太平館餐廳

營業中

休息中

Hello 大家好👋🏻！今日我嚟到位於尖沙咀嘅「太平館」。今次同大家分享一下呢一次係「太平館」嘅美食經歷。 適逢有朋友係外國嚟到香港，話好掛住太平館嘅瑞士汁，所以同佢嚟到呢度。美食攻略：朋友比較講究，先嚟一個忌廉粟米湯開一開胃， 佢哋個忌廉湯依然保持到水準， 夠Rich但唔會好粉或好膩，襯埋個指定餐包，咪就係舊式西餐廳嘅食法😆。 講到瑞士汁一定必食嘅係「瑞士汁雞翼（8隻）」及「瑞士汁炒牛河」。 話晒真係好幾年無食過太平館，呢個招牌菜式瑞士汁依然好味😋， 甜甜地襯雞翼同牛河點食都唔會厭。朋友又話想食佢地個牛脷「烚鹹牛脷」，呢個牛脷… 確實有啲失望😞，雖然係話到明鹹牛脷，但真係太鹹，鹹到連牛脷味都掩蓋埋，得個「鹹」字， 對唔住🙏🏻我哋無辦法之下浪費咗😭。最後點咗太平館Signature 「太平館焗梳乎厘」， 落單果位叔叔仲好貼心咁幫我地預好時間先order, 我哋剛剛食完晒主菜， 甜品就到啦。 話明Signature, 水準仍然keep到。 頂層結實，內裏鬆化， 咁大個甜品兩個人份都無話甜到漏。去太平館大概要點返啲招牌菜式咁先夠穩陣😉。美食指數：5🌝最高味道：🌝🌝🌝🌝🌚環境：🌝🌝🌝🌝🌚服務

同家人親戚一行八人去咗太平館餐廳慶祝Boxing Day。一踏入餐廳，就有一個去咗第二個國度同穿越時空嘅感覺，餐廳設計由天花到地氈都好懷舊，牆上掛有舊香港嘅相片，真叫人懷緬過去。環境氣氛都一流，座位闊落，坐得好舒適，家人都好鍾意。我哋點咗餐廳大部分嘅經典名菜：瑞士雞翼、干炒牛河、烚鹹牛脷、燒豬髀、焗葡國雞飯、焗梳乎厘，另外仲有捲筒石斑同大蝦多士配沙律。蝦多士：不過不失。炸得好酥脆，但無乜蝦味，亦無乜多士味。瑞士雞翼：瑞士汁一流，甜甜的，好濃郁，好開胃，佢加咗麻油令味道更香口。但我覺得雞翼口感可做得更好，雞皮唔彈牙，肉好淋，但亦係欠彈力同嫩滑。另外，啲雞翼未夠入味，佢只係層皮有瑞士汁味，肉則沒有。但個汁真係出色嘅，食到舔舔脷！干炒牛河：我全晚最欣賞嘅菜式。炒得好香，食落去唔油膩，鹹甜當中帶有淡淡嘅燶味，牛肉好嫩好滑好彈牙，河粉亦炒得剛剛好，晶瑩通透，有彈力。無得彈！烚鹹牛脷：見到碟餸，本身有啲擔心，擔心淨係得鹽水，牛脷會唔會好酥。點知一食有驚喜，牛脷好香，即使係厚切亦唔會硬，煮得好淋好嫩亦彈牙，口感一流，味道唔錯。燒豬髀：，汁好香甜，顏色同味道都好似瑞士汁，肉好薄身好嫩，吸晒啲汁嘅精華，

今晚我們去「太平館餐廳」尖沙咀店食晚飯！我們叫咗太平館瑞士鷄翼、太平館燒乳鴿、燒豬脾、烚鹹牛脷、鐵板加拿大安格斯肉眼扒、燻䱽魚、鮮茄焗豬扒飯、焗海鮮飯、焗葡國鷄飯同太平館焗梳乎厘！太平館瑞士鷄翼嘅瑞士汁嘅甜度啱啱好，鷄翼嘅肉質好嫩滑，非常入味！太平館燒乳鴿嘅肉質幾嫩滑，唔會有好膩嘅感覺！燒豬脾嘅肉質好腍，燒汁嘅味道都幾好！烚鹹牛脷無加其他任何調味料，可以食到牛脷嘅原汁原味，同埋好厚身，厚到好似牛扒咁，雖然厚，但唔會韌，仲好腍身！焗葡國鷄飯嘅汁有好香濃嘅椰汁味！最後到咗期待已久要等三十分鐘先有得食嘅太平館焗梳乎厘，一攞出嚟見到個份量大到令我們嘩然！蛋白嘅外層焗得好香脆，入面軟綿綿，好似食緊棉花糖咁，入口即溶，唔會太甜！不過要食快啲喎，因為會好快下陷！