Ruên Thai & Vietnamese

營業中

休息中

心中數一數二嘅泰國餐廳，店舖裝修雅緻、店員友善、食物選擇多、味道唔錯、價錢唔貴。閒日嚟都幾乎full house。 ✦ 烤扇貝扇貝煎成表面焦香，內裡彈牙。海鮮味道濃郁，無冰鮮感。點埋辣辣哋嘅醬汁，好開胃。 ✦ 炭燒香茅西冷牛肉 幾特別嘅菜式。牛肉嫩滑，粉紅色，西冷牛包住香茅燒，香茅味淡淡滲入牛肉度，令本身好濃郁嘅牛味多咗份清新。另外有生菜、芫茜、米粉等，可以夾埋/配搭牛肉食。 ✦ 泰式蟹肉炒飯 大大盤好飽肚，足料蟹肉、蛋絲、洋葱粒等，口感豐富，蟹味好香。飯稍為濕身，但飽滿唔腍身。 ✦ 椰絲斑蘭丸子布丁斑蘭丸子嘅斑蘭味好出，丸子口感煙韌，似硬身嘅西米露。加埋甜甜哋嘅椰絲，幸福感重。 ✦ 泰式黑糯米飯拌燉蛋話就話燉蛋，但唔係中式亦唔係法式嗰種，似一片滑滑哋嘅蛋啫喱。配埋q彈嘅黑糯米，口感豐富有層次。 埋單都係五百蚊左右。

呢晚喺尖東海旁行咗陣，欣賞完美麗嘅維港景色之後就嚟咗呢間泰越餐廳 。幾鍾意呢間餐廳嘅氛圍，食泰國嘢都可以咁chill😊火山排骨湯呢個係廚師推介嘅菜式之一，辣度可以揀大中小辣🌶️ 火山排骨嘅份量好多，排列到成座山咁🗻 排骨整得好入味，亦都好腍，呢啲近骨嘅肉非常嫩口😋 餐廳仲好貼心提供濕紙巾同埋手套方便進食🥰炭燒香茅西冷牛肉食泰國嘢唔少得嘅會食串燒，不過呢次比較特別我哋嗌咗炭燒香茅牛肉🐮 呢個菜式好有風味，西冷牛肉包裹住香茅嚟燒，香茅嘅味道滲晒落件牛肉度，好清新🙈 牛肉嘅味道幾香濃，可以配埋側邊嘅生菜，越南米粉同埋泰式醬汁一齊食🥬菠蘿海鮮炒飯呢個係抵食之選，炒飯都幾豐富，配料方面有蝦仁、魷魚、蟹棒、粟米、新鮮菠蘿、腰果同埋肉鬆😆 最開心嘅係餐廳冇選用到三色豆，唔鍾意食三色豆嘅朋友都唔使做咁多功夫👍🏻 椰子雪糕呢個椰子雪糕好食個口唔會太甜，入面仲好真材實料🍦雪糕嘅口感有啲似雪葩，但係入面仲有啲椰子肉🥥 仲有兩條椰子蛋捲，增加口感。呢晚都有唔少外國人幫襯，加上環境有少少酒吧餐廳嘅氛圍 ，食物又幾有特色，真係好有置身外地嘅感覺 😎

同朋友係尖沙咀行完街就行左去尖東揾下有咩好食～見依間越南🇻🇳泰國餐廳幾有異國情調裝修都幾型格搶眼，紅色撞綠色植物🌱😆燈光偏黃，都幾岩飲下野慢慢chill~我地叫左泰式青木瓜沙律青木瓜好爽口，酸酸辣辣好開胃🤤炭燒香茅西冷牛肉好有驚喜，本身以為係牛肉串，原來係薄切西冷卷住香茅😋西冷肥瘦均勻，肉質幾軟👍🏻👍🏻帶少少焦香，可以配埋生菜，米粉一齊食🤤yum泰式乾炒河粉都幾大碟，我地揀左雞肉。配菜都好多，有芥蘭、椰菜、西蘭花及粟米筍。咸魚炒芥蘭正常發揮Rainbow Float色彩繽紛🤡酸酸甜甜

今次來到尖東呢頭食東南亞嘢，呢間Ruên Thai & Vietnamese主打泰國菜同埋越南菜！餐廳裝修有格調，而且燈光昏暗，比人嘅感覺好Chill，非常之有氣氛～炭燒香茅西冷牛肉💰HK$138西冷牛肉經過炭燒之後，肉質更加緊實而多汁，肉味香濃！卷喺中間嘅香茅令到西冷牛肉嘅味道更加清新，增加咗呢味餸嘅深度～泰式青咖喱(雞肉)💰HK$148青咖喱有一種椰奶嘅甜味，口感香滑濃郁！雞肉嫩滑多汁，而且充分地吸收咗青咖喱嘅香味～泰式豬肉碎羅勒葉包💰HK$138同平時嘅肉碎生菜包有啲唔同，呢到係用咗泰式肉碎飯嗰隻肉碎，味道有驚喜～飛天通菜💰HK$98通菜非常鮮嫩，口感爽脆，微微辣更加惹味～蒜蓉包💰HK$58富有濃郁嘅蒜蓉牛油香味，法包咬落去香脆可口，用來點青咖哩，味道一流～Mango Mojito💰HK$88呢杯Mango Mojito結合咗芒果嘅甜美同埋薄荷嘅清涼，非常之容易入口～值得一提，店員態度親切熱情，令到成餐飯更加愉快～

餐廳：Ruên Thai & Vietnamese地點：尖沙咀麼地道菜式：越南及泰式料理餐牌：湯，沙律，涼前菜，熱前菜，燒菜，傳統咖喱，風味小炒，海產，素食，蔬菜，經典粉麵，飯，甜點冬蔭功湯 $108 另加一冬蔭功湯可揀配大蝦或者海鮮，我揀左大蝦，真係超大隻虎蝦開邊，肉質好甜，配冬蔭功一流，蝦頭都有膏。個湯味道夠，酸不過唔辣，配料有芫荽，車厘茄，草菇，洋蔥，香茅，材料豐富。泰式馬沙文咖哩 $198 另加一泰式馬沙文咖哩可以揀羊腿或者牛肉，我地揀左羊腿，真係超大隻連骨，抵食，肉質夠嫩，唔會太酥。配料有車厘茄，洋蔥，薯仔，栗子同蓮子。個咖哩汁又滑又香，少少辣，好惹味。羅勒葉炒牛肉片 $138 另加一羅勒葉炒牛肉片熱辣辣上枱，份量好多，牛肉片好新鮮。同炒蔬菜有豆角，蘑菇，洋蔥，三色燈籠椒，紅蘿蔔片同粟米仔。放有羅勒葉係面。呢道菜炒得味道幾好，唔會太辣，又唔太油，蒜頭味好香。炭燒香茅西冷牛肉 $138 另加一炭燒香茅西冷牛肉一客三件，係牛肉片包住香茅，面頭加上蔥花同花生碎。另外配生菜包，薄荷葉，米粉同蔥花加脆脆，比你用生菜包住牛肉加兩款醬汁，包括酸辣汁同辣花生醬。牛肉本身已經夠味，中間係粉紅色

坐擁維港開揚景致的尖東美食里又有新餐廳進駐環境寬敞，有空內及半露天座位，充滿氣氛情調新店由泰國廚師主理，提供道地東南亞菜式裝潢時尚優雅，內有不少海外遊客，度假風滿滿泰式牛肉沙律肉質軟腍富嚼勁，酸香微辣、清爽開胃燒烤炭燒香茅西冷牛肉惹味十足，旁邊的米粉仔爽口彈牙串燒沙爹六串可自選雞肉、豬肉或牛肉的不同配搭經典粉麵雞蛋燒肉麵麵體柔軟，湯頭清甜，簡單的好味道無酒精雞尾酒Rainbow Float以芒果、菠蘿、橙汁配椰漿及石榴汁風味糖漿

「Ruên Thai & Vietnamese」位於尖沙咀中心，為近期新開張餐廳，深紅色色調環境新穎舒適，餐廳主打越式及泰式料理。今晚點了—🌿泰式牛肉沙律一整塊烤牛肉豪邁地鋪在沙律上，牛肉口感帶咬勁，帶有微辣口感好好味。底層沙律伴著泰式酸辣湯汁，很開胃。🌿越式鮮蝦米紙卷經典越式紙卷料理，用米紙卷著滿滿的蘿蔔絲生菜與鮮蝦，沾上少許魚露，味道清爽無負擔。🌿炭燒香茅西冷牛肉將牛肉一層一層卷在香茅上，炭烤後牛肉外皮略帶焦酥，而裡面牛肉呈現半熟的紅潤色澤，外酥內嫩的口感很有層次，本日最驚喜！配上一旁生菜與越式米粉也別有風味。🌿青檸香茅蒸鱸魚整尾新鮮鱸魚放以蒸盤上桌，微涼的氣候完全可以保持熱熱的溫度，魚肉非常大塊，非常嫩且新鮮，與泰式的酸辣醬料搭配十分美味。總體而已，餐廳氣氛佳，環境舒適，餐點道道都在水準之上，是三五好友聚餐和家庭聚會的好地方。

不嬲都鍾意去尖東同朋友吹水飲吓兼食吓嘢🍴近海旁環境又舒服啲🌊行過被Ruên Thai & Vietnamese門面寬敞 而且充滿型格東南亞風裝潢吸引，即刻卜鎚揀呢間😆🥓炭燒豬頸肉💰108微微炭香嘅豬頸肉再配底下青瓜片加辣汁 惹味之餘又清新解膩👍🏻🍖炭燒香茅西冷牛肉💰138長長嘅西冷牛肉片再捲住原枝香茅 食落非常香口 after taste亦有香茅嘅餘韻 另配兩款辣醬選擇，用生菜包米粉+牛肉食 亦有另一番風味😋🐟梅薑肉沫蒸盲鰽魚💰248盲鰽魚肉嫩滑 而且配酸酸美味嘅湯汁加配菜 份量十足👍🏻🍍菠蘿海鮮炒飯💰138菠蘿新鮮爽甜，炒飯乾身而且內有多款配料 蝦 魷魚 蟹柳 果仁 菠蘿 提子乾 肉鬆等 非常足料😋店舖有室內外區域，方便了有不同需求嘅客人👍🏻店內環境燈會隨着時間同環境氣氛而變，亦細心喺每台枱面上面放座枱燈 方便客人調節光暗🫰🏻環境同食物性價比高 份量足料 會要回顧👍🏻值得一讚是大部份店員為外籍人士，但是能操流利廣東話😆期待下次再同朋友到訪試其他菜式🫶🏻

🪩尖東休閒東南亞菜🍸-平時有慶祝活動都經常揀尖東嘅餐廳 好多餐廳都靚裝修 食完又可以去海傍行下😏 搵地方嗰陣見到有新餐廳 裝修得好靚 一於試下頭啖湯😂-🔥炭燒香茅西冷牛肉 $138最推薦呢個燒烤🥹 用西冷牛肉片包住香茅嚟燒 牛肉肉味濃郁 香氣十足🥳 側邊仲配有撈檬㖭🤗-🥘冬蔭功 $108冬蔭功辣度頗重啱我口味 同行友人就話辣咗少少 不過酸酸辣辣幾開胃呀😍 有大蝦同海鮮($118)兩款選擇👍🏻-🦀越式軟殼蟹米紙卷 $138米紙卷有滿滿嘅沙律菜 好健康🥗 軟殼蟹同牛油果係絕配 點埋芥末沙律醬味道更豐富🌯-🍝泰式蝦河粉 $158河粉煙煙韌韌 最特別係食到有啲脆卜卜嘅蝦殼 勁香口😙-🍹Mango Mojito $88芒果味好清爽呀 為mojito加上啲泰式風情💃🏻-📍Ruên Thai & Vietnamese尖沙咀麼地道66號尖沙咀中心地下G38-G39 及 G45-G48號舖Ruên Thai & Vietnamese