Sky726

同女朋友提早慶祝聖誕節，所以揀左呢間排名高而環境又唔錯既西餐試下浪漫氣氛必備既蠟燭，配搭餐廳昏暗既燈光，同窗外旺角既夜景，未食之前已經加分不少前菜叫左個沙律，為之後既卡路里打個底，份量唔少，全部材料食得出係新鮮同即場整，呢個價錢非常抵食手卷意粉，見好多評論推介所以叫黎試下，味道果然相當唔錯，面質彈牙，醬料濃味，冇咩地方可以批評西冷叫左medium，肉質幾嫩，牛味都ok，不過唔算好突出，反而個薯蓉驚艷到我，又滑又重牛油味，有衝動想奶個碟慢煮豬鞍扒，之前都有買過豬鞍扒返屋企煎黎食，果隻係彈牙，而慢煮就變左嫩，口感完全唔同，隻黑醋汁好味，甜酸可以非常好咁解左食左咁多肉之後膩既感覺打卡環節，火焰朱古力球，入面有朱古力布朗尼做底，上面放左雲呢拿雪糕，酒精味都幾重下，單食朱古力布朗尼會偏苦，加埋雪糕就平衡返有火又點少得冰，黎多個雪芭打卡，相比朱古力球，呢個就真係純甜品，中意食甜既應該會好爽整體表現非常令人滿意，無論食物質素定環境都係中上水平，服務上面因為人客比較多所以冇咁主動，不過出聲要求加水或者影合照都可以好快滿足到，所以非常推介大家去幫襯

上網搵到呢間嘅環境睇落唔錯，決定同未婚妻嚟浪漫一下。上到嚟的確幾好view，少少昏暗，有燭光點綴，真係有啲fine dinning嘅感覺。怕太多野食唔哂，所以冇叫兩個set，只係一個set再加多一個main，另外再叫甜品。主菜上前有麵包、胡桃南瓜湯、燒南瓜沙律同埋三文魚mousse。南瓜湯都幾濃稠，如果飲哂一碗可能會飽飽地；沙律都OK，菜夠新鮮，南瓜又甜兼冇渣，芝士份量又剛剛好；特別要介紹嘅係個三文魚mousse，真係有三文魚既味道，但質地係mousse，我有諗過係咪將啲三文魚肉直接攪成漿狀…雖然腦海有呢個畫面，但都覺得幾好食同特別。主菜要咗個板燒自家熟成西冷牛扒伴香草牛油，再加個意大利手卷意粉伴野菌、辣肉腸及巴馬臣芝士。兩樣都好食到不得了！先講個意粉，望落有啲似肉醬意但係啲意粉係粗身卷筒狀，掛到多啲醬汁，而個醬有辣肉腸加芝士本身都好好味，仲有啲野菌菇令個口感更有層次，滿分！再讚個西冷，如果唔係個羊西冷賣哂，我可能都冇發現佢呢個牛西冷係咁正：夠厚身，脂肪少，肉味濃，我每一口都切得好細份，驚太快食哂…試咗呢兩個main course都覺得咁好食，令我不禁想知道其他會唔會到咁好食，所以我呢

星期日同男朋友睇完電器之後，去Sky726食浪漫晚餐。我地叫左一個Set Dinner同散叫意粉加甜品。香草餐包夠軟熟。精緻小吃係三文魚慕絲，入口好細滑，鹹既慕絲都幾特別。燒南瓜沙律材料豐富，沙律菜新鮮，南瓜好味，仲有芝士粒、麵包粒、番茄乾。胡桃南瓜湯超好飲，口感十分幼滑，完全無粒粒，味道香甜。板燒自家熟成西冷牛扒伴香草牛油叫左五成熟，西冷煎得恰到好處，牛味濃郁，幾大塊又厚身，伴碟有蘆筍同綿滑既薯蓉，正。跟餐甜品本身係法式朱古力撻，但無晒，變左係紅莓芝士撻。有幾層，味道唔錯。餐飲叫左熱咖啡。意大利手卷意粉伴野菌、辣肉腸及巴馬臣芝士 手卷意粉口感幾得意，麵團感種啲，煙煙韌韌，野菌、辣肉腸、巴馬臣芝士全部切碎，令到每食一啖都食到所有材料，好味。火焰朱古力球好igable，侍應會係你面前點火，佢係朱古力脆皮包住雲尼拿雪糕同朱古力蛋糕。

家姐生日特意找來這間高景觀的餐廳跟她拍照，店內裝修好優雅，天花滿佈燈泡彷如星空，窗邊位置更可飽覽高空的旺角市景，別有一番風味。板燒自家熟成西冷牛扒配香蔥乾干邑汁(套餐) - $568西冷牛扒油花本來就不算多，但勝在分佈夠平均，而且牛肉味最為濃郁，有彈性又帶點嚼勁，干邑汁清香甘甜更提起鮮味。旁邊的薯蓉好綿密，若添加牛油會更惹味。意大利手卷意粉伴野菌巴馬臣芝士 - $168本地餐廳比較少見的手卷意粉，簡單地以番茄醬及香草醬煮成，茄味濃郁又不會有嗆喉的酸味，味道酸甜醒胃。加上很多爽口的野菌增添鮮味，以及濃郁惹味的巴馬臣芝士。精選小吃(跟餐)法式煙三文魚慕絲消減三文魚的腥味，又保留魚肉的口感，好特別。木瓜蝦肉沙律(跟餐)數隻新鮮彈牙的蝦肉、清甜軟糯的木瓜粒和少許巴馬臣芝士碎，非常清新。是日餐湯&餐包(跟餐)南瓜湯好綿密不覺有渣，好清爽；餐包烘得外脆內濕潤，很重香草味，幾乎不用加牛油。紅莓芝士蛋糕(跟餐)芝士濃香，又帶酸甜味，入口鬆軟幼滑。火焰朱古力球 - $88慶祝必點，火槍點燃酒直至有火焰，將朱古力球溶化。裡面有冰凍的雲呢嗱雪糕球提供溫差感，而底下的布朗尼吸滿多餘的酒精，再連同朱古力一起吃，

一家人同我食餐生日飯，大佬Book咗呢間，食5:30 – 7:30時段，預訂6人檯嘅窗邊位置。其實我就唔太鍾意食餐晚飯要限時限刻，不過大佬Book檯時冇了解清楚，而且被要求之下又落咗Deposit，咁費事取消又再搵地方，就照原定計劃。當日我同大佬準時到達，餐廳唔太大，大概都有20多張檯，當時計埋我哋只有兩檯客人。安排入坐時發現分開2張檯，一張4人，另一張2人檯，檯質與之間離行離迾，仲有一張賿片相隔，一家人（當日只有5人出席）食得好疏離，而且因為大家share啲dish 嚟食嘅關係，下下都要離檯行嚟行去交換食物，成餐飯嘅過程都幾唔舒坦。嗰日旺角大塞車，家人兩位成員遲到，因為限時，所以唯有我發板叫咗以下食物:-1. 燒慢煮16小時辣豬助骨 – 豬助骨味道一貫，肉質有啲嚡。薯角配菜沙律普普通通。2. 意大利手卷意粉伴野菌、辣肉腸及巴馬臣芝士 - 手卷意粉一條條，紐紐哋，口感煙煙韌韌，成碟粉都係靠辣肉腸帶出味道，都幾香濃野味。3. 煎慢煮美國頂級安格斯牛柳 – 是晚餐廳食牛扒唯一選擇，Order Medium Rare，生熟度係完全達致要求。牛扒面煎出整齊格格，小小焦香，肉質有咬口得嚟都軟淋冇

Bookmark左呢間餐廳好耐, 今晚終於得閒有機會試旺角站一出好近, 係商業大廈25樓高 入面環境好好, 雖然餐廳唔算大, 但d位都夠闊坐得幾舒服, 仲播放住七八十年代既英文歌(但唔太大聲)..好岩傾計, 另外我地安排左坐窗邊, 可以俯視成個MK夜景, 中間仲有個bar枱, 加上燈光好有情調, 又有燭光, 環境真係唔錯 Menu由前菜到甜品都有好多選擇, 特別留意到有for素食既主菜, 唔食肉既人黎到都唔會冇選擇 意式蕃茄水牛芝士沙津 比想像中大碟, 擺得好整齊,蕃茄同水牛芝士一片片夾住放, 仲有d葉仔裝飾, 視覺上顏色好和諧蕃茄好新鮮, 有少少咸咸地, 水牛芝士咸咸香香, 夾埋碟邊d黑醋一齊食酸酸甜甜好開胃 (一開始以為純粹係畫碟d花紋, 原來係沙津醋), 蕃茄同水牛芝士大大塊又有厚度食到好似鋸扒咁都咪話唔開心 虎蝦意大利飯伴龍蝦牛油汁 虎蝦好大隻, 熟度剛好, 爽口彈牙, 都幾鮮甜, 而且仲去埋蝦腸意大利飯好creamy, 好香龍蝦汁味, 超濃郁味道好突出，食落好鮮味, 飯好有咬口 火焰朱古力球 成晚重點, 高度推介, 打卡一流 本身諗住食個甜品, 見個名咁得意咪叫, 點餐時店員

之前在網上看到餐廳評語不錯,而且環境很漂亮!於是假日和朋友相約在這裏吃晚飯🥰一進店已經被它漂亮環境吸引住, 十分有情調很浪漫🌹有很多情侶在這裏共度晚餐,很有感覺。整體而言價錢合理很值得,食物很高質,店員服務也很好👍我和朋友真的很滿意！臨近萬聖節,很多🎃🎃的裝飾很適合拍照打卡!餐廳位於25樓可清晰見到旺角晚上夜景🤭溫馨提示🙆‍♀️如果想坐窗口位,建議先book位！生蠔⭐️店員很清晰講解生蠔有兩種,分別來自愛爾蘭和澳洲😋兩款生蠔都十分新鮮,海水味濃郁,而我比較喜歡澳洲,鮮甜肥美蠔味較重😋而愛爾蘭相對體積較細,但入口爽口,兩者差別不大!各有所愛！如果喜歡喝酒的朋友,可以用優惠價$78有兩杯白酒。慢煮黑毛豬鞍扒配意大利黑醋汁及牛肝菌醬🌟店員推薦的慢煮系列,需要用很多時間去製作的一道菜❤️豬扒肉質很厚實鮮嫩😋啖啖肉很滿足,加上秘製醬汁味道十分出色很推介👍火焰朱古力球⭐️賣相已經很吸引😍如果喜歡飲酒的你不要錯過！加入高濃度酒精燃燒,朱古力慢慢地溶化,裏面有雪糕冰火交融口感很特別！

呢日老公Book左Sky726慶祝我生日🥰🎂係一個位於旺角與太子之間！開喺廿幾樓既空中餐廳！裡面雖然地方唔大！但我覺得氣氛都幾好😁再加上因為遇著呢個疫情，又搞埋呢個「限聚令」所以餐廳內得5至6張枱有人唔多唔少其實都幾慘！人地都會推下外賣套餐幫補下呢類型既餐廳好難搞外賣希望呢啲有質素既食肆能夠支持得住😱成日去開旺角我同老公又好鍾意食西餐所以都好方便！樣樣野都好滿意！服務好好！野食又好好❤佢最獨特係廚房透明度好高！會見到啲廚師好忙碌咁整理食材！

超級推薦這間的甜品及飲品😍 有勁浮誇既甜品，每樣甜品都好有驚喜！以為佢淨係好睇？原來仲好好食！ 話說每次同閨蜜食完飯，都要諗食咩甜品，先夠滿足😆 今次search 甜品榜，揀左呢間法國餐廳～9:30上到去，都仲好熱鬧，想坐得舒服d , 所以揀左唔坐bar檯檸檬意大利軟芝士泡沫草莓雪葩 （$85）一上檯即刻好想大叫～ 好夢幻呀！ 仙境咁噴晒煙😆手機食先，影完一大輪我地先食😂 旁邊既士多啤梨汁係餐廳自己調配既，好有heart ~芝士味好香濃！ 好似分子甜品咁， 濃濃既軟芝士溝埋好fresh 既檸檬🍋，打成泡沫，就咁食泡沫都已經好得意！ 加埋士多啤梨雪葩（係新鮮士多啤梨果肉打成既！）酸酸甜甜，加埋泡沫一齊食，超好味！ 火焰朱古力球 （$88）燒之前既真身😬 店員會用白蘭地淋係朱古力波到，跟手要準備好相機！要燒開個波喇！睇住個波燒開，超治癒！ 拍片，影相，乜都做齊呢個朱古力波食到我地讚不絕口！ 朱古力非常幻滑！我地即刻估佢係用法國朱古力😆（法國餐廳嗎！）燒浴左既朱古力我地都唔放過，刮返佢黎食！ 朱古力波用白蘭地燒，所以酒味都好濃，但絕對不是酒精味，以前食過某間出名既火焰雪山，個陣酒精味真係畢生

女朋友生日 諗咗好耐 又揀咗好耐都唔知去邊間餐廳食好經過精心細選 最後揀咗呢間sky726原本有另一間比較想去但放工時間嘅關係 所以去唔到個間咁我就揀咗呢間喇我係喺openrice搵邊到有岩心水餐廳所以搵咗呢間都直接係到訂埋位嘅生日有八折呀一上到去 就即刻有位坐啦 因為訂咗位嘅枱上有盞蠟燭燈仔嘅有個高樓大廈景 冇乜特別風景好睇張枱嘅擺設佢有二人餐但望黎望去都唔岩口女朋友又冇所謂 等我揀我又揀唔到咁最後決定叫兩塊牛扒食分別係香煎美國頂級安格斯肉眼同埋西冷嘅之後再點多咗杯嘢飲記得侍應好似話咩全日happy hour 嘢飲一律八折（好似係）Cookies’N Cream $88杯嘢幾好味朱古力味濃唔會太甜香煎美國頂級安格斯肉眼扒 $388塊扒佢寫住12oz 幾大塊呀都 但塊扒比較多筋點咗五成熟肉眼都幾香嘅只係略嫌太多筋比較難咬得開生熟有啲唔太均衡不過都可以接受嘅香煎美國頂級安格斯西冷扒$288另一塊扒點咗西冷黎食伴碟一樣嘅都係有啲薯蓉有啲瓜七成熟嘅西冷扒西冷比較有口感肉味都重呢啲呢塊西冷都唔錯都幾有咬感塊扒望落都幾靚嘅朱古初火焰珠 $88食完個兩碟扒收碟個侍應問我地點唔點甜品女朋友就話要個餐