麵屋神匠

營業中

休息中

今日要出旺角買野🛍️，就上OpenRice search下附近有咩食啦，見到book位食午市套餐就送一份炸日式餃子🥟，同埋睇埋menu見到唔洗加一就即刻book左位😋。地理位置都算好方便，出油麻地地鐵站行唔洗2分鐘就到🧍🏼‍♀️。坐底之後都係QR code落單📲。嗌左一碗濃厚蝦湯拉麵🍜（$98）。值得一提同要贊嘅位係落完單，啲野食5分鐘內就送到，真係超快手👏🏻🙈。啲炸餃子正正常常啦，不過嫌佢炸得有啲太過乾身同太過脆，我自己就麻麻地，但呢份係送嘅，就由佢啦🙈。如果要我比錢嗌，我就唔會啦😢。碗麵送到黎果陣聞到好香好濃嘅蝦湯味🦐，飲落都好正😍，可惜係啲麵質偏淋，同埋食到中途會開始覺得悶同反胃，個味濃得黎太單一😢。總括黎講，呢間拉麵店🍜試一次就夠，冇咩特別都唔會再去😢。

麵屋神匠，位於旺角近油麻地超旺地點，成日都見門口有人排隊，店內充滿和風，仲有好靚既燈籠同壁畫🏮主打特色拉麵，蟹湯、蝦湯連柚子鹽湯都有✨每款拉麵仲會話埋俾你知點煮、食材既特點咁，好有Heart💗濃厚蝦湯拉麵🦐作為蝦控梗係試下蝦湯，精緻餐盤上枱，賣相唔錯👍🏻啲櫻花蝦好香，湯底好濃好厚身，非常濃既蝦湯但又唔好咸，好味😋個湯配咩都好味，叉燒好大塊，肉質腍滑，溏心蛋少少橙色既日本蛋，加左湯食好正😗麵質算係粗麵，非常掛湯，啲櫻花蝦配埋湯同麵一齊食真係超濃既蝦味😍炸日式餃子，超級脆，唔油幾好味👍🏻飲返啖凍麥茶就係好滿足既一餐日本拉麵🍜天氣咁熱食拉麵有凍既茶真係好緊要🙈店員仲好好咁見我飲完就即刻拎多杯俾我🤞🏻高質特色拉麵，下次一定要食埋蟹湯💟

今日超級忙碌，早上在灣仔開完一個會，lunch都未食又要趕去油麻地廣華醫院開會，完會已經四點幾，在附近搵嘢食時，突然想起位於彌敦道後街小巷嘅「麵屋神匠 (旺角)」（地址：旺角彌敦道562號地下B號舖），於是就衝咗過去食啦！麵店平日中午同夜晚都很多人來吃，幸好今日午後光臨，不用等位就可以入座，餐廳店面雖然不大，但座位依然寬敞，氣氛很舒適，日系佈置裝飾讓人感到放鬆，店員非常親切友善，讓我感到很受歡迎。另餐廳也提供一個很貼心的服務，就係每張枱下面都有一個籃，供客人放袋用，而超級肚餓嘅我，當然要第一時間座低點餐先啦！下午茶選擇亦很多，套餐由$38起，我因為實在太餓了，故選了一碗柚子鹽湯蜆肉拉麵（下午茶$98另附冷或熱麥茶一杯，並可加錢選配多款小食），而我除咗加咗$10配炸餃子外，亦另額外order咗多一碟炸日式餃子（$38/ 5隻）來醫肚！柚子鹽湯蜆肉拉麵配料：荀、蔥、溏心蛋半隻、紫菜、慢煮叉燒、蜆肉 拉麵很快就上桌了，拉麵的湯頭清爽，既有柚子的清香，還有蜆肉的鮮味，這全因這𥚃的湯底是以大量鰹魚乾、貝類海產、昆布熬製，配上甜美蜆肉，再加上麵店師傅在鹽湯上加上日本柚子皮，讓原本基本款的湯頭更多

呢日又係放假訓到自然醒🤭 反正天氣好熱無乜胃口，等餓到想食嘢先出街已經係晏晝三點😂好想食拉麵，有一間次次經過都好長人龍，所以趁晏晝去碰下運氣，去到果然唔使等🤭餐廳內掛滿燈籠🏮好搶眼，好有氣氛想食佢地至出名嘅柚子鹽湯蜆肉拉麵，但可惜太晏，已經賣完，最近幾次都係食唔辣嘅湯拉麵，今次點左辛辣蝦湯拉麵$88，櫻花蝦辛辣拉同樣這湯底其實仍以豚骨湯頭為基底，但加左辣味；而大量櫻花蝦的味道非常香，採用幼麵都好掛湯炸日式餃子$32正常水準

今晚突然好想食拉麵，到麵屋神匠，位於旺角彌敦道562號地下B號舖。 入到店內見到好多客人就知道應該幾好味啦😆， 加上日式裝修的設計，又幾有風味🎎。我點了濃厚蝦湯拉麵$98、 黑蒜醬油拉麵$、炸日式餃子$32。 🔸濃厚蝦湯拉麵🍜 ～ 蝦湯熱辣辣味道濃郁非常鮮味😋， 大量櫻花蝦🦐增添口感， 蝦湯拉麵做得幾出色。 🔸黑蒜醬油拉麵🍜 ～ 黑蒜醬油湯底味道濃厚， 日式叉燒做得好軟腍🤤， 仲有流心溏心蛋， 拉麵軟硬適中，好味。 🔸炸日式餃子🥟 ～ 餃子酥香美味， 炸得好香口。 拉麵果然做得不錯，怪唔知成日都見咁多客人啦😊！🏷️溫馨提示～ 整個用餐體驗均屬個人分享意見， 只作參考😊。

餐廳介紹🧑🏻‍🍳:今天去了位於旺角彌敦道的拉麵店，這家店舖裝修具有日本風情，平時經過看到這間店長期都很多人排隊，今天是下雨天所以等了一會兒就有位了！我覺得整體環境令人感到十分舒適，座位不會很迫，食物價錢合理，而食物質素都令我很滿意美食介紹🍔:濃厚蝦湯拉麵($98) 湯汁濃郁而不油膩，每一啖濃湯都充滿蝦的味道，上面有很多櫻花蝦乾，而麵條的口感彈牙，每一條麵條都沾滿蝦湯的味道，加上薄切的叉燒肉，滿足感十足，十分推介火炙叉燒醬油拉麵 ($88) 同樣地都是非常美味，不同的地方就是叉燒比較厚身，肉肥瘦適中，是被火燒過表面的，微微的蕉香味，而內裏的肉質非常鮮嫩，另外，湯底是鰹魚湯的味道，比較清甜炸日式餃子 ($32) 外皮酥脆，內餡肉汁十足，而味道鮮美，是一個絕對合格的炸餃子

餐廳有拉麵 沾麵 丼飯 小食同埋飲品任君選擇招牌係蝦湯拉麵 仲有款好吸睛嘅蟹湯拉麵裏面掛滿咗燈籠做裝飾 充滿日本風 猶如置身日本🏮🦐濃厚蝦湯拉麵 $98見湯底顏色咁深橙色都唔使驚會好鹹因為佢係由赤蝦 蝦頭 同蝦乾熬製而成質地名副其實地濃稠厚實飲到超級香濃突出嘅蝦鮮味麵條係幼身蛋麵口感彈牙有咬口浸耐咗湯都唔會稔哂而且都好掛湯 索哂啲精華嗌咗少麵一個女仔食都好夠飽叉燒選用黑豚肩脊再慢煮色澤粉嫩肉質嫩滑 油脂都唔會太過份配料有竹筍 京蔥 蔥花 2塊紫菜 同埋半隻溏心蛋 溏心蛋熟度啱啱好 蛋白熟蛋黃濃郁濃厚呈橙黃色 透著鹹中帶甜嘅醬油味🥟炸日式餃子 $32一份四隻 同平時日本煎餃唔同 佢係炸嘅上枱時熱辣辣相信係即叫即炸嘅外皮唔算薄炸到超級酥脆 索索聲內餡爆滿肥嘟嘟脹卜卜 有滿滿豬肉香

呢間係每次經過都好想試吓而且都見到有好多人排隊，雖然地理位置唔算係一個好顯眼嘅地方，但係見口碑都唔錯所以一直都好想去食😍份量都幾大碗男仔食都應該係啱啱好，餃子係韭菜豬肉餃，外皮幾脆，餡料就比較普通，沙田嘅湯底都係比較龍尾而且好重龍蝦味，叉燒簡直係入口即溶🥹但係另外一款燒嘅叉燒就偏向彈牙啲，而且叉燒係消耗先放落拉麵上，所以好香口

餐廳：麵屋神匠地點：旺角彌敦道菜式：日式拉麵餐牌：星期一至五2:30到5:30有下午茶餐，主菜9選1，包括拉麵又有飯同小食，包飲品2選1。可以加錢要小食8選最多2。等一陣就有得食！濃厚蝦湯拉麵 $83濃厚蝦湯拉麵下午茶分量同正餐係一樣，大大碗熱辣辣上枱！飲啖濃厚蝦湯先，蝦味好香濃又唔油。拉麵上面有唔少櫻花蝦仔，仲伴有半隻入味滑溜糖心蛋，爽口扁筍，同京蔥加葱花。圍喺碗邊有叉燒兩大塊同紫菜兩片。叉燒薄切，質感瘦不過夠嫩。成碗拉麵蝦味十足。拉麵係幼身雞蛋麵，雖然浸左落湯度，不過完全唔會太腍，硬度適中又有蛋香。真係食個碗底朝天，有相爲證！黑蒜醬油拉麵 $73黑蒜醬油拉麵個黑蒜醬油湯底非常香，食完餘韻悠長！呢碗拉麵就更加有口感，比較硬身少少，係我鍾意既硬度。配料一樣有叉燒兩大塊，就稍稍多少少肥膏，仲有紫菜兩片，半隻糖心蛋，扁筍，京蔥同葱花。炸日式餃子 加$10食拉麵梗係要配餃子。加$10一客兩隻日式餃子，伴有少少醋。炸皮勁脆，入面明顯食到菜同肉，質素唔錯。凍麥茶（跟餐）跟餐得冷熱麥茶，服務員無加過茶。食完都係剛飽。下午茶餐比正餐更抵食！

今日去左旺角探朋友，佢帶我去一間之前youtuber介紹過的拉麵店。朋友話平時lunch hour店外已經排晒長龍，係我地預左要排隊的時候，卻人不多！不過一坐低後，人群陸續地多，到走果陣就真係見識到餐廳的威力！😂😂😂 一開始比佢玻璃窗上掛滿日式燈籠而吸引，入到店內亦充滿濃濃日式風味。不過餐廳位置不多，唔怪之得成日都要排隊啦！另外，服務員的態度友善，印象不錯。 ⦁濃厚蝦湯拉麵 $98包含日式叉燒，溏心蛋🍳，大量櫻花蝦🦐，京蔥和筍絲，份量十足。慢煮叉燒肉入口非常重肉味，而粉嫩顏色更加增進食欲。 ⦁炸日式餃子 $32整體上餃子🥟皮脆肉嫩，皮唔會太厚，入口多汁💦。 ⦁神匠蕃茄蝦湯沾麵 $128日式叉燒有焦香味，而且入口軟綿。冷麵第一啖食落去好有彈牙，在沾上濃濃的蕃茄蝦湯🍅🦐，好惹味。✨記得麵條在湯中唔好浸得太久，否則會失去彈性。

氣溫突降旺角街頭都只有13、14度，想搵間唔使等位既食店醫肚，朋友好想食拉麵話等位都要食，中午12點半店外已排了一條小人龍，雖然唔係好長但目測店內店鋪坐位唔太多，應該快都要15分鐘左右 係寒風中等咗真係 15分鐘，好彩都係等4枱，入到小店坐位都係日式風情，木枱木櫈整潔衛生。極上蟹白湯拉麵～湯睇落好濃好咸，但答落唔太咸，有鮮甜蟹肉海鮮味，有好多已拆肉的蟹肉，食到好多蟹肉好鮮甜，蟹肉新鮮爽口。拉麵軟硬適中分量亦適中，义燒有兩塊目測瘦的，但入口軟綿淋化，肉味鮮濃，好味非常，溏心蛋流心有蛋香，加上配菜竹筍、紫菜，配出麵的不同層次口感，好味道連湯都飲晒黑蒜細醬油拉麵～因有醬油比較油少少，但不失蒜香味，但湯底有少少似某牌子公仔麵的黑蒜湯底，其它麵裏的配菜同蟹白湯麵一樣唔再多講，但2款比較起來還是蟹白湯麵比較豐富美味。日式炸餃子～炸得外皮脆而不油膩，但沒太大驚喜，同平常日式店餃子差不多，不過不失。總括拉麵水準甚高，麵質軟硬適中，湯底咸淡適宜又鮮味，值得一讚，係寒風中等咗 15分鐘都值得無中伏🤣🤣😋😋

身邊愈來愈多朋友飛咗去日本✈️不過身在香港嘅我都唔使愁 皆因香港都有唔少地方令人彷如置身日本麵屋神匠就係其中之一啦😍店鋪窗邊的牆上掛滿日本紙燈籠 加上木系裝潢 日本風情洋溢鋪面窄而長 有四人枱之餘亦有靠牆嘅一人枱 無論係同朋友一齊食嘢定想享受me time 都一樣咁適合👍🏻 我哋係下午茶時間到訪 叫咗2個拉麵同2份餃子濃厚蝦湯拉面（$83）麵口感彈牙 正正係我鍾意嘅硬度湯底蝦味好濃郁 加上大量嘅櫻花蝦 食完餘韻無窮而吸引晒湯汁嘅荀則食落香甜 至於麵嘅主角叉燒 粉紅色大大塊 食落唔韌幾好味 火炙叉燒醬油拉麵（$73）醬油湯底有好香嘅炙燒味 湯底帶甜 同以前食開偏鹹嘅醬油湯底好唔同另有一番風味叉燒肉質肥瘦適中 麵體不會被湯底浸軟 口感不錯 唐心蛋蛋味香濃炸日式餃子（$10 / 2隻）炸得香脆嘅餃子比港式煎餃更為邪惡！每人1隻唔夠喉 所以叫多一份放縱下🤣

好幾次經過旺角都見到呢間餐廳 — 麵屋神匠，裝修好日本風，係落地大玻璃前掛左好多紅白藍燈籠，好似置身日本屋酒屋，超啱打卡！今日終於食到啦！濃厚蝦湯拉麵（$98）用濃厚蝦湯湯底煮出既拉麵，配料有日式叉燒、溏心蛋、櫻花蝦、紫菜、大蔥同荀，食落味道同口感煮好豐富，拉麵爽口Q彈，湯底偏濃，每啖都可以掛湯甘食！神匠蝦汁拌麵（$78）用店名命名嘅菜式，用蝦汁撈埋幼麵，配料有火炙豬腩、溏心蛋、櫻花蝦、大蔥同芫茜。記得趁暖撈匀，燒豬腩肉嘅外皮焦香，瘦肉、肥肉比例好平衡，近乎入口即融！炸日式餃子（加$10）午餐包一款汽水，另外見到隔離枱嘅餃子幾正甘，我哋當然都要升級做Premium，餃子外皮雖然比較厚但幾香脆，係唔錯嘅小食。見到呢度仲有幾特別嘅沾麵同羅勒醬法包，等我下次再嚟試吓！

中午約咗朋友去旺角食晏，由於時間緊迫🕐，所以就幫襯咗好近油麻地地鐵站嘅「麵屋神匠」。餐廳門面幾靚，只要行過都一定會留意到。店內環境一樣矚目，窗邊掛滿紅白藍燈籠作點綴🏮，而最後面亦有一幅卡通牆畫。呢度座位數量唔算多，一點鐘去到嗰陣坐滿人。麵屋星期一至五有提供午市套餐🥢，一共有十款選擇，價錢由$68至$128不等，包一罐汽水，唔收加一服務費。我認為定價屬中等水平啦。辛辣蝦湯拉麵($88)，🍜紅紅嘅湯頭滲出淡淡蝦香，除咗面頭落咗大量櫻花蝦外，我估計湯底用上好多蝦殼煲先熬到咁入味。🌶辛辣味恰到好處，辣得過癮但唔過火。配料方面有兩大片薄叉燒、紫菜、筍同半隻溏心蛋，叉燒口感軟淋淋，有啲似火雞片。神匠蝦汁拌麵($78)，拌麵好有驚喜😋，醬汁唔多，但每條麵條均掛滿蝦油，好鬼香，不比濃湯失色。麵條不設個人化選項，拉麵偏粗同硬身，食落幾有咬口，唔錯。🔥🐷拌麵嘅配料同湯麵差唔多，不過叉燒經火炙燒香，採用腩位，食落更為惹味。炸日式餃子(+$10)，午餐可加配小食，其中以餃子最抵，十蚊有四隻🥟，簡直平到唔敢相信。餃子雖然唔太驚艷，但外皮就真係炸到脆卜卜。總括嚟講，麵屋神匠意料之外地好有水準，本身驚佢淨係得個樣，

由油麻地地鐵巷仔往旺角方向行經, 有間富有日本風味嘅拉麵店, 每逢放工繁忙時間同埋假日都排長龍, 今日lunch-hour, 同同事經過見到入面人流較少, 即把握時機入去試試。餐廳於落地玻璃位置掛上大量和風燈籠, 營造了日本氣氛。主打以日本甜蝦、赤蝦、蝦乾熬成嘅蝦湯底, 提供湯拉麵、沾麵、輕食同飲品。午市套餐跟罐裝汽水, 更可以優惠價追加小食。【濃厚蝦湯拉麵】HK$98超濃郁蝦味湯底, 唔會過鹹, 圍邊有兩片粉嫩嘅慢煮叉燒, 質感嫩滑, 配有溏心蛋、筍、京蔥、大量櫻花蝦等配料, 麵質QQ彈牙, 整體惹味濃郁, 每口都充滿鮮蝦味, 超讚。【神匠蝦汁拌麵】HK$78兩件灸燒半肥叉燒, 口感好林帶淡淡燒肉香, 但食落唔會成口油; 配上溏心蛋、京蔥、莞茜同埋大量櫻花蝦, 墊底嘅麵條已經加入咗蝦汁, 將麵條同埋面層配料撈勻一齊食, 每啖都很有重鮮蝦味, 濃郁度比起蝦湯拉麵稍微淡dd。夾集唔同配料食, 惹味香口, 超喜歡~+$10 追加【炸日式餃子】 餃子皮好薄, 外皮煎至微微脆口, 有豬肉碎同蔬菜做餡, keep到鮮甜肉汁, 正!