鮑片刺身有鮑片味, 唔錯. 甜蝦帶子肉質結實鮮甜.食完凍嘢叫咗火炙壽司暖吓肚, 不過全部火炙壽司都係用鰻魚汁調味, 感覺上味道好似差唔多.跟著再叫其他煮物. 香草忌廉煮青口, 青口鮮味略遜, 不過肉質都算細嫩, 配上香草忌廉汁味道都可以.相比之下, 焗芝士扇貝就比較好味, 扇貝仲食到一絲絲鮮味, 配上芝士醬汁更加可口.芝士年糕芝士唔係好濃, 不過年糕熱辣辣又煙煙韌韌, 香口好味.煮牛舌好似中

前幾日同朋友去銅鑼灣行街shopping ，行左成日又攰又餓，就想大食特食，咁好狀態緊係去食放題啦！近近地就去左呢間組長，係銅鑼灣c出口一出，行多一陣就到，交通好方便喔！因為我地冇book枱，又係星期六7點左右，都幾多人等位，心諗應該幾好食，等左15分鐘左右就有位了，不過可能待應做到好攰，態度就啲怠慢喔！二人枱黎講都算幾大，唔會太逼，枱同枱之間嘅空間都夠，唔似其他連行都行唔到，出出入入阻到人地就唔係咁好嘛！同一般放題一樣，將野食分哂類，我地急不及待將每都款都叫啲，啲單都跟得唔錯，冇乜漏單，本身以為漏左2個一口蟹籽蟹柳冷麵，之後寫多2個，點知一次黎左4個，笑死我地了，好彩分量唔多，又好食，都冇浪費到~另外我地叫左好多壽司！味道都好唔錯喔！花之戀呢啲基本要叫啦~蟹粉分量好多！沙律醬好好味！！三文魚大大塊！！！好正啊！淨係花之戀都叫左幾轉！手卷塊紫菜好脆，係即叫即整架！而且啲料同飯嘅比例啱啱好，唔會太多飯食飽左個肚~火灸系列嘅壽司都好特別，有沙律醬鋪面，而且呢間野嘅沙律醬真心正！令我個唔太中意食火灸壽司個陣味嘅朋友，都覺得好好味喔~火灸三文魚燒得剛好，入口即溶嘅感覺叫人一再回味！跟住就係冷面

香港有飲食天堂之美譽，確實實至名歸，別的不談，只論刺身壽司店，高檔的有米芝蓮級過江龍，承惠每位二三千，大衆化有不少回轉壽司，幾元一件亦有交易。放題專門店亦彼彼皆是，有平有貴，各出其招，務求吸引客人，可見營運者之靈活，是晩光顧組長，各方面只要你想得到都有，難怪已有三家店！宣傳落力路過座落之商廈，總有阿姐何其落力派宣傳單張，話說今時今日，願意接取單張的有多少人，但阿姐加幾句說話，怎樣你也收到這個訊息：原來組長日本放題$158已有交易，確實化算。 位置優勝位於方便的銅鑼灣，如果坐近窗邊，可高處飽覽閙市景觀。環境舒適簡潔整齊，空間足夠。是晚全場滿座，但幸好我們二人六時多已到，被安排在店之一角的四人枱桌，相對恬靜舒適。價錢實惠及有效率不同時段放題有不一樣的價錢，如果可在一小時完成就最實惠。二百元有找的水準日式放題，也許已經是最經濟的了。見各服務員步行快速，眼明手快，上菜有效率，不時替客人追單，不擔心未能在限時完成。食品豐富多元化而食物組別十六款分十張點單紙，沙律前菜、壽司刺身、火炙壽司、串燒鐵板燒炸物、一品料理鍋物飯麵、尚有飲料甜點，算一算原來共有131款，相信無人可以一晚內試盡。選吃特色的放

在京都廣場附近行過時，接過一位長者遞給我的傳單，傳單上有詳盡介紹過餐廳曾拿過甚麼獎，還有apps可以儲分得禮物等等。橫豎晚上都要吃晚飯，我又沒有甚麼特別需求，更加是時間上正好是最優惠時段，那麼晚餐便吃放題吧！ 樓下那位長者更加好心到為我去按升降機按鈕，送我上樓。升降機門打開，已經有很多客人在進餐，室內進餐位置不算大，環境ok，轉角位有段較為隱蔽的用餐區，前有落地大窗戶，都有點點開揚。放題食物種類多，除了sake要額外加錢外，其他食品、飲品皆全包。 罐裝飲品有可口可樂公司旗下的汽水與道地烏龍茶，罐裝啤酒就是獅威！壽司中居然有我喜愛的花之戀及鮟鱇魚肝軍艦，以下兩款壽司在放題店是很少機會出現，更何況鮟鱇魚肝！火炙壽司無論外形還是味道都製作得很好，壽司飯軟糯不黏牙，醋酸味適中，面層刺身有被火炙過的痕跡，做成冷暖的半生熟口感。火炙壽司中以三文魚漬為較特別，是坊間放題店少有的款式，其次是火炙肥牛壽司都很好吃，可能因為我較喜歡頗生的牛肉吧！沙律並非款款好味，基本原因是蔬菜雪死了，以當晚為例蟹籽青瓜沙律的青瓜絲是又乾又旱，無瓜汁了，吃進口似吃枯草。可是反過來，八爪魚漬的生菜葉是厚身且多汁，冰涼涼的可口