関東酒場 (已結業)

呢個清酒放題我哋已經計劃咗好耐, 諗住作為紀念日嘅慶祝活動！喺奧運地鐵站行出來幾條街，就會見到呢間麻雀雖小五藏俱全嘅小店。佢係主打清酒放題，分開兩款，有《竹 》同 《松》。另外仲有好多串燒、炸物、關東煮、主食等等。我地選左《松》$568，除咗可以試一系列嘅清酒之外，仲可以每人選三款關東煮、兩款炸物。一坐埋位嘅時候waiter 已經好有禮貌，遞上兩杯骨膠原雞湯，飲落口嘅時候好濃郁，好有膠質！雖然出邊好熱，但係飲酒之前暖一暖個胃，可以保護一下😌炸物方面我哋嗌咗池魚，一條一條份量都好多，食下飲下咁好正！仲有墨魚咀，芝麻雞翼，洋蔥圈，樣樣都係好高質！另外，一坐埋位既時候，你就要從呢9個入邊選一隻作為你個戰鬥杯。花多眼亂PS 如果你酒量唔好嘅, 記得選擇淺身啲！😌呢啲就係我哋試過嘅酒，酒類分四款：生啤、燒酌、清酒、果物酒，好多選擇從左至右 （上至下）1）柚子梅酒😍2）Suntory (50/50)3）神開蜜柑酒😍4）尾瀨之雪檸檬柚子酒😍5）楯野川子寶芒果酒😍6-8）清酒好似wine tasting 咁樣，一款又一款，最重要係waiter 好好心機同你介紹，所以都飲得好開心！我諗女仔都係鍾意飲果物

鐘意飲酒尤其飲SAKE嘅人留意啦🍶大角咀有間関東酒場推出SAKE放題，2小時內任飲14款日本清酒同6款啤酒/生啤/燒酌！仲有送酒前菜小食、關東煮、烏冬、同串燒添啊！竹 放題 2小時無限制啤酒及清酒任飲放題 $348@1🍻啤酒/生啤/燒酌 6款 及 🍶 14款日本清酒🍢關東煮可選3款 日本蘿蔔 冬菇 福袋 麻吉燒 半片 日本牛筋 🍜烏冬1款 北海道風雞皮烏冬 日式牛肉稻庭烏冬 🥢前菜先付1款 炸池魚 芥末章魚🍶宗政 純米吟釀🍶純米大吟釀 美山錦 中取入口辛口之後慢慢帶點米香甜味～🍶玉泉堂酒造 美濃菊純米吟醸飛騨誉味道甜，唔太辛口，對我嚟講易入口！🍢超豐富嘅日本關東煮！將我哋2人叫嘅關東煮材料放哂入同一個煲裡面🍢日本牛筋大大條，骨膠原十足～🥢炸池魚喺酥脆卜卜魚仔配上蕃茄醬🧀超推薦麻吉燒！以魚漿包覆Q軟不黏牙道地夾心麻糬！🍜北海道風雞皮烏冬 充滿新鮮感！雞皮超滑彈 加上撒有七味粉 湯底有種濃厚日式風味！🍍菠蘿豚肉串 $24 🥑牛油果豚肉串 $26夏日之福岡名物果物卷！將豚肉薄燒後包著生果，呢個系列感覺幾清新同特別！🦀蟹肉蟹膏甲羅燒 $68已經混合好嘅蟹肉蟹膏甲羅燒，配上千祈唔好明幾點嘅薯片！

最近受東京奧運熱潮影響，難免又開始掛住日本，可惜疫情下冇得去日本旅行，就留港發掘下高質既日本餐廳。之前被主打日本酒放題既関東酒場所吸引，奧運站附近收工去又好方便！每位食客只需要付＄３４８，就可以係２小時內無限制飲４０款酒包括生啤、日本酒，每位仲可以各揀３款關東煮、１客前菜１客烏冬。另外如果想飲埋最啱女士既甜美果物酒，只需要＋＄４０就可以関東酒場無論門面定裝修都有日本和風感，有紙燈籠高掛、日本酒櫃、仲有關東煮既煮食位，好有日本地道居酒屋既風情。佢地座位亦好舒適，係一個非常適合和朋友、同事一邊飲酒一邊傾計既好地方。單單啤酒類都已經有六款可選擇，實在好啱酒迷黎食呢！當晚我地除左飲日本生啤外，仲叫左幾款清酒，而當中我地就最鍾意出羽櫻純米吟釀，佢榮獲２０１４年全美日本酒歡評會吟釀部門金賞，散發洋梨般果香，入口微甘。另外一個較欣賞既清酒就係楯野川純米大吟釀清流係用山形縣原產酒造好適米精米至５０％而成，入口柔和，香氣較清，而且回甘。每名惠顧放題既食客都可以從２０款關東煮中揀選其中３款，當晚我地二人就揀左日本蘿蔔、蝦餅、福袋、鵪鶉蛋、魷魚串、芝士魚棒。其中我地最欣賞日本蘿蔔及福袋，日本蘿蔔汲收關東煮湯