Cobber Noodle and Waffle

營業中

休息中

上星期朋友帶我嚟到觀塘美興工業大廈嘅Cobber noodle and waffle，原來係世貿大樓另一間cafe 嘅姊妹店嚟架，以後想食 Waffle就可以嚟呢度啦 🤤 店內以木系裝修為主，放工可以過嚟輕鬆下😌呢度仲有唔同嘅西式料理、小食同窩夫選擇。✨冬陰功墨魚意粉（辣）怕辣嘅朋友可以叫小辣，同樣惹味足料，見到餐牌上寫住+$8可以將意粉轉蒟蒻意粉，估唔到口感爽滑，卡路里仲比意粉少30%，可以留返quota 食埋其他食物 🤭🤭✨炸芝士拼盤芝士拼盤分別有芝士條同芝士角，咬落仲有拉絲呀🥹 不過啱啱炸好，食嘅時候小心熱呢！✨自家製千島醬慢煮雞肉香草Pizza店員送上薄餅🍕嘅時候，就聞到好香嘅千島醬同香草味，而且雞胸肉質滑溜，啖啖肉呀🤤🤤🤤✨香蕉朱古力竹炭糯米窩夫配椰子雪糕招牌窩夫可以選擇竹炭、伯爵茶同抹茶口味，我哋叫咗香蕉朱古力竹炭糯米窩夫配椰子雪糕，呢度嘅窩夫中間加入咗糯米，食落口感煙韌，窩夫外脆內軟，好好味呀😍

未到聖誕，未到聖誕，未到聖誕就可以同啲朋友食聖誕餐啦！今日朋友推介去咗一間主打窩芙嘅餐廳，正！全店已有聖誕的佈置，好有氣氛。有兩個用膳區，地方闊落，座位唔少。仲有牆上掛滿食品圖畫，極吸引我。食物有六個系列，包括意大利粉、薄餅、燉飯、小食、雪糕窩芙和窩芙。點了一份香口小食，炸芝士拼盤（$58）共有兩款，長形係拉絲芝士條；三角形係軟心芝士，外脆內軟，滿滿芝士香，芝士迷一定鍾意。我地揀咗一份日式明太子紫菜大蝦意粉（$138），全碟沾滿明太子忌廉醬，鹹鮮美味。多隻大蝦彈牙鮮味，好吃！奶油牛肉印度咖哩風味薄餅 (8"寸)（$118）口味特別！餅底脆脆地，面頭舖滿辣辣地嘅碎牛肉醬，加埋鹹香嘅芝士，好惹味！主打窩芙唔可以唔食啦！揀咗藍莓提子伯爵茶糯米窩夫配朱古力雪糕 （$92），賣相一流！伯爵茶糯米窩口感相當獨特，外微脆內黏糯，好好食！它本身有伯爵茶嘅幽香，再加埋伯爵茶醬，啖啖濃濃嘅茶香，好得！連香甜嘅朱古力雪糕和水果同食，滿足晒！熱焙茶鮮奶($44) 嘅畫花好精美，係好應節嘅聖誕公公，靚！充滿焙茶甘香，味道濃郁，但不苦澀，好飲！

。O小姐。觀塘隱世食堂。日常。cobber noodle and waffle👍🏻之前食過另外一間，嗰間經常要等位，見佢新開張，又難得約到好耐冇見嘅朋友，我哋就喺黑雨嘅情況下千辛萬苦九曲13彎邊間餐廳！好彩個店員打俾我，如果唔係我都真係搵唔到個門口😳好彩我哋有訂定位，如果唔係嘅話Walk in冇位🙈🙈我哋兩個對今次嘅食物都好滿意，環境都好，店員好Nice好helpful!我哋叫咗：芝士拼盤好芝士！意想不到，有驚喜。鍾意食香口嘢嘅我哋，叫咗蒜香牛油雞翼，超級蒜香！好好味！煮食仲叫咗個自家製千島醬慢煮雞肉香草pizza👍🏻雞肉又唔係喎，配埋個汁，每一啖都食到肉，感覺唔似淨係食緊香腸嗰啲friend咁弱🫢嘢飲方便，叫咗佢哋嘅招牌honey combo latte !!記得飲嘅時候一定要攪勻，如果唔係嘅話就會比較淡。最尾嘅甜品，叫咗個芒果竹炭糯米窩夫配椰子雪糕超級好食，waffle 好趣，唔甜，糯米煙煙韌韌，再配埋雪糕，感覺好似食緊芒果糯米飯咁🫢waffle 好好味！ 好脆！👍🏻👍🏻😍推介，係地點唔係太就腳啫🙈