金祥排骨麵

營業中

休息中

見食評大讚這間排骨面店，終於一試！這日晚上來到，時間尚早，所以不多用排隊便可以入座。我坐下來，環顧四週，都充滿老店的感覺（親切感）。見到餐牌有一些全日餐，眼見豬扒同網評不同，便問問老闆，老闆解釋，全日餐「不是」用新鮮豬扒。因此，老闆推薦最多人食既「上海排骨面」，我本身不算好肚餓，所以我叫老闆比「細細碗麵」給我便夠，不過便多蔥。他又問要唔要蒜？我話好呀，少少啦！在等待期間，我又上網評睇下，見到好多人都有食「炸豆腐」（3件）。睇落好多，心思思，最後都叫老闆加單，要一份炸豆腐！先上台是排骨面，排骨炸得香脆，脆漿不算厚，我覺得ok! 豬扒炸得都不錯，不過有少少乾，都不太差。但豬肉味不算好濃，不過，豬扒炸得比外面好多店好得多！都讚既！ 之後試個幼面，面身都好滑，又好彈牙，口感一流！好食的面！😋因為我好怕食d 「林」身的面，但這碗面絕對比外面大連鎖店的面鋪好食得多！食到一半，到炸豆腐登場，賣相不錯，有吸引人的金黃色！外皮香脆，豆腐內部，講真又沒網評講得咁滑。 不過，都是不差，都是好食😋！想提提，店員，老闆都十分親切，服務態度很好！所以會繼續支持！由於本人食量有限，只能留到下次先可以再試其他食物啦！

聽聞西環海旁舉辦咗一個什麼什麼巿集, 於是同埋小熊去襯熱鬧!未出發前, 小熊已經有心理準備問我 "山長水遠去西環行巿集, 如果無咩野行好無謂喎..."我話 "咁咪坐叮叮去金祥食麵囉!"果然, 西環嘅巿集, 一分鐘都唔洗就行哂! 攪咩呀! 簡直超失望!即刻轉場落金祥!經過均益大廈, 我同小熊講, 哩到係金祥30年前嘅舊店位置, 噢..... 原來......已經30年了.... 老了....點咗北姑竹笙牛腩麵, 北姑雲吞麵, 炸排骨同炸豆腐.湯底清甜麵質彈牙, 回憶反哂嚟, 30年無變! 感動!不變嘅重有炸排骨, 其實即係炸豬扒, 外脆肉內軟, 而且厚切夠 juicy.牛腩入味而且夠冧唔硬唔韌, 滿意.當年金祥嘅北姑係北姑扒, 一件過唔會切開好巨型, 係我今世係餐廳食過最大 size 嘅北姑, 依家已變成細北姑, 雖然變細但方便入口夠冧夠入味. 希望金祥係西環搵到更大面積嘅店舖, 可以坐得更舒服! 冷氣可以強d!做人有得有失, 失望行巿集, 得到一餐美食!

📣金祥排骨麵🍜係2月24號呢個宣告的無堂食既日子之前我都去左捉緊堂食嘅尾巴就係去西環食咗呢一間一直都好想食喺西環立屹立左超過20年嘅老字號食物質素梗係有保證啦仲要係一間好濃人情味嘅黃店見到老闆游刃有餘咁樣幫手落單仲要抽到時間同啲熟客傾偈好勁(・ω・)ノ老字號又好食又黃大家真係要好好珍惜佢呀菜膽雲吞排骨麵 $47個排骨真係好好食不愧係個招牌菜就咁食又得 浸落個湯度食都得個湯都幾清甜而啲麵好幼身菜膽姐係菜芯係一條菜最嫩口部位雲吞都好大隻好真材實料炸豆腐真係即叫即整一上黎勁熱建議大家放一陣先食但係又唔好放到凍哂先食外面有一層又薄又香脆既外層一咬開入邊啲豆腐勁滑大推 一定要食呀自家製炸餃子炸餃子都好大隻好足料聽講仲可以買生餃返屋企自己整貪心既人叫得太多好耐都無呢一種食到好飽但係又好想繼續食但係又知道自己食唔落最後食唔曬投降忍痛買單走人既感覺

今日同男朋友下午可以聚一聚，到了比較方便大家的西營盤尋找美食，當然黃店是我們的首選選了這間香港人小店，食上海排骨馳名的！2:30有下午茶餐粉麵選擇，更有全日飯餐、粉麵等等，飲品更有半價優惠，抵食！1. 菜膽雲吞排骨麵配有健康大白菜，菜膽雲吞3大隻，皮軟滑、菜肉餡足料，好味道；招牌排骨是必試得，鬆化香脆又唔肥唔油，好軟好易咬；上海麵是軟腍的，我喜歡的質感2. 秘製沙嗲牛肉飯秘製沙嗲汁香口唔辣唔會太咸，惹味配白飯好適合；白飯軟硬剛好，又足份量，配有大白菜！3. 炸豆腐炸豆腐即點即脆，脆口內軟，香口！配辣醬更正！4. 凍檸茶（走甜）夠凍！服務幾好，友善有禮貌，有效率；