名門私房菜

營業中

休息中

今日訂了灣仔上樓既私房菜，去到店員好親切既笑容，招呼週到，我地4人食預先打來訂位訂了幾款菜色，有位朋友要加班，要較遲先到，店員就先送上已訂的杏汁白果豬肺湯，仲體貼話等陣朋友到，佢地會翻熱，另外又提議可準備個頭盤冰鎮鮑魚我地食住等，好有家既感覺。嘆住個杏汁白果白肺湯$368，好清甜，有香甜杏霜味，豬肺爽口，冇豬蘇味，平時家中咁難整都咁好食，白果都煙韌，啲湯渣都唔放過，可以食晒咁濟。飲完湯暖吓胃，店員就安排上冰鎮鮑魚$78@，排得靚靚，用冰放底保持凍既新鮮感，鮑魚醃過醬汁，好濃味帶出鮑魚鮮味，彈牙！之後名貴菜，鵝肝蝦多士$188，超厚肉既鵝肝煎至微香好濃郁既鵝香味，蝦多士更是非常鬆脆彈牙。朋友喜歡食蟹，叫了個蟹肉瑤柱蟹蓋$328，谷起滿滿的蟹蓋，瑤柱絲同蟹肉絲一啖一啖的放入口，口感豐富，鮮甜。中菜必叫雞，呢間店秘製豉油雞$268，多年來累積既雞汁精華，雞肉滑溜入味，再上魚肚大介菜蝦乾湯$168，介菜清甜，蝦乾腍身鮮甜，菜味變成菜湯煲，可以飲晒成個湯。還叫了甜品炸大良鮮奶$148，巧手名菜，鮮奶入口香滑。尾聲叫埋杏仁蛋白燉奶，清甜，好滿足呀！

今晚訂左灣仔一間私房菜叫名門，個名已甚有氣派，心想必定是名貴菜色，上樓私房菜，菜色以少鹽無味精取勝，先點了招牌杏汁白肺燉湯$368，奶白色既湯，好似豆漿既感覺，湯料的白果豬肺同豬肉另上，可原汁原味品嚐湯的清甜味道，杏仁味香，豬肺肉質清甜，確實是足料巧手湯，而且白果煙韌，唔會有澀味，有在家飲湯暖在心頭的感覺。上冷盤，有名貴的冰鎮鮑魚$78@，但價錢唔貴，好大隻，厚身，入口相當清甜，彈牙！再上鵝肝配鮮蝦多士$188，超大塊鵝肝，今日好彩，店員話來貨有機會有大有細，但會原塊上，今晚我就好彩喇，鵝肝比朋友的相對大塊，益晒我呢個鵝肝痴，表面煎至微焦香，但唔太油膩，鵝肝味香濃，再墊底的脆身鮮打蝦多士，好鬆脆彈牙既蝦肉。再來精緻頭盤，一個個山丘隆起既洋蔥蟹肉瑤柱蟹蓋$328，好似黃金山咁，一匙匙放入口中。一啖啖蟹肉加瑤柱碎，好鮮甜，撈埋半熟洋蔥粒好惹味。中餐唔少得雞，點左半隻豉油雞$268，雞肉嫩滑，豉油甜味非常入味，更帶出雞肉的鮮甜味道。還點了魚肚大介菜蝦乾煲$168，其實係個菜湯鍋，清甜的介菜味，唔會苦澀，蝦肝好大隻，食下仍然清甜，還有超淋的鮮魚肚，有黏口口感，感覺充滿骨膠原。甜品壓軸點了炸大良

朋友住灣仔，介紹呢間已開業14年既上樓私房菜，建議早幾日訂位及訂菜，其實早一日訂菜都ok ,除了不是時令菜色要求則了較早。入到菜館好懷舊，有七彩顏色玻璃門，充滿懷舊情懷既感覺。私房菜當然要試吓個燉湯，聽店員介紹，呢間菜館所有菜都冇加味精，好健康好足料。試個平時屋企難整既杏汁白果白肺湯$368，一打開蓋白雪雪的湯，好似杏仁霜咁，飲落去好滑，夠清甜，杏汁味剛好，冇搶了豬肺的甜味，湯渣另上，我都會食少少豬肺，好爽，白果起左芯，唔苦，呢個湯令人有好溫暖既感覺。先來一個冷盤，冰鎮鮑魚$78@，原隻上，有冰底墊住，用刀义食，夠晒高級，逐片切下，醬汁醃過夠晒入味夠鮮甜，煙韌，鮑魚味好鮮呀！另一高級頭盤，肥美鵝肝配鮮蝦多士$188，鵝肝份量十足，厚切又大塊，煎香迫出大部分油份，再加埋鮮打蝦多士，好彈牙既蝦肉，好脆口。之後洋蔥蟹肉瑤柱蟹蓋$328@，更顯明貴的菜色，滿滿的材料，隆起至半圓至，內裡瑤柱絲同蟹肉絲各半撈勻，無比鮮甜。半隻豉油雞$268，滲滿玫瑰露，好醇香，帶點酒香味。估計呢個汁必定係陣年秘製醬汁，好香充滿雞汁的精華，肉質嫩滑唔鞋，雞皮唔多肥膏，來個青菜，係魚肚大介菜蝦乾湯$168，好清甜的上