Mr. Crab by The Captain's House (已結業)

好耐之前已經聽過呢個餐廳嘅海鮮包，見到啲片段係要shake個袋先打開嚟食。身邊又有幾個朋友經常幫襯，佢嘅價格唔係一般讀書嘅可以負擔，自己都係打工之後先試第一次😋餐廳樓下係飲品舖，外面只得一個掛嘅招牌，唔小心睇會miss咗，上一層樓梯就會到～ 平日晚市雖然唔洗等位，但一去到就見到差不多全場full咗餐廳環境闊落，燈光較昏暗，我坐嘅係卡位。枱面上面會有一張紙舖咗係到，同有一個鐵盆俾你裝殼嘅職員會再俾啲較剪、鉗、食蟹嘅用具、手套（厚身過平時個啲因為啲殼真係好多尖位）、圍巾。務必務必要戴圍巾，因為拆海鮮啲汁真係會四射🤣Lobster Combo佢有得自己組合個combo，不過叫佢本身有個啲會抵啲，所以叫咗個lobster combo，入面已經有兩大隻鉗、一隻龍蝦拆開兩邊肉、七八隻蝦、八爪魚、薯仔、腸仔、粟米個汁揀咗Mr. Crab Cajun Sauce，我食得辣都覺得佢幾辣，但就好惹味。啲八爪魚吸哂啲汁，咬落去勁有味，正！龍蝦啲肉多到唔洗講，純粹想講啲殻好鬼死硬🤣 好難整開，要幾樣工具一齊用，記得小心刮手！蝦嘅肉質稍腍，又係吸哂啲味道🤙🏿 基本上成個海鮮包嘅嘢食都好有味！入面啲蒜頭超好食！雖

愛食海鮮的我, 早前去了位於灣仔的Mr. Crab by The Captain’s House食晚飯. 一見到個名, 就知道有不少同蟹有關的菜式, 我地也選了幾款. 先來血腥瑪莉雞尾蝦. 一碟有四隻. 隻蝦幾彈牙. 焗芝士海鮮蟹蓋. 上枱已經香味撲鼻. 啖啖肉, 用匙食就可以, 非常方便. 食完兩個小食, 食番碗湯. 克里奧爾鮮蟹濃湯. 質感同平日飲的湯不同, 不但配料豐富, 而且夠杰身. 主角出場, 炭燒波士頓龍蝦. 份量足夠兩個人食. 當中除了龍蝦外, 以薯條作為配菜. 龍蝦肉肉質幾爽口和彈牙. 巨型芝士肉丸意大利粉. 再來一個意粉, 可以飽肚一點. 意粉軟硬度適中, 質感啱我口味. 個肉丸好大個, 味道一般. 相對肉丸, 我還是較喜歡食海鮮. 最後來一個甜品, 三式雪糕窩夫. 賣相好精緻和吸引. 我特別愛食這裡的雪糕, 好幼滑和奶香不錯, 而雪糕中更混入朱古力粒, 雙重口感. 窩夫口感唔係我鍾意食那種, 但還可以. 這一餐非常豐富.

先前已經去過尖沙咀既姊妹店, 對佢既招牌海鮮袋念念不忘, 得知呢間以蟹做主題既, 人地食大閘蟹, 我地就去食外國蟹一上到佢已經被佢呢缸海鮮缸吸引住, 保證食材新鮮之後佢隔離呢個"最佳影相"位, 一大個餐廳品牌Logo - Mr. Crab已經歡迎每位客人餐廳燈光柔和, 特設以類似船艙作為卡位, 坐得相當舒服枱上已放置餐牌, 食物種類包括頭盤, 沙律, 餐湯, 意粉類, 肉類, 特色蟹類菜式先黎頭盤焗芝士海鮮蟹蓋 ($128), 內裏釀入魷魚, 蝦, 蟹肉及乾䓤碎等, 以蛋黃醬撈均再係外面灑上芝士碎, 然後去焗至金黃色!  熱辣辣入口首先食到脆口芝士, 然後入面就有軟滑海鮮粒, 一絲絲鮮甜蟹肉盡入口腔內, 滿足指數向上!呢度既招牌菜"海鮮袋"㨂選最少3款海鮮, 再係三款醬汁入面選一款每枱預備好食海工具, 膠手套及圍裙, I'm ready...................go!黎得呢度, 點可以唔試蟹呢?!  侍應推介麵包蟹, 每隻重量介乎800g- 1000g ($438), 打開膠袋後, 已經見到橙色蟹膏向我招手, 先食蟹蓋, 裏面既蟹膏真係唔講得笑, 口層似食緊咸蛋黃但亦夾雜住

一上到嚟已經覺得裝修好特別，好似坐咗喺隻船入面咁，成幅牆都癡滿蠔殼，好有氣氛，超正！生蠔 ($260)La Fleur Pour Carina：叫做「花城童夢」，超靚嘅名！肉質飽滿，口感好爽脆，先食到蠔嘅甜味，跟住先有濃郁嘅海水味，好有層次La Deesse Blanche：叫做「海洋女神」，點解今晚啲蠔嘅名全部都咁靚㗎？！口感爽滑彈牙，海水鹹鮮味適中Divine：叫做「神聖」，徘徊在似鹹又甜之間，好有層次，口感清新爽口又夠大隻，海水味激濃，真係好好味，不愧叫「神聖」！焗芝士海鮮蟹蓋 ($128)頂層加咗啲麵包糠，口感鬆軟；切開入面釀咗新鮮蟹肉、蝦肉及魷魚，配合芝士及洋蔥，層次豐富。每樣材料都切得非常幼細，一絲絲究竟係蟹肉定係洋蔥？材料份量充足，有食極都仲有嘅感覺！巨型芝士肉丸意大利粉 ($188)果然係巨型肉丸，大過我個拳頭！半煎半焗過嘅肉丸外層香脆，入面有軟滑嘅芝士，好過癮！個汁食落有細個食肉醬意粉嗰種味，非常懷念！海鮮袋 ($694)叫咗麵包蟹、蝦及蜆，入面仲有大量粟米、薯仔及香腸。上菜時店員會大力搖吓個海鮮袋，令醬汁分佈均勻，見佢搖得咁過癮，我都借嚟搖咗幾吓，但原來係咁重㗎喎！

英國同事出差之旅就嚟結束，臨別前話想多謝我嘅熱情招待，要請我食返餐好，叫我搵定餐廳BOOK定位。大家都好鍾意食海鮮，而且Mr. Crab我想食好耐，加上知道佢出差可以任簽公司咭，咁我就唔客氣喇~ 有錢就係任性打的嚟到，wow~~ 好開心，平時都係搭車遠望，今次終於可以嚟食。上完樓梯就見到魚缸入面啲新鮮海鮮，正呀!魚缸入面啲水好清，食得絕對放心。裝修都幾特色，好似置身船艙咁。英國同事無酒不歡，我預先上網睇吓有冇酒飲，但食評又冇Wine List同酒精飲品List，所以訂位時都問左餐廳，confirm左有酒先訂位。嚟到原來好多飲品揀︰但原來凡事總有例外，同事話尋日落老蘭飲得太多酒，今日頭痛，食左藥，今晚飲Mocktail。Mocktail – 【Peach on the Beach】 $68  (Blended Peach, Ginger Ale, Lime Wedge, Mint Leave)，同事話Nice~ Cool~  其實鬼佬一般乜都話Nice，不過咁配搭，裡面仲放咗一啲薄荷葉同青檸，應該係非常清新，幾好飲嘅。我自己就揀左SPECIAL Cocktail – 【Lava Flow

舊同學兼老死約食飯，佢揀左呢度，話啲海鮮新鮮有質素。入坐時已八點半，但都仍然好多人。一坐低，佢就話一定要食生蠔，我問點解，佢就話因為新鮮鮮甜囉。好，但我鍾意法國Gillardeau，打算一人食三隻，點知店員話Gillardeau得返三隻，呵，咁我要晒佢，老死就點左其他蠔。過左幾分鐘，店員話三隻Gillardeau咁啱俾人叫左! 原來啲蠔真係好新鮮，日日清，賣晒就冇。我鍾意食法國蠔，最後叫左Majestic 四隻同K.Y.S. 兩隻，其實Majestic係新移民嘅法國蠔，愛爾蘭養殖，最後三個月先會移到法國。Majestic: 海水味重，口感細滑，after taste口腔仍有豐富鮮甜蠔味K.Y.S. : 口感爽脆清甜，入口帶陣陣鮮海水味食食吓蠔，老友爆出一句，乜你冇聽過: 「蠔係女人的美容院，男人的加油站咩?!」哦，真係想噴出黎，原來唔止新鮮鮮甜咁簡單，我就美容吓囉，佢就: 追仔尚未成功，同志仍需努力! 其實三隻太少，佢應該要食夠一打先可以加到油~~叫返杯野順返先，Blue Ocean - 真係好似藍色大海咁，好靚! 面頭有一粒荔枝做裝飾，底下亦有荔枝肉，好似水母游緊水咁。藍色糖漿顏色太

今晚，來到了Mr Crab 打算來一個全蟹宴！*K.Y.S. ($104/2PC)*MAJESTIC ($104/2PC)*GILLARDEAU($104/2PC)平時少吃蠔，沒有太多研究。不過總括來說，三款的蠔都是很有海水的咸味和鮮味。另外，平時食蠔除了有檸檬外，還有辣椒醬，不過今次就換上了紅酒醋！*SEAFOOD COMBO 3 ($935)這個海鮮袋，有麵包蟹、蝦、蜆、新薯、粟米和豬肉腸，而醬汁，我們點了小辣。因為只吃海鮮的話，可能不夠飽，所以配料都會有飽肚的薯仔和粟米。薯仔煮得很淋！雖然是小辣的汁，但個人都已經覺得很辣了！蝦肉和蜆肉都很新鮮。麵包蟹，又即是睡蟹，主要是吃膏而不是蟹肉的。又要挑戰膽固醇極限！如果要吃這個海鮮袋，還是不要約異性，因為真的吃得很狼狽呢～食蟹用的「架餐」*焗芝士海鮮蟹蓋 ($138)蟹蓋除了有厚隻的蟹蓋，還有是經過加工製作的蟹蓋，最適合我這個懶人吃。蟹蓋上的餡料，是蟹肉、蝦肉、魷魚、洋蔥，水牛芝士和巴馬臣芝士的混合物；很creamy，又有點像熱的沙律。上面的芝士好香脆。*加洲海膽扁意大利粉 ($298)這個意大利粉，用上了忌廉汁，口感很濃厚，加上洋蔥的香