潮丸 (已結業)

潮洲粉麵一樣可以新潮，尖沙咀嘅<潮丸>正正就係呢個諗法，店舖內嘅磚牆木枱凳簡約得黎又帶點時尚，同樣出色仲有佢地嘅粉麵，價錢合理又公道，黎食之前已經聽講佢地牛丸唔錯，分別試咗兩款粉麵同小食👍🏻<自家牛三鮮>濃郁牛湯加上牛腩、牛肚、牛筋另外仲追加必食牛丸，筋腩都炆得夠晒淋同夠入味，牛丸追加有三粒夠爽又有香濃牛肉味👍🏻👍🏻如果唔食牛嘅朋友<潮洲魚三鮮>可能係你另一個選擇，彈牙魚蛋魚片頭同埋香滑嘅魚皮餃，配上鮮甜湯底已經令成碗粉麵好好味，鍾意嘅仲可以加埋芫荽冬菜一齊食！至於小食試咗炸墨丸同炸雲吞王，墨丸普普通通唔算好特別好出色，相反雲吞王即叫即炸，鬆脆外皮包住彈牙鮮蝦肉🦐🦐，點埋甜酸醬一齊食真係唔錯！

經過尖沙咀又有點肚餓，加上今晚又夜食飯，所以求其入了一間舖頭食碗粉。這間在金馬倫道的潮丸，下午茶時間人不算多，所以坐得幾舒服。本來想食崩沙腩，但剛賣完，要等成個鐘，唯有改食牛三鮮米粉，分別有牛腩、牛筋和牛肚，牛腩是坑腩部位，而且牛肉味比較濃，炆得很入味同時亦都好腍，油脂不多，入口腍滑帶點牛油香；牛肚不算太突出，不過都是入味且腍；牛筋妏得很腍，機乎入味溶化，唔使點咬；米粉呈半透明狀及幼身，爽口彈牙且浸在湯內不易腍。另外仲叫了一個炸墨丸，價錢比較貴，墨丸不算大粒，但很爽口彈牙，下面還用炸成盤狀的雲吞皮盛載。整體味道不錯，尤其是牛腩絕對是必食之一，小食則比較貴，但粉麵價錢就比較合理，始終這裏是心尖沙咀，下次真係要試下個崩沙腩。