浜焼き (已結業)

尖沙咀日本餐廳成行成市，要搵一間性價比高又旺中帶靜確實好難！今次上OpenRice 搵到呢間見食評唔錯，決定同朋友試下！🤔由於今日team lunch,食到太飽。大家夜晚都未算肚餓。所以都係決定散叫，雖然套餐有8折。🤤餐廳好細心咁分開咁上。先黎左個灸燒平目魚邊沙律。第一道菜已有驚喜。醬汁同沙律好夾，仲有少少黑松露醬。平凡中帶點不平凡。之後再上油甘魚刺🐟身同壽司🍣。油甘魚好新鮮亦好肥美！😋壽司飯不會太大件，好傳統！最後果蟹蓋，店員等我地食晒壽司先幫忙燒。好貼心。餐廳內枱與枱有一定距離，不會給人侷促的感覺。另外還有outdoor的位置，好適合情侶談心！😍

生日週就係需要不停不停咁搵好野食~ 成日食韓國野~都係時候轉下食日本野~ 今次就黎到TST一間專食日本活海鮮既地方~ 雖然佢係上樓~但係佢正正就係係apple store隔離~所以其實都唔算係難搵~一入到門口, 就見到好多新鮮既海鮮係到~ 個肚餓指數即刻上升左一半~一坐低睇佢menu.......佢既選擇真係多到一個就算冇選擇困難症既人都冇咩可能可以一時三刻簡到食咩......lol所以今次就直接叫左個set~佢分別分左2set~ 最主要既分別就係平d個個係冇牛~ 貴d個個係可以食埋和牛~ 身為牛魔王既男人, 點都要加小小錢俾佢食埋個牛~大家要注意返~ 雖然依個係二人前, 但佢係寫住每位$640, 千萬唔好以為係$640 for 2個人~ 咁你就大錯特錯喇~ 真係睇在佢生日份上, 就同佢豪食一次啦~首先上既係沙律平時既沙律份量通常都好細, 就算多, 上面d料都一定得好小 (因為d料好貴....) 但佢菜同料既比例係 40料:60菜~ 食落去絕對唔係hea你~ 所以要真心一讚依個沙律~佢依到好好既係, 佢係見住你食完一樣野, 佢先會慢慢上第二樣, 唔會係你食到一半就上, 搞到你一次過將所

例行公事 豬小姐又去食最愛嘅日本菜啦！！！浜燒海鮮近排簡直係大行其道 越尼越受歡迎 豬小姐當然要潮食啦！今日揀左尼間新開嘅浜燒き Gogogo！地方就腳易搵 尖沙咀站出口一出即到了位於流尚坊四樓嘅浜燒き裝潢有著日本原始居酒屋獨有風味 有魚缸養海鮮 牆身掛著日本海產店旗布 比人舒適嘅感覺 亦好適合一班打工仔收工尼relax一番被安排坐於角落位置 自成一角 可以靜靜地享受同豬先生嘅二人世界 多麼好係時候講下食物啦灸燒平目魚邊沙律賣相討好 顏色配撘豐富 有沙律菜 蕃茄仔 牛油果 魚籽 平目魚邊 營養價值相當高選擇用日式沙律油做汁 加上黑魚籽 更顯健康 半生熟狀態嘅平目魚邊微爽 帶有嚼勁刺身五點包括有吞拿魚 帆立貝 劍魚腩 油甘魚及三文魚擺成三朵刺身花朵一般 擺盤上好有心思刺身全都新鮮厚切令人大感滿意 每日由日本空運返港 果然係唔簡單 最令人回味嘅係吞拿魚同劍魚腩 魚油感重 口感柔軟細嫩 魚脂味係口腔徘徊 豬小姐對此真的抗拒不了啊重點尼啦！二人前嘅特上浜燒盛合同樣有五款 帆立貝 廣島蠔 蟹肉蟹膏 鮑魚及海老盤上將海鮮排得滿滿的 十分豐盛 海鮮會由細心嘅店員放係熱爐上燒 名正言順坐係度影相等食首

趁住雙10節唔洗返工 緊係要搵D好野安撫下自己啦同男人搵左間係尖沙咀上樓GE日本菜食 好好食GE隱世小店和風GE裝潢簡約GE餐牌先黎一客平目魚邊沙律 牛油果帶點生 增加左口感爽甜GE沙律菜配上少許醋唔太酸 醒胃岩岩好特上盛壽司 有我至愛GE海膽 大大舊入口鮮甜帶子 三文魚籽  三文魚 吞拿魚等都非常新鮮師父手握壽司力度岩岩好 米飯有點微暖食日本野點少得叫一客浜燒盛合呢 非常新鮮GE海鮮廣島蠔 大蝦 魷魚 帶子 重有燒蟹肉膏 樣樣都大愛店員會係隔離幫我地燒 帶子加了點醬油 味道十分鮮甜 男人大愛GE廣島蠔 佢話勁鮮. 而且岩岩熟 正到爆咀喎我至愛GE燒蟹肉膏 餐廳加左少許味淋 去除左鯹味再加上用CHIPS 夾住黎食. 出奇地夾喎 超正我地重叫左兩串牛舌 好耐無食過咁好食GE燒物了鹽燒牛舌入口JUICY  非常有咬口 正正正!最後師父請左我地食柚子雪芭 哇 好味到呢超香柚子味 唔太甜 中間有點柚子粒 食完成個人超FRESH!