INN - I’m Not Nothing (裕民坊YM²)

營業中

休息中

見到呢間佈置好靚就試下😝.🍝 香煎鴨肝甜紅椒汁扁意粉配Parma Ham HKD$128正正常常既一個意粉，甜紅椒汁相對無咁油膩，但又唔會太清。因為鴨肝個量都多，所以意粉每啖都好重鴨油香😝 Parma Ham份量都好多。我都鐘意啲料多話麵既意粉🤣.🦀 炸軟殼蟹配龍蝦沙巴翁 HKD$108沙巴翁 (Zabaglione) 起源其實係義大利甜點，有人話係Tiramisu前身。主要係蛋黃、砂糖同甜酒。配喺軟殻蟹又確實幾夾，個軟殻蟹都大份，入面有少少肉，就算腳都唔係得炸皮，加埋Zabaglione，無就咁鹹蛋黃醬咁重口味，就會多左種甜味👍🏻.🍐 法式紅酒梨雪梨 HKD$68 簡簡單單既一個甜品♥️ 個人三款入面最鐘意呢個甜品。可能年紀開始大，追求多啲天然食材🤣 呢款自然既果甜，紅酒又將成個味道變得厚實，且梨本身都有啲爽脆😀 配少少side dish個醬、雲呢拿雪糕、餅乾碎，口感同層次都有好精緻😆.而佈置方面整體都好靚，宮廷風，但又會有啲好得意既畫。但坐位方面，佢有兩邊，一邊就有啲窄，啱2個人去only；但另一邊有梳化。打卡都得🤣👍🏻

INN - I’m Not Nothing 🔘@inn.imnotnothing第一次嚟觀塘唔係去工廈食飯😂 自從觀塘市中心裕民坊重建之後，都未有機會過嚟行下🏗 凱匯係之前因為疫苗抽樓而出左名🤣 但嚟行下先知原來住宅下面嘅商場都好多餐廳🍔餐廳室內外都有座位，室外仲可以帶埋狗仔過嚟添🦮到處都有花草裝飾🌷 同埋華麗水晶吊燈作裝飾🔮 另一方面又以搞鬼公主為主題，menu同門口都會見到佢地嘅蹤影👸🏻炸軟殼蟹配龍蝦沙巴翁 🦀沙巴翁係意大利非常出名嘅甜品之一🇮🇹 傳統嘅沙巴翁係以蛋黃、糖同酒為主🍳 先將材料加熱攪拌，乳化後再打入空氣，就可以將醬汁打至空氣感好重泡沫💨餐廳將呢款經典甜食變身為開胃鹹食👨🏻‍🍳 龍蝦同蝦膏味好香濃，口感輕盈順滑🦞同香脆嘅炸軟殼蟹，形成強烈對比💢 邪惡過後要食返啲健康嘅沙律菜，平衡一下🥗紅酒燴牛面頰肉意大利飯🍷Baby carrot好爽脆帶甜味，非常清新🥕 上面仲有黃黃紫紫嘅食用花，食得又睇得💐 經過烹煮後紅酒嘅味道已經揮發左好多，剩下係淡淡嘅香甜同埋深紅色🍷 唔飲開酒嘅都絕對啱食🥳 牛面頰肉筋肉分明，牛味超濃！每粒飯都被濃郁嘅醬汁包裹住🍘烤焗德國咸豬手配燒菠蘿 ✋🏼咸豬

炸軟殼蟹配龍蝦沙巴翁 $108軟殼蟹大隻多肉，切半脆炸，外表金黃香脆，入面啖啖肉仲有唔少蟹膏。而沙巴翁醬汁味道偏淡，同沙律菜一齊食口感清新。-煙豬肉卡邦尼意粉 $118卡邦尼意粉醬汁調配好出色，芝士味道香濃，煙肉同蘑菇煎得香口，意粉表面仲加左好多芝士簿片，豐富咗口感同層次。-士多啤梨紫薯爆谷班戟 $78甜品係女士們嘅至愛，依款班戟係期間限定，紫薯班戟皮，加上入面滿滿嘅蕃薯蓉，食落唔太甜之餘又健康。-香蕉朱古力奶昔 $48香蕉味好濃，match朱古力係絕配，飲品仲加左奶油同香蕉蓉，加強左奶昔嘅口感。

餐廰位於裕民坊既空中花園，係繁忙觀塘中既一點寧靜。室內有水晶吊燈，周圍佈滿白玫瑰，幾適合一班閨蜜聚會。亦有室外位置，如果天氣唔熱，個人推廌室外，因為室內座位較逼夾。已經第二次黎，餐廳定期會轉menu，保持新鮮感!炸軟殼蟹配龍蝦沙巴翁 $108沙巴翁汁多數用黎整甜品，食落有啲似熱溶既芝士，但質地較輕盈，混和龍蝦既香氣，幾特別。軟殼蟹好吸油，所以好易食落成口油，而呢間炸粉薄，咬落有汁，加埋沙巴翁汁，食落唔油膩。可惜只有一隻女仔手掌大既size，好唔夠喉。大大淡肉!香煎鴨肝甜椒汁扁意粉配巴馬火腿 $128鴨肝既油香配巴馬火腿既咸香，唔錯既配搭! 鴨肝剁碎混入意粉到炒，令每條意粉都沾滿鴨肝香!法式紅酒梨配雪糕 $68 !!性價比高!! 亦係較健康甜品之選!!天氣熱，好岩食既法式甜品。擺碟好靚，有兩款醬汁配襯，cream 係新鮮打，唔會死甜。切開見到紅酒滲入到核心，梨咬落多汁清甜，但冇我期待既紅酒或肉桂等香料味道，但作為一餐ending，非常滿足!