Cambo ขุนทอง (The ONE)

營業中

休息中

每次去the one睇戲經過都會忍唔住望下依間泰國野😂，見朋友都有興趣，就睇戲前試下佢🤣餐廳環境幾大，枱與枱之間都唔窄又多位，一入到就見到有落地大玻璃，打卡都幾靚☺️。✨另設加一-💕 泰式去骨海南雞飯(連餐湯) $72👅好味指數：7/10海南雞肉質彈牙，皮都幾滑👍🏻淡淡黃色既飯，唔油有少少清雞湯味。-💕 泰式青咖哩軟殼蟹(配法包)$103👅好味指數：7.5/10青咖哩既椰汁味好濃🥥！配料有茄子、翠肉瓜、豆角等，冇乜辣味比較香甜，小朋友都食得。而軟殼蟹係分開上，想食先放落去滾就唔怕太腍☺️炸得好香脆juicy，另外仲配有幾粒薯仔，滾完一陣變得綿密，法包好煙韌😍索哂汁正😍-💕 炸蝦餅4件 $76👅好味指數：7/10蝦餅好厚身，外皮都唔厚粉，肉質彈牙有蝦味👍🏻-💕 椰汁千層糕 $38👅好味指數：6.9/10椰奶味重，唔會太甜，老一輩都岩食。-💕 青檸梳打 $29-環境：9/10服務：7.8/10好味指數：7.5/10回頭率：7/10

好耐無食呢間泰菜，好味又性價比高，今期推出左青咖哩軟殼蟹，起初都怕浸到唔脆，點知見人地上菜時，係分開上，即入去食。不過都幾多人，要排一陣，我地大約等15分鐘就可以入座。炸蝦餅 $68有四塊，即點即炸好夠熱辣辣。外皮炸得酥脆香口，蝦餅很厚身食落啖啖肉，十分彈牙多肉汁，沾酸甜醬更滋味。主角泰式青咖哩軟殼蟹 配法包 $96，幾乎每枱都點呢個青咖哩，一來新品，二來用火熱住可慢慢食都唔怕變凍。青咖哩香中帶微微辣，食出有香料味但唔太重，加了椰奶味道比較溫和易接受，配法包/飯都超正。貼心安排的另上軟殼蟹。法包份量都算多，切成4份烘得又脆又夠熱。軟殼蟹炸的鬆脆，同時更能吸咖哩汁，蟹肉飽滿，味道好好。法包亦係沾咖哩汁會食唔停口，很香很惹味。另外我地點多入印式薄餅 $25，只有一塊份量較少。雖然都係配咖哩食，而且味道口感更夾，但薄餅再酥香再油潤更好。泰式炒椰菜苗 $66，非常有泰菜風味，辣度剛好有鑊氣，椰菜苗好爽口，份量多性價比高。香芒糯米飯 $55，亦係抵食又好味，芒果超大又甜又多汁，仲有果香。椰漿糯米飯好香軟綿糯，紫米較有咬口更煙韌。兩款我都喜歡，配芒果亦很美味。

Lunch time 黎到厚福街攞野，當然要食番餐好既先肯離去。但厚福街地鋪基本上都試過，要麼係甜品，要麼就係多人既「大餐」，所以2人轉戰對面商場覓食。飲食層既Cambo之前晚市試過，但當時趕頭趕命去樓上睇戲所以食得非常求其。今次見到原來佢lunch set好豐富又平！開係商場坐得舒服都係$60-$80，有湯有飲品，趁有位入左先豬手飯好似好正（但當日未有貨），所以退以求其次，食冬陰湯，友人叫左雞飯，再加兩樣小食！咩都可以試下冬陰大蝦： 大蝦非常欣賞，因為蝦身既殻已經清左，無蝦腸又甜，非常新鮮既感覺；湯入面有好多鈕扣菇，可以托住湯汁食好正不過本人略嫌唔夠辣同唔夠酸，味道足夠的但想再「爽」d! 另外有個青擰就好了友人既雞飯：油飯夠香又唔會超油，雞夠滑但就偏肥，我都係prefer冬陰功多d小食都係$60左右，我地叫左小沙嗲串（3串/雞豬牛各一）同炸蝦餅； 串燒好好味！唔點沙嗲都已經好好食，肉又夠彈牙，一d都唔硬，仲分到雞/豬/牛既味，唔似出面有d餐廳燒完d肉難分難解 xD炸蝦餅*非*常*彈*牙！ 香脆之餘唔油！蝦肉好實淨，唔係加好多粉，有蝦既鮮甜味，好食！另外一提，冰咖啡都不錯，係一個好完滿

之前食過一次覺得好好味，所以就同朋友再食多次，等左10分鐘左右就有位喇。<炭燒豬頸肉>燒得好好，乾身得來保持到肉汁，邊位燒到脆口，加埋泰式辣醬冇得彈。<炸蝦餅>外皮薄脆，肉厚，勁有蝦味，而且唔會太油膩，食完就想再食。<黑椒虎蝦粉絲煲>應該係泰式風味嚟，唔係想像中個種西式黑椒味，係另一種味道，食唔慣既朋友應該會覺得唔係咁好食，虎蝦大隻肉實，唔錯。<青檸梳打>泰國進口梳打水呢度無論係食物同服務都係好有水準，暫時未搵到有咩缺點。

Cambo喺The ONE 4樓，招牌好搶眼餐廳入面設計簡約、乾淨嘢食都好多選擇串燒有雞、牛、豬三款，全部都燒得好惹味 其中雞串最好食，燒完都唔會好韌青咖哩軟殻蟹鍋超好味！雖然青咖哩都幾辣，但係食到停唔到！仲可以將法包點入青咖哩，吸收哂啲精華要記住趁早食軟殻蟹，保持鬆脆！炸蝦餅都十分推薦！外面非常脆口，入面嘅蝦肉就好彈牙！點埋醬汁食就特別開胃仲有泰式炒通菜，雖然都係幾辣，但炒得好香，份量夠兩個人食最後係泰式炒粉，調味好特別，有少少甜甜酸酸咁！撈埋隔離嘅花生食一流！整體唔錯

到尖沙咀行街，躊躇着食什麼好？心中突然想起泰國菜🤤話說小妹年年都會回泰國一次，但礙於公事繁忙，今年一次都沒有回泰國，已經被泰菜蟲咬得半生不死！所以，強迫友人一起食泰菜😆今次食Cambo餐廳環境開揚舒適，可以讓人與朋友放鬆一下餐牌種類繁多，讓人心大心細先來一個串燒開頭，串燒肉質彈牙，沙嗲醬有濃濃花生香但又辣，很惹味炸蝦餅用料厚實，炸得香脆，送上枱已經熱辣辣！海南雞飯，雞肉嫩滑又有鮮味！值得一讚！椰菜苗新鮮！最令人難忘是這個冬蔭公麵！湯底濃厚，吃得出用料十足，餐廳亦不吝嗇，一碗麵有3-4隻蝦！

尖沙咀the one向來都係搵食之選，4樓以上有好多好嘢食，梗有一間合你心水！當日巧遇我響尖沙咀見完客而朋友都講響佐敦做完野，可以湊巧夾到個時間食個遲來的午飯。選址當然就係the one la.朋友推薦我來食呢一間金寶泰國菜，佢話覺得幾好又抵食。不過我知道呢間餐廳長期都要排隊好多人，所以幾次經過都冇黎到，好彩今次我哋食午飯嘅時間已經過咗最繁忙嘅一點半，一到即刻有位了！所以提提大家，如果要輕輕鬆鬆食個午餐，建議可以嘅就盡量一點半之後先去啦，一嚟坐得舒服啲衣履感覺冇咁侷促！而且佢嘅午餐扺食套餐都供應到好晏咖！先叫咗個優惠午餐先，會奉送湯同埋嘢飲十分抵食，菠蘿焗飯原隻菠蘿上碟，份量勁多，講真一個女仔午餐冇可能食得晒，炒飯炒得金黃，配上三隻大大隻而且鮮甜新鮮嘅連殻大蝦，呢個價錢真係好抵食！雖然我覺得炒飯裏面嘅配料就有少少港式化左，鮮甜菠蘿粒、紅腸、火腿等，係有點點不似泰式，但飯炒得夠香有鑊氣，搭上少少咖喱香味，而且份量夠，用料足，配上肉鬆，彌補番個一點點嘅港式感覺，整體實在不錯。呢個菠蘿炒飯大概已經頂咗我七成飽，所以冇再要飯，反而叫咗個優惠推介嘅青咖哩軟殼蟹鍋。呢個鍋做緊特價＄85咋實在抵食，

這麼多年, CAMBO 應該是我們去得最多的一間泰國菜店, 無論是當年一開始的九龍城總店, 太子的小店, 或是THE ONE 的這一間, 其實每次點的餸菜也差不多, 有些東西每到一個時間不吃就好像有心癮似的, 很吊詭。說的就是這碟活蝦刺身($93), 是每次必點之前菜。雖然比我們當年吃時已漲價不少, 但質素仍然保持。蝦肉清爽彈牙, 凍冰新鮮。加上辣椒和蒜茸, 還有別家找不到他們特調的酸甜青檸魚露汁, 非常刺激味蕾, 十分醒胃, 每人四隻中蝦好像有點不夠呢...如果在THE ONE 行得累又想不到吃什麼, 我九成九都是揀CAMBO, 因為價格較為親民, 如果不點海鮮, 大部份也是一百元以下有交易了。而且裝修後座位更為開揚, 這次我們就坐在半開放的部份, 感覺更為輕鬆。原來鄰店的越南菜也是同集團的, 太多客時也有可能在鄰店吃呢~ (不知可否兩個menu 都可同時點得)可能大家都覺得這店在商場中較為"經濟", 所以每次都要等上少少時間才能入座。今次也不過是五分鐘, 讓我們有時間看看MENU。所以一坐下我們就能點菜了 (其實又是吃那幾款)本來我們想點漿爆蝦丸, 可惜是日賣完, 所以我們點了近似

被招牌所吸引，加上好喜歡泰國菜所以就揀選了這間餐。翻開餐牌午膳套餐五六十的價錢，有餐湯餐飲，價錢還算不錯，始終係位於尖沙咀的商場內。點了一個泰式炒貴刁，炸蝦。平時愛吃泰國菜，喜歡燶香的食物。等侯食物的時間不算太耐，十分鐘上下，就來了炸蝦，外貌金黃香脆。可是咬下去還是要用點牙力，不是鬆軟脆口，亦不彈牙，實的的但就有不錯的蝦味，啖啖都有蝦香。不過不失泰式炒貴刁等得比較耐，可能是即炒的緣故吧，一上台香噴噴，可是一入口就發覺只是暖暖的，並不像是即炒，整體的味道還好，但蝦球的肉質較霉，不爽口，大概這種價錢得到雪藏蝦也像是很合理。但別忘了晚市絕不是這收費。（可能晚市會用新鮮吧）湯及咖啡也是正常，沒什麼特別。因為一直愛泰國菜，所以嚐試過很多好不同的泰國餐廳，要數好味，實在太多選擇，這間泰菜館完全比下去，服務還不及小店的親切及細心。一切的感覺也是不過不失吧。

The ONE食肆普遍都裝修得有特式而且貴, 金寶算係云云當中較平民既一間. 喱間係排隊等位的, 唔係攞號碼飛仔. 環境就麻麻, 但都算坐得舒服. 泰式豬頸肉燒得唔太濃, 所以唔算乾身, 加上本身肉有啲肥, 食落都好爽同香, 唔會太硬. 炸蝦餅炸得幾靚仔, 肉質彈牙, 又唔算好油. 最重要係個甜酸醬, 唔會好”槳”, 炸蝦餅要加埋甜酸醬先至好食. 扎肉蒸粉包饀料好多, 但好油, 我向來都不太喜愛食越式菜, 所以對於喱味餸, 我覺得就一般!青咖哩海鮮鍋 配法式長包青咖喱唔辣, 椰汁唔太重, 唔會搶咗咖喱味. 本身長法包就唔夠新鮮, 有啲硬, 不過用黎點咖喱汁食, 索晒啲汁, 都幾好食. 炒軟殼crab 都唔錯, 蝦大就夠大隻, 不過唔鮮, 肉質唔彈牙.泰式炒油麥菜炒得都幾青綠, 夠味! ♥原個菠蘿海鮮炒飯點可以少得喱個飯丫, 個飯盛得幾滿下, 有幾隻蝦放起飯面, 加多條葱起旁邊做裝飾, 幾靚. 個飯炒得標準, 其實只要係夠味既我都會覺得喱個飯好味嫁. 唯一唔好既就係無腰果!