影片
更多
2022-06-21
1332 瀏覽
中午約咗朋友去旺角食晏，由於時間緊迫🕐，所以就幫襯咗好近油麻地地鐵站嘅「麵屋神匠」。餐廳門面幾靚，只要行過都一定會留意到。店內環境一樣矚目，窗邊掛滿紅白藍燈籠作點綴🏮，而最後面亦有一幅卡通牆畫。呢度座位數量唔算多，一點鐘去到嗰陣坐滿人。麵屋星期一至五有提供午市套餐🥢，一共有十款選擇，價錢由$68至$128不等，包一罐汽水，唔收加一服務費。我認為定價屬中等水平啦。辛辣蝦湯拉麵($88)，🍜紅紅嘅湯頭滲出淡淡蝦香，除咗面頭落咗大量櫻花蝦外，我估計湯底用上好多蝦殼煲先熬到咁入味。🌶辛辣味恰到好處，辣得過癮但唔過火。配料方面有兩大片薄叉燒、紫菜、筍同半隻溏心蛋，叉燒口感軟淋淋，有啲似火雞片。神匠蝦汁拌麵($78)，拌麵好有驚喜😋，醬汁唔多，但每條麵條均掛滿蝦油，好鬼香，不比濃湯失色。麵條不設個人化選項，拉麵偏粗同硬身，食落幾有咬口，唔錯。🔥🐷拌麵嘅配料同湯麵差唔多，不過叉燒經火炙燒香，採用腩位，食落更為惹味。炸日式餃子(+$10)，午餐可加配小食，其中以餃子最抵，十蚊有四隻🥟，簡直平到唔敢相信。餃子雖然唔太驚艷，但外皮就真係炸到脆卜卜。總括嚟講，麵屋神匠意料之外地好有水準，本身驚佢淨係得個樣，
中午約咗朋友去旺角食晏，由於時間緊迫🕐，所以就幫襯咗好近油麻地地鐵站嘅「麵屋神匠」。餐廳門面幾靚，只要行過都一定會留意到。
店內環境一樣矚目，窗邊掛滿紅白藍燈籠作點綴🏮，而最後面亦有一幅卡通牆畫。呢度座位數量唔算多，一點鐘去到嗰陣坐滿人。
麵屋星期一至五有提供午市套餐🥢，一共有十款選擇，價錢由$68至$128不等，包一罐汽水，唔收加一服務費。我認為定價屬中等水平啦。
辛辣蝦湯拉麵
$88
29 瀏覽
0 讚好
0 留言
辛辣蝦湯拉麵($88)，🍜紅紅嘅湯頭滲出淡淡蝦香，除咗面頭落咗大量櫻花蝦外，我估計湯底用上好多蝦殼煲先熬到咁入味。🌶辛辣味恰到好處，辣得過癮但唔過火。配料方面有兩大片薄叉燒、紫菜、筍同半隻溏心蛋，叉燒口感軟淋淋，有啲似火雞片。
神匠蝦汁拌麵
$78
12 瀏覽
0 讚好
0 留言
炸日式餃子(+$10)，午餐可加配小食，其中以餃子最抵，十蚊有四隻🥟，簡直平到唔敢相信。餃子雖然唔太驚艷，但外皮就真係炸到脆卜卜。
總括嚟講，麵屋神匠意料之外地好有水準，本身驚佢淨係得個樣，但今日食嘅兩款麵都好出色😋，蝦味濃郁，真材實料🦐，令人一試難忘呢！再者，餐廳嘅出餐速度亦好迅速，基本上冇乜嘢可以挑剔。
張貼
