東歐餐廳

由烏克蘭人主理嘅正宗東歐菜餐廳，裝修充滿民族風情，好有特色🇺🇦▪️傳統羅宋湯、南瓜忌廉湯食得烏克蘭菜，梗係要試吓正宗嘅羅宋湯🥫同港式羅宋湯完全唔同，加入紅菜頭同酸忌廉，清甜得嚟酸酸哋，但又唔會話太酸，幾開胃▪️烏克蘭香煎薯餅🥔手切薯仔絲有粗有幼，更有口感，仲煎得好香口，再配上酸忌廉，可以解膩▪️馳名基輔炸雞扒🐔雞肉包住牛油再炸，一切開牛油就湧晒出嚟，而雞肉就充滿住牛油香，而且炸過後仍然嫩滑。伴碟嘅自家製薯片比較厚身，但一樣炸得好脆▪️奶油燉雞柳絲🐔雞肉嫩滑，薯蓉綿密，但就比較酸▪️招牌芝士焗牛脷🐮👅牛脷切成一粒粒，好厚身，食落好濃牛味，而且焗得好腍▪️蘋果燘鴨胸🍎🦆醬汁酸酸甜甜，薯仔索晒啲汁好入味，感覺配薯仔比配鴨胸更夾▪️香燒豬肋骨🐷豬肋骨好軟腍，好入味，不過配白飯就感覺比較普通東歐餐廳 📍中環雲咸街63號巴力大廈1樓

𝑰𝒗𝒂𝒏 𝑻𝒉𝒆 𝑲𝒐𝒛𝒂𝒌 東歐餐廳-🍽️ Chicken Kiev 馳名基輔炸雞扒🍽️ Ox Tongue w/ Cheese in Clay Pot 招牌芝士焗牛脷盅🍽️ Ukrainian Potato Pancake 烏克蘭香煎薯餅位於中環，有20年歷史嘅烏克蘭餐廳！由烏克蘭家庭經營，裡面嘅所有佈置，枱凳都充滿東歐風情(⁎⁍̴̛ᴗ⁍̴̛⁎) 究竟東歐係食咩呢！？基輔炸雞扒做得出色！(懷念以前去M&S買幾盒雪藏放冰格(｡ì _ í｡)) 佢地做嘅chicken kiev外皮炸到脆卜卜，建議即切即食，凍咗就會太膩喇^^ 切開滿滿嘅牛油汁湧出嚟，邪惡但好味！雞肉嫩，厚肉！配菜有home made薯片，厚薄適中！塊塊都夠脆！但略咸牛脷盅！必叫！唔叫會後悔！細細盅但海量牛脷粒！一上枱先將面層酥皮 (酥皮厚，邊皮脆！正！)一分為四，比你之後方便點香濃嘅芝士忌廉汁！牛脷質素高級！大大粒，好淋，厚厚的，入口即溶！有驚喜！再到薯餅！每件都大大份！自家製好處就係一絲絲嘅薯條，粗幼不一，更有口感！而且煎得夠脆，但又keep到應有嘅濕潤！再加cream cheese醬，夠哂jap jap!!!東歐菜適合一班朋友食

520嘅晚餐 早早就搵左間比較特別少少嘅餐廳用餐經Open Rice 一早就預約好試呢個烏克蘭菜同埋蜂蜜蛋糕比較搶手 所以都一早request定 間餐廳地點都好易搵 去到門口有個肖像🤍門口打開就黎到好有氣氛嘅餐廳本身以為會一店都係外國人 但都有2個係講廣東話同埋啲所有侍應都好nice 👍屬於一間好有氣氛嘅小店 都好多客人入座如果想要話好寬敞就絕對不是 但用餐過程愉快👉烏克蘭香煎薯餅 4塊13. Traditional Potato Pancake 'Pliatski' w/ Sour Cream $88無數個foodie介紹過 加上自己好中意食薯條 薯餅等所以一定要嗌呢個小食 落到枱 4小塊 其實本身都幾驚佢好大塊 怕食小食會食飽🤣 外脆 一口咬下係in un嘅口感特別在佢個汁 寫就寫酸忌廉 但個人覺得係有啲似磨菇湯😂👉馳名基輔炸雞扒Chicken Kiev $198呢道菜都係超級多人推薦 加埋佢炸雞 好吸引所以都有點菜一上枱 急不及待切開 啲雞油係中間流哂出黎 香味撲鼻其實算唔算係雞扒呢 係一件好滑好嫰嘅雞 加埋熱辣辣 好吃另外伴碟嘅係薯片 還好 很普通 係凍嘅薯片黎 但個汁又係出色

去開中環，唔想求其食但又唔想食貴野。朋友介紹黎呢間東歐餐廳。小女孤陋寡聞都唔係好似係食乜。一入餐廳睇裝潢就感受到東歐嘅氣氛，仲有個假窗望住東歐景色。打開menu 先知原來呢度主打烏克蘭菜。咁梗係要試下正宗嘅羅未湯（相傳羅宋湯係烏克蘭傳統菜色，後來俾俄羅斯自稱由佢地發明）。同我地平時飲開嘅羅宋湯完全兩回事，紅菜頭味重，唔辣，而且冇咁鹹。非常香口， 薯味香濃，薯仔切成絲再整成一塊餅半煎炸，所以食到薯仔口感，唔會一咬就散。個醬係菇味嘅醬，唔濃味，點勁多醬都冇遮蓋過薯仔香味，冇味仔大過主人婆，讚！用塊包點芝士，麵包少少脆，裏面又少少軟，似淰左嘅奶鹽梳打餅味，牛舌超厚，但煮得勁淰，入口咬幾野都吞得嗰種，究竟炆左幾耐先有呢個效果？！好正！一睇份量好似好少，但每舊都大大啖肉，同平時食開嘅冇得比！上菜時靚女侍應將一杯點左火嘅vodka  淋上面，十秒後火熄就食得。以為好重酒味，但完全唔會！有酒香但唔苦，味道恰到好處，肉質夠淰，輕輕一切啲肉就離開骨頭，非常好味，又一心機之作

餐廳環境具有烏克蘭既氣氛，枱墊枱布都精心挑選，營造異國風情，座位之間距離好近，有少少逼，但好熱鬧。不過去呢間餐廳weekend食野，要記得預早book位，因為好full！傳統烏克蘭羅宋湯🫕 $68用左紅菜頭為主調，配上sour cream，入面仲好足料有好多菜，撈埋飲落去唔刺口，又香滑，係正宗既羅宋湯。烏克蘭香煎薯餅🫔 $78薯餅中間加左洋蔥絲，煎得好香，再配上sour cream，好夾，不錯！惟個底有啲多油。馳名基輔炸雞扒🐥 $188雞扒外層炸得好香脆，內層食落好juicy，仲有爆哂肉汁同牛油出黎，好香！share黎食就唔算好膩，如果食得太多就會好膩。而旁邊的薯片好簿脆，非常香口。地道香燒豬肋骨🐷 $198店員會係面前淋vodka，然後點火，打卡一流！份量偏多，豬肋骨半肥瘦，不過肉質有啲鞋，味道有炭燒香，整體味道良好。烏克蘭風味蜜糖蛋糕🍰 $88蛋糕夾層有果仁碎、忌廉，層次豐富，再配上面頭的蜜糖香，好有口感，有點甜，係特色既甜品🍮。🌟推薦指數：7.5/10💰人均消費：$280

上次同朋友快閃食lunch, 今次約埋成班朋友仔一齊試試東歐傳統晚餐, 見到我地人多都安排咗房間畀我地歡聚, 而且會定時睇睇我地有冇其他需要, 抵讚傳統烏克蘭羅宋湯 - 同上次lunch一樣水準酥皮燴牛仔肉 - 可以成個酥皮打開, 入面有好多香料令到牛肉好香濃馳名基輔炸雞扒 - 新鮮熱辣炸出嚟, 一切就流哂溶哂嘅牛油, 雞肉仍然鮮嫩, 外層炸粉唔會太厚, 加埋自家製薯片, 大推 古法宮廷焙鹿肉 - 感覺似夠實嘅牛肉, 做法同配料都有D似燉牛肉烏克蘭香煎薯餅 - 正常發揮, 香口薯仔唔會有人抗拒另外仲叫咗幾款餃子, 不盡錄了今次淨係飲咗Duonos Gira Tamsi Ruginė, 極低酒精嘅俄羅斯黑麥芽清涼飲品, 甜甜地都幾有趣

呢間餐廳早幾年食過一次，當時仲係閣麟街舊舖，印象幾深刻~🍴食物好有特色~🧔老闆好好人，請我地飲🥃vodka，仲好吹得，佢老婆同廚師都係烏克蘭人~當時仲有一個雪房擺酒，老細會帶我地入去參觀~再之後搬左依加呢度，杜汶澤介紹完之後，長期爆滿🤦‍♀️今次襯同事生日，所以月頭已經book枱~晚市只有兩段時間，一係六點；一係八點。本身前一日想打電話比餐廳request留蛋糕同寫名，但由晏就一路打電話到夜晚，都冇人聽電話🤷‍♀️好彩今日上晝餐廳打電話來confirm booking，所以落到reqest😂六點幾去到餐廳，稍稍安排就入座，餐廳唔大，但佈置好有特色~之前已經睇定想食乜，所以坐低冇耐就叫得野了~今次叫左：🥘傳統烏克蘭羅宋湯🥘烏玆別克牛肉湯🐮招牌芝士焗牛脷盅🥔烏克蘭香煎薯餅🐔馳名基輔炸雞扒🐰傳統炆兔肉🦌古法宮廷焙鹿肉🥔炸薯片🍯烏克蘭風味蜂蜜蛋糕🥘傳統烏克蘭羅宋湯 ($68)因為呢個湯主打紅菜頭，所以比我地平時飲開嘅羅宋湯更鮮紅色~聽人講烏克蘭羅宋湯會偏酸D，香港人未必接受得到，我覺得ok嘅，不過都係鍾意港式羅宋湯多D😂湯面有舊酸忌廉，不過撈埋落去之後，又唔多食到有分別😝呢個湯未飲過係可以試下嘅~

咁啱呢排講緊俄羅斯有意入侵烏克蘭🧐當地緊張嘅局勢令到人心惶惶到底雙方嘅試探同各大國嘅歸邊博奕之間會推動到咩環境同情況呢亦令我回想起winter on fire果套戲🔥雖然對我哋嚟講地理上喺遠不過政治有幾影響生活 大家都明在此祝大家能在亂流下平安🙏🏻———————————————————————💛呢間東歐餐廳都多年歷史杜文澤都有介紹過👀入面絕大部份都係外籍人士👯‍♀️環境巧有feel🌞聽聞平時係好爆booking之前想book晚市都早成個月不過呢家禁晚市堂食後 星期六下午嚟都ok 其實walkin都應該有位但當然book咗好啲啦🥸———————————————————————💛傳統烏克蘭羅宋湯 $68😋：6.5/10呢個同平時飲開嘅港式羅宋湯唔同味道好溫和 都算多菜 仲有少少肉仔呢個味嘅羅宋湯真喺第一次試同埋呢個色水似喺紅菜頭嚟上面有舊酸忌廉 不過撈埋落去就唔太食到未飲過會想叫嚟試吓 試過就夠～💛烏克蘭香煎薯餅 $88😋：6.5/10真喺一條條薯仔絲組成嘅薯餅～同埋食落口感有啲黏黏哋咁本身調味唔算重 有需要可以加少少鹽應該每張枱都本身擺左少量調味料🤔個底會有少少油 但喺可以接受嘅程度伴碟嘅

12月嗰陣好朋友超有心知道我一直好想試呢間餐廳，所以就帶咗我嚟慶祝生日🥺 餐廳裝潢好有異國色彩，令我即刻諗起以前讀緊書間唔中飛去歐洲旅行嘅日子🥲✈️🔥🐷古法香燒豬肋骨 ($198)店員會先淋Vodka落啲豬肋骨上面，然後點火燒佢，過程非常震撼，滿足晒視覺享受🤩食落酒味幾濃帶少少苦，如果唔係好飲酒嘅朋友就未必咁啱啦～🐥馳名基輔炸雞扒 ($188)呢道菜有驚喜！雞扒炸到脹卜卜好得意，原來佢哋會先將雞扒整扁再卷成圓柱體，之後將香草牛油包放入去然後拎去炸。一切開啲牛油肉汁湧曬出嚟，雞肉好嫩滑，好正👍🏻🥣傳統烏克蘭羅宋湯 ($68)同我哋平日飲開嘅嘅羅宋湯好唔同，我會形容佢為蔬菜湯，好重紅菜頭味，將啲酸忌廉攪勻佢一齊飲會更好味🥕🧄🥔烏克蘭香煎薯餅 ($88)薯餅係一條條薯條絲組成，炸到超香脆，有少少油不過都可以接受，呢個都推介～🍯🍰烏克蘭風味蜂蜜蛋糕 ($88)好重蜜糖味嘅蛋糕，食落鬆軟都不錯！一路食真係好似去咗東歐旅行咁，因為大部分店員都係外籍人士，但同我哋一樣嘅就係佢哋都好愛香港呢個地方💛🇭🇰 有興趣試下異國風味嘅朋友記住要book位啦～

又一間人氣餐廳👭🏻，主打少有既烏克蘭菜，同朋友約左差唔多成年都唔成事，終於係半個月前預訂平日晚上成功😚。雖然得兩個人，但無阻我地咩都想試既心，款款都咁吸引，真係好想試哂MENU上既菜式阿🥲。烏克蘭香煎薯餅 $88炸到外皮微微香脆，咬落仲有粒粒薯仔🥔既口感，唔似一般坊間薯蓉式既薯餅。但調味偏淡，配上既醬汁係類似乳酪，同樣都係無咩味。如果好似我咁食開重口味既朋友，可能要靠枱上既鹽🧂同黑椒幫幫手。正宗烏克蘭羅宋湯 $68好足料既湯，基本上每一羹🥄都有湯渣係到，味道因而都好豊富，不過落鹽就重手左略咸左啲😅。另外，上面都加左好似乳酪咁一PAT野，但我覺得對味道無好大分別。焗蘋果鴨胸 $238平時食西餐都比較少見鴨胸🦆，仲要咁特別既配搭，無諗過成件事會咁夾。鴨胸煎得岩岩好，外皮煎得好香又保持到個皮既油份。醬汁用左唔同既莓類🍓同車厘子🍒製作而成，好似果占咁酸酸甜甜，濃稠度岩岩好掛住嚿肉。而蘋果🍎烤得恰到好處，仲好爽口，全部加埋一齊食都唔會好膩，互相中和。馳名基輔炸雞扒 $188一切開香濃既牛油🧈就溢出，超級邪惡阿！食落味道超香，少少吉烈咁既皮好脆，肉質同想像中有啲唔同，唔似一般雞肉🐔咁有咬口，好軟綿

近排嚟咗一間好出名食東歐菜嘅餐廳 好似係全港唯一主打烏克蘭菜嘅地方 見到佢啲裝修都好有異國風情 唔知啲嘢食好唔好食呢😝👅馳名基輔炸雞扒 $188呢個係嚟到必食既‼️佢嘅雞扒好大舊 上枱嘅時候熱辣辣 外面炸得好香脆 入面仲好嫩滑😋最特別嘅係一切開就有好多牛油流出來 做得好出色🤩不過略嫌側邊有部份嘅薯片淋咗 如果全部都好脆卜卜就更好啦 👅烏克蘭香煎薯餅 $88呢個同平時嘅薯餅有啲分別🧐除咗食到薯仔之外 女小編覺得仲有落咗幾多麵粉 因為佢嘅質地有啲似蛋糕 比較淋身 同埋都食到有啲麵粉味 跟住再點一啲sour cream 嚟食 女小編就覺得麻麻地但係男小編就覺得ok嘅😚👅招牌芝士焗牛脷盅 $98呢個係另外一個必點嘅‼️佢嘅芝士非常之多 好邪惡🧀最重要係佢嘅牛脷份量好多 仲要牛脷食落非常之淋 質地好似牛腩咁 超級好食🤤👅正宗烏克蘭羅宋湯 $68味道同西式嘅羅宋湯係有啲分別嘅 入面有啲豬骨 飲落酸酸甜甜 幾開胃 可以一試😛同埋女小編幾鍾意呢度一路播住一啲民族風嘅歌 幾特別😝不過就覺得呢度嘅服務麻麻地 但係總括嚟講 食物質素都唔錯 想一嘗東歐風味嘅就可以嚟試吓😚😚😋 好味：8.01/10🤑 價錢：7.

烏克蘭菜喺香港比較少見而呢家位於中環蘭桂坊附近嘅餐廳好出名甚至聽講要早一兩個月訂位一入到去比我嘅感覺係好似外國小餐館裝修好有東歐古典味道所有擺設都好用心座位唔多 坐得較迫食物方面 好多特色東歐小菜 小食當然有烏克蘭菜經常見到嘅鹿肉 兔肉（不過我就唔敢試啦😁）烏克蘭香煎薯餅未食過烏克蘭薯餅所以唔知點係正宗薯餅咬落去係食到有少少爽脆又粉粉地嘅薯絲好香薯仔味外層未到好脆味道正正常常但就比較油膩同偏鹹仲可以配sour cream食 唔算太特別招牌芝士焗牛脷盅外表好似酥皮湯咁其實內有乾坤牛脷加埋芝士一齊燜焗當然唔少得拉絲芝士效果🤩牛脷吸收哂啲醬汁好入味好重芝士奶香味質感非常軟腍一咬就化開連我平時唔太食牛舌都好鍾意外層附上嘅酥皮同一般酥皮唔同會較硬脆 似餅乾多啲用嚟蘸醬汁蘸食酥皮索滿醬汁同芝士真係超正🍗馳名基輔炸雞扒講到馳名而索價$188有幾特別呢？一大舊橢圓形嘅雞扒裹住牛油係裡面再拎去炸一切開啲牛油就會流哂出嚟炸漿好薄好脆雞扒肉質保持嫩滑同juicy不過就無乜調味主要係牛油香就真係好重雖然啲油已經流晒係碟上但都真係會食到油膩感反而重點放係伴碟嘅炸薯片新鮮炸起好香口幾好食呢個雞扒比預期中失望咗啲🍰

🇺🇦走進東歐美食🇺🇦推介指數 ❤️❤️❤️❤️❤️第一次食烏克蘭菜，完全零概念，仲有啲緊張... 擔心個胃夠唔夠大食唔哂想食嘅嘢嘛，哈！店舖2001年開業至今，所有廚師由烏克蘭聘請，務求確保原汁原味！位於中環雲咸街頂，可以砵典乍街直上轉入雲咸街，想舒適啲可以經半山自動扶梯行荷里活道都容易到達。疫情下限聚令需要分枱而坐，但無失去分享食物嘅雅興，比較忙要傳碟啦！7個人叫咗11款嘢食，有沙律、頭盤、湯、主菜同甜品。店員體貼會主動建議份量，某啲菜式份量較細。🥗 酸三文魚沙律 HKD88：食材新鮮，酸三文魚酸度適中，沙律菜爽脆同蕃茄清甜，醬汁甜酸度剛好，好開胃！🍴招牌芝士焗牛脷盅 HKD98：牛脷獲得全晚No.1 大獎，用上酥皮做蓋，點埋芝士汁食好邪惡！牛脷食落嫩滑軟腍，牛肉濃厚，再加埋拉絲，食完又再食。盅入面仲有磨菇，材料十足！🍴傳統豬肉餃子 HKD88：一碟有三粒，豬肉味濃郁。🍴烏克蘭香煎薯餅 HKD88：煎得香脆，食落有薯仔條增加質能，再配上乳酪醬又好夾，大推！🍴烏茲別克雞肉餃子HKD88：一碟有四粒，整體味道偏淡。🥣正宗烏克蘭羅宋湯 HKD68：烏克蘭式用紅菜頭製成，顏色紫紫紅紅、有別於港式羅宋湯

由真正烏克蘭同俄羅斯大廚負責主理菜式非常地道! 而且店舖亦有好多東歐特色嘅佈置打卡影相一流 啱晒特別嘅日子或者慶祝活動🥳🔖 地道香燒豬肋骨上菜個陣侍應會比啲時間你相機READY先然後就會係豬肋骨上面點火無錯喇! 就係大家最期待嘅一幕( *ˊ ˋ)ﾉ(´˘`*)肉質軟腍入味～忍唔住一啖又一啖唔知係咪心理作用覺得咁樣燒一燒 個豬肋骨好似又真係特別香☺️🔖 馳名基輔炸雞扒外皮超級脆 雞肉肉質嫩滑一切開嘅時侯牛油湧晒出嚟 超澎湃!!但食到一半已經好膩 建議4人SHARE一個岩岩好🔖 正宗烏克蘭羅宋湯平時飲開嘅羅宋湯係用蕃茄為主調而正宗烏克蘭羅宋湯就以紅菜頭為主角❤️🔖 烏克蘭香煎薯餅薯餅旁邊有一舊酸忌廉 夾落原來都幾好食😋 以前小編淨係識配茄汁食咋由於有個好鍾意食薯仔嘅朋友所以一見到嘅時候 佢二話不說就叫咗碟(„ಡωಡ„)點知真係非常大碟 份量超多 大家各食完一塊就GAME OVER嚕～

同朋友一齊去過俄羅斯旅行，所以我哋都好想喺香港食下俄羅斯菜回味下☺️☺ (呢度係主打烏克蘭 & 俄羅斯菜) 呢間餐廳真係太受歡迎啦，要提早一個月預訂先食到！📍正宗烏克蘭羅宋湯($68)：羅宋湯由紅菜頭、洋蔥、薯仔等蔬菜及豬骨熬煮而成，望落係好靚嘅紫紅色，溝埋sour cream一齊飲味道好鮮甜，不過味道對我嚟講清淡咗啲，加返少少鹽會更好飲好食指數：4/5📍烏克蘭香煎薯餅🥔($78)：比想像中普通😂 配埋sour cream一齊食可以中和返個油膩感，味道正路，不過性價比麻麻好食指數：3.5/5📍招牌芝士焗牛脷盅🐂($98)：上菜嘅時候盅上面蓋咗一塊酥皮，侍應會幫手剪開，用嚟配搭牛脷一齊食。牛脷粒粒都好厚身，但係又整到好淋，配埋芝士洋蔥汁同酥皮一齊食真係一流呀🤩🤩 好食到連唔多食牛脷嘅朋友都忍唔住係咁食😼 不愧係招牌菜，必食呀👍🏼👍🏼👍🏼好食指數：5/5📍俄國宮廷焙鹿肉🦌($228)：喺香港真係好難得可以食到鹿肉，所以一於叫嚟試下！鹿肉經廚師以紅酒燉煮完之後，食落甜甜哋好入味，咬落去嘅質感就好似瘦嘅燜牛腩咁，肉質比較粗糙，而且會食到一陣特別嘅味道(鹿味？) 而一齊燉煮嘅蘑菇同薯仔亦都好入味😋