교자상

營業中

休息中

成日都以為食韓國嘢份量好大，嘢食好漏，要一大班人先食到，呢間餐廳顛覆咗我嘅想像，4個人都叫到好多嘢食，而且樣樣嘢都好正😋裝修大體寬敞，枱與枱嘅隔離比較疏，好啱朋友/情侶密密針，摸吓手仔傾吓偈而家晏晝OpenRice booking 有八五折，好抵食👍坐低叫咗嘢食冇耐就附送前菜，芽菜爽口，菠菜新鮮，豆皮煙靭👍今次叫咗烤1++韓牛，講真有少少失望，雖然有人幫手烤，但似乎牛肉熟，包住嘅菜仲係凍，火候控制得唔夠好，可能咁樣有少少浪費咗成個味道😿肉質整體冇和牛咁鮮嫩，比較鞋口，而且完全冇入口即溶嘅感覺，和牛粉可能會有少少失望，不過最尾附送個泡菜炒飯(韓牛飯)非常震撼，佢係用返烤韓牛個鑊上面炒，所有牛肉嘅油香精粹都可以係飯裏面，真係好好味😋烤泡菜五花肉有驚喜，上嘅時候係成條肉肉，之後再即席烤好，皮脆肉嫩，非常Juicy烤半半雞 (辣+醬油)，炸粉薄，皮脆肉嫩，調味適宜，蓮藕最好食😋講真，喺香港好少食韓國嘢以呢個價錢有咁穩定嘅質素，性價比算高，可以翻啅

忙碌咗一段時間 終於得閒約朋友食飯 當然要食餐好嘅🙂揀咗銅鑼灣呢間韓國餐廳 食物款式非常多 環境好舒服 有啲似日式居酒屋🧀布拉塔 💰145水牛芝士奶味好香 配搭泡菜豬肉 加上蕃茄嘅酸酸甜甜 中和返唔會好膩亦唔會好辣 感覺好開胃🤤🥗涼拌水芹菜 💰25見到依家做緊個水芹菜菜單 未試過水芹菜嘅關係 決定叫個最基本嘅涼拌沙律 味道幾清新帶點草青味 混合醬汁食落都幾辣 加上白芝麻食更香😊🥩烤1++韓牛 💰858(大）韓牛賣相超吸引 味道都超正😍Regular size一份8件，Large size一份18件，肚餓加好耐冇食韓牛嘅我哋就叫咗大份🥩韓牛每片油脂分布平均 牛味香濃 捲住韭菜一齊食 增加口感又唔油膩 職員會幫忙即席燒牛 熱辣辣即燒即食 超幸福🥰🍙海膽紫菜包飯 💰380高質紫菜包飯 由上至下每層都有驚喜🥰魚子醬咸咸哋提鮮海膽口感綿滑 鮮甜帶微甘生牛肉他他 新鮮唔腥 仲帶點麻油香 青瓜清新爽口🍕煎餅拼盤 💰188海鮮煎餅 好足料 每啖都食到海鮮 例如魷魚 蝦 魚仔 口感幾香脆泡菜煎餅 中間有大大片泡菜 唔會好辣 唔食辣嘅朋友都啱食🍹柚子梳打、荔枝梳打 💰48飲品方面有梳打咖啡汽水等 我同朋

2023年就快完啦~為左好好犒賞自己, 吃一餐好是必須的!呢間교자상 GYOJASANG係我近期食過最好食既韓國餐廳!!GYOJASANG 是韓式居酒屋風格,最特別係佢有室內榻榻米與戶外用餐區,裝潢非常型格又有空間感!我地就選坐在室外位置, 而家天氣涼涼地真係好舒服!醬油蟹 $288醃製過的蟹充滿甜甜的醬油味,令味道更加鮮甜, 蟹膏仲好多添,伴著跟配的紫菜、紫米飯、蟹膏, 超級超級好食呀!!!海膽紫菜包飯 $380由上至下是魚子醬、海膽、生牛肉他他、甘筍青瓜卷又華麗又吸引眼球的美食!!一口接一口吃, 大滿足!烤1++韓牛 $456真係好耐無食過靚韓牛,呢間真心必點!油花好靚, 未食已經要流口水店員仲會幫手將韓牛卷以慢火烤熟牛味超香濃~~八爪魚牛肋骨 $245牛肋骨好腍好入味,仲配有一大條八爪魚、蘿蔔、冬菇、炸蓮藕炸雞 $158我地點左芝士口味,上菜仲好熱好脆,芝士咸香好惹味!柚子梳打 菠蘿梳打 $48 飲品都幾大杯最岩食完炸雞來一杯교자상 GYOJASANG在銅鑼灣Fashion Walk地下環境真係一流過時過節食好D 來呢間真係無揀錯!#交子桌 #韓國菜 #韓國餐廳 #韓國燒烤 #韓

🙋🏻‍♂️餓底探員今晚去咗銅鑼灣調查呢間高級韓式居酒屋，一般嘅韓國菜式例如烤肉，炸雞，石鍋飯，醬油蝦蟹等，呢度都可以食到，食材高質上乘，而且韓國直送，餐廳設有室內同室外座位，座位闊落舒適，環境幽靜，氣氛愜意🥒醃青瓜 $55📸表示個醃青瓜切成一片片，原條無斷開卷成一圈圈 ，賣相吸引🙋🏻‍♂️表示個醃青瓜口感爽脆，味道清新，食之前要將青瓜剪開一段段，餐廳會提供鉗同較剪🧀布拉塔 $145📸表示個布拉塔芝士切開咗整成花形鋪咗喺面，底下有泡菜同五花肉，放咗喺個咕臣形嘅碟上，感覺好治癒🙋🏻‍♂️表示布拉塔係一個外層用固態mozzarella做成，流心狀內層用新鮮mozzarella同cream做成嘅芝士球，食落奶酪味濃，口感香滑軟綿，配上辛香嘅泡菜同爽口嘅五花肉，味道層次豐富🦐醬油蝦 $92📸表示個醬油蝦兩隻堆疊埋一齊，淋上醬油汁，面頭灑上辣椒粒同京蔥𢇃作點綴🙋🏻‍♂️表示個醬油蝦口感爽彈，食落充滿濃郁醬油嘅鹹香鮮味，味道好正🍙海膽紫菜包飯 $380📸表示個海膽紫菜包飯入面包住甘筍，醃蘿蔔，青瓜同蛋絲，面頭放上八爪魚，海膽同魚子醬，賣相好精緻🙋🏻‍♂️表示個紫菜包飯咬落去分別有魚子醬嘅鹹香，海膽嘅甘甜同八爪