海景海鮮酒家

營業中

休息中

去食海鮮, 好快諗到去流浮山, 雖然香港好多地方都出名食海鮮, 但始終係元朗人, 冇理由有近唔去而走去遠嘛? 決定咗去邊區, 都要選擇邊間, 食海鮮最怕比人劏, 咁當然第一時間周圍問人邊間好, 呢間係有2票勝出, 話係平靚正之選~雖然過咗母親節, 但呢日都仲係公假, 所以都係早食有着數, 所以book咗6點, 但原來我地都唔算早, 我地去到見到隔離枱已經差不多食完, 可能5點已經開始食早飯~入到去坐低, 淨係比咗茶我地, 但冇比餐牌, 只係好似大牌檔咁, 淨係响牆上面有十幾款推介菜式, 之後問返門口個叔叔, 佢話陣間會有人嚟招呼, 叫我坐低等就得架喇~ 我真係大鄉里, 人地咁好服務, 只係一時太多人一齊入座, 未招呼得切啫~過咗幾分鐘, 估計應該係老闆娘埋嚟招呼我地, 問我地想食乜, 當我地每講一樣海鮮, 佢就會介紹咩size咩來源, 到我地決定咗之後, 就會推介可以點煮, 仲幫我地預埋份量, 唔會話夾硬嚟, 或者老屈你, 非常老實~ 仲話送個魚湯比我地飲添~ 魚湯由於太急開餐, 完全冇諗到要相機食先~ 雖然話係送, 而且都知係用d魚毛或者頭頭尾尾煲成, 但都好濃味, 夠哂足料, 有魚

食海鮮，最怕被人劏到一頸血。要搵一間老實好味的海鮮店，更加是談何容易！ 本人酷愛食海鮮，先後去過西貢海鮮街、鯉魚門、屯門三聖村、以及流浮山等多個著名食海鮮的地方，當然曾被劏到一頸血，亦試過被「抽水、厄秤」。老實說，食海鮮都預料被餐廳「抽水」，只求不是太過份，有些餐廳可以很離譜，舉個例，好好地一隻賴尿蝦，上碟後只剩下頭和尾，最多肉的蝦身卻不翼而飛...苦水吐得多，男朋友誠意推介這間海景海鮮酒家。他與家人來過，他的uncle 亦是餐廳的熟客，所以說是uncle 介紹的，餐廳不會馬虎待薄。再次引證「出外靠朋友」及「識人好過識字」的道理。的而且確，到餐廳用膳，如果跟店主/廚房相熟，當然食材都會好一點，世界就是這麼現實！男朋友好有心，知道我媽媽都喜歡食海鮮，於是訂了枱替我媽慶生日，順道一洗我們早前被流浮山另一間餐廳劏了一頸血的惡夢。這間餐廳的位置較入，來過流浮山的都知道沿著一條行人通道便可以到達多間不同的海味店和海鮮酒家。沿著行人通道步行約5-8分鐘，便會到達海景海鮮酒家 (在右手面)。由於訂了枱，加上男朋友醒目的道出是 Uncle X 介紹的，餐廳的侍應頓時顯得十分有禮貌和殷勤，還主動介紹我們

每年婆婆生日，必定要去流浮山走一趟，説是感受一下年輕時拍拖的回憶。之後，我們總是會來這家餐館用餐。到流浮山食海鮮，我最愛吃炒海斑球、炇斑頭腩、蒜蓉粉絲蒸扇貝丶蜜燒金𧐢及鹹魚炒飯。首先要介紹的，就是炒海斑球。雖然這道菜，在許多酒家也能吃到，但味道及口感就未必能及。這道菜考究在於用料之新鮮及火候的控制，煮了出來，不能太油也不能太乾，肉質爽口彈牙，功夫才算上乘。而我每年會來這裏，也未曾嚐到不及格的炒球，確實很到家。再來，就是炆斑頭腩。香脆可口，沒有多餘的汁芡，咬下去仍然能保持肉質柔嫩、香滑。蒜蓉粉絲蒸扇貝及蜜燒金𧐢並沒有啥特別，只是個人特別喜愛甲殼類海鮮而已。最後就是鹹魚炒飯。炒飯很乾身；用料方面，可以看出大廚對鹹魚並無吝嗇，可以說是大件夾抵食。飯後更會送上生果拼盤，完美。