公和荳品廠

營業中

休息中

深水埗出名多小食，但唔想在街邊食的話，入公和就最啱了，衛生又有冷氣。公和除了豆花豆漿外，還有豆朴和煎釀豆腐，地道小食及瑞士汁系列。選了無糖豆腐花，滑滑有豆味，無糖也好食。煎釀豆腐上有薄薄魚肉，這一面煎得較亁身，魚肉下的豆腐頗厚，似是焗多過煎。缺點是不夠香脆，好處是豆腐保持嫩滑濕潤，而且無咁油膩。瑞士汁雞腳的瑞士汁䶢中帶甜好味道，最驚喜是雞腳不會過腍或腍啤啤，它外皮軟腍而筋骨仍帶少許咬口，外觀完整，指甲也剪掉。還有地道小食未試，下次吧。

真係細細個就聽過呢個名，但食就真係第一次，心血來潮想食豆腐，叫左煎釀豆腐，豆腐花，豆漿同埋腸粉，咪睇得幾樣野，但都好鬼飽！因為我係叫外賣APP的，無諗過送到黎都仲係熱辣辣的，個煎釀豆腐真心好食，好有豆味又唔會好油好肥！豆腐花一定要食熱，熱辣辣食豆味最重，佢仲另外跟黃糖俾我自己落，想幾甜自己話事！而個豆漿雖然無驚喜但都好飲，下次想試下個黑豆漿！至於個腸粉純粹想飽啲而嗌的，下次都係試下個聽講好脆既豆卜，哈哈！#因為我叫外賣，所以環境未能實際評分#但服務就評到，因為佢地有親手寫左thank you係張單度，好sweet#仲送左封利事，入面有兩粒糖#外賣APP叫比起堂食是有一點點貴

豆漿有甜度選擇，適合不同的人👍雖然已經係少糖，我仍然覺得佢既甜度可以再減啲。另外，豆漿夠新鮮亦夠凍，夏天岩哂用來解渴！😋..一盒總共有5件。記得裝修前食過一次，魚肉味好重，多汁，好好味的。但係今次再食番，感覺有少少失望☹️成件食落味道好淡，就算落左豉油仍然覺得無咩味道。比較好嘅係魚肉面煎得幾香口同埋豆腐夠軟滑。

小時陪媽媽過嚟附近買餸，媽媽都會帶我食哩間荳品廠嘅豆腐花，依家就可以自己過嚟食，尋找一吓兒時嘅味道😜今天星期六比較人多，但一個人比較容易搵位，好快坐低咗，叫咗個凍荳花同煎釀豆腐😋豆腐花同以前一樣咁嫩滑👍🏻，唔太甜剛剛好👍🏻，煎釀豆腐釀嘅魚肉就好似少咗😅，加點甜醬仲好味，兩樣嘢加埋都只係$22，抵食👍🏻而家舖頭多咗好多款式食品，除咗荳品以外，仲有腸粉、燒賣、魚蛋、蘿蔔糕、炒粉麵等等，當正餐都仲得😆，見客似雲來👍🏻，希望老店舖可以繼續承傳落去☺️

我最鍾意食豆腐！唔係食人地豆腐果種😂，係食堅豆腐果種，同所有豆類製品我都喜歡😘之前我住在深水埗附近時，這家老字號公和荳品廠的煎釀豆腐豆卜等豆製品就時常成為我的餐前小食，真的非常好吃！😋😍 我時常放工經過都會到來買外賣，最愛買煎釀豆腐$14/五件，和出面街市賣的不同，自家製豆腐豆味特別香濃而且很嫩滑，只抹上薄薄的魚蓉，把豆腐煎至金黃色，阿姐好手勢能保持外脆內嫩👍配上特製甜豉油已經好好味，真的令人不禁一件接一件，我試過一口氣買10件狂食😂另外其他嘅豆漿豆卜豆腐花等豆類製品都非常值得推介，都係豆味非常香濃，純粹因為我太鍾意食豆類製品，所以我特別鍾意光顧😛______________________________環境：5/10服務：6/10 價錢：7/10食物質素： 8/10 整體：7/10

早就聽過公和荳品廠呢個名，但由於太少經過深水埗，所以都冇乜機會試，咁岩同同事去完深水埗買啲嘢就經過試吓，傳統老字號我黎喇～平時食得太多肉，今次要食返豆腐中和一下，煎釀豆腐既口感系實實地 吾會一夾就散。荳味十分濃郁。表皮有少許既魚肉，食落戈陣冇咁dry。豆腐花系呢度亦系必食，黃糖系張枱隔離，自己中意加幾加就幾多，出面好多間豆腐花都系篤幾下就散曬，呢度既豆腐花系完全吾易散，配上適量既黃糖好有傳統既味道一路坐正系個爐附近都幾熱不過同時亦聞到一陣陣嘅荳香👃🏼心情倒是好了一點

同同事晌深水埗上完堂肚餓就去搵食。於是就去咗呢間老字號嘅香港公和荳品廠。我都曾經聽過有好多朋友講過話好食。下晝5點半左右，舖頭已經好多人。第一次去到，梗係睇下個餐牌啦！見啲嘢都幾平！就晌我同同事諗緊食乜嘅時候，收銀嘅呀姐用唔耐煩嘅語氣講左句：「你地要諗嘅企過少少，後面有仲有好多人要買。」我哋聽到都企埋一邊睇。睇睇吓，個呀姐又燥底咁話我哋：「你哋一係就坐晌度睇！一係就企埋少少！後面好多人！唔好阻住！」同事都有講唔好意思。然後再行入少少。(講真...位置係得咁多，唔係坐就企㗎啦！唔睇餐牌點知有咩食呀！洗唔洗1分鐘話我哋兩次？！)好啦，睇完餐牌就晌收銀落單。我地叫左荳花、煎釀荳腐同黃金魚腐。落單之後都唔洗等好耐，好快就有食物。荳花荳花本身已經有糖水，甜甜地。口感十分軟滑，有淡淡的荳香味。(讚！)加埋黃糖更正!煎釀豆腐煎釀豆腐嘅味道較清淡。質感嫩滑！加上鼓油同辣醬，唔錯。黃金魚腐一般嘅魚腐都係彈牙，像魚蛋似嘅彈牙口感。但公和嘅魚腐完全唔一樣。表面香脆，入面係軟軟嘅豆腐。總結食物方面嘅味道同口感算唔錯。但服務態度同衛生方面就無咁好。收銀員的態度上面一開始都已經講過，就連店員叔叔都對其他客人都無乜

咁岩要去深水埗電腦城，飯前小食就去試下有百多年歷史既「公和」，據說「公和」出名自家豆製產品，用上加拿大非基因改造豆，確保質素。店子的外觀充滿著老店的感覺，六點幾人流真係好多，阿姐頻頻煎豆腐賣豆腐，店子都有不少豆類製品賣，好似腐皮、嚮鈴、枝竹，當然不少得豆腐豆漿豆卜等，因為人太多只簡略拍一下門面好了。本身想堂座又滿座，好彩原來仲有得上樓坐！.上樓的地方放了三四張檯，會有店員上黎同客人落單，客人通常都係快快食完就離座。.餐牌上的豆製品有豆漿、豆腐花、煎釀豆卜、黃金魚腐和煎釀豆腐 （三款煎釀都想試的可以來一客三拼都係$14）。.另外仲有腸粉、燒賣魚蛋、炒麵炒米，牛肉球等，醬汁黃糖都放晒係檯自己落的。一場黎到梗係要掃餐牌，豆製產品通通都來一客吧！.豆腐花 $8 （熱/凍）食豆腐花感覺熱食豆味會更重，不過大熱天時都係黎返碗凍既降降溫。黃糖自己落，通常我落少少就夠，怕佢蓋晒豆味。食落真係夠滑溜，豆味頗濃∼∼好快食晒成碗.豆漿 $5 （熱/凍）豆漿入口順滑無渣，豆味頗濃，就係甜度稍高。.煎釀豆卜 $10/5件豆腐卜炸得夠乾身不油，咬落酥香可口，很脆身，後來仲加多一碟，一碟真係唔夠食！.煎釀豆腐 $1

今日下午我們去咗深水埗北河街，見到有超多間食店都好吸引之下，我們決定食完一間再食另一間！我們首先揀咗間有多年歷史嘅「公和豆品廠」！我們叫咗煎釀豆腐、炸豆腐卜、豆腐花、凍豆漿同豉油皇炒麵！煎釀豆腐嘅面層煎得好香脆，魚肉雖然比較薄身，但肉質都幾彈牙，豆腐就相當嫩滑！炸豆腐卜炸得超外脆內軟，加埋甜醬同辣醬一齊食，令到味道更加惹味，而且唔會好油膩！豆腐花極之滑溜，豆味非常香濃！凍豆漿喺夏日炎炎之下飲，真係相當透心涼，味道好香甜！豉油皇炒麵係眾多食物之中令我們相當失望，味道淡而無味，麵質亦非常粗「嚡」！

咁岩做野要經過附近就特登入去食個煎釀豆腐煎釀豆腐食評：呢間店係深水埗都好多年歷史，主要係賣豆製品，咁佢都會賣埋即食個D豆製品例如豆腐呀豆漿豆腐花咁，而我最鐘意食就係佢會煎到隔離街都聞到既釀豆腐，好有家既感覺，煎到外面脆卜卜，但係豆腐就KEEP住嫩滑，配埋支豆漿就FIT哂，最獨特既係佢D辣醬，好似話係老闆自己整，所以好食之餘同佢D食品好夾!!總評：值得一試!!

超過一百年歷史的公和，對於所有香港人，包括我，名字應不感不陌生，但作為一個八十後，跟荳品總有點格格不入，所以一直未有機會光顧。今次就趁星仔父母來港，就大伙兒一同試試。＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊公和曾經有多間分店，但現在只餘下深水埗總店和九龍城分店，今次拜訪的總店北河街，由深水埗港鐵站一出步行1分鐘就到，非常好找。走進店內，第一眼就見到公和大大個招牌，配上那特高的樓底和懸吊式大風扇，在在顯示它有百年的歷史。而牆上左手邊的相中人，就是公和的創辦人。荳品廠當然以賣豆腐製品為主，近店門位置，就有店員在一個大圓鐵板上煎著一磚磚的豆腐。旁邊是一大板待煎的豆腐，不知何故，看到它有非常治癒的感覺。煎釀豆腐($10/4件)煎釀豆腐表面煎至金黃色，上面釀有一小片魚肉，入口豆腐都頗滑溜，豆味香濃，加一點甜豉油調味已經很不錯，唯一要挑剔是比較多油。黃金魚腐($10/4件)黃金魚腐就是炸豆腐，跟煎釀豆腐相比，油量少得多，炸得非常乾身，切口香脆帶點咸香，基本上不用另加調味也可。荳花($8)荳花一大片，不會碎濕濕，熱食更突顯滑不溜口，荳味香濃，加點黃糖已很好味。

問在深水埗要食什麼，我說來到不可不吃的一定有這家老牌豆腐店。每天新鮮製造的豆腐花豆漿，還有一盤盤炸得香脆的煎釀豆腐，十零蚊食到你肥肥白白。早兩日來到深水埗，當然要來食個夠本。熱豆腐花 是我的必食項目，滑滑的質感，加上濃香的豆味，已經美味非常。再加上黃糖，幾蚊已經哄得我快樂不已。因為正值中午，肚子餓得很，要點些熱食，結果再加點了 煎釀豆腐 ，一上枱香噴噴的氣味，再食先有脆脆的口感，再有嫩滑的豆腐，它不會出現有因炸太耐而出現的蜂巢狀質地，仍然是一如以往的平滑，好味!門前擺賣的外賣豆漿，豆腐磚，豆卜，豆皮等等，都是我經常買回家加餸的料子。雖然不算便宜，但是質素還真不錯，用作煎炆，效果非常好味。

行街路過又口渴，咁岩見到間傳統老店公和，就走入去食碗凍豆腐花解解渴，凍豆腐花，$8唔凍，真心的覺得唔夠滑，有豆味唔算濃，出面好多甜品舖都好食過佢，食到最底，仲隱約食到少少酸味，幾擔心豆腐變壞煎釀豆腐，$99蚊有4件，煎得尚算香口，估唔到呢隻豆腐滑好多，凌魚肉仲有少少果皮味，加少少辣醬更惹味食飽後，睇返資料先知呢間得獎熱店，其實我打呢篇食評原因係，侍應態度超差，睇住佢比杯豆漿隔離枱，唔小心滴到食客既手袋，當無事，一句道歉都無，之後自己落錯單，竟然會怒'beer'食客，這是應有的服務態度?係咪持住自己舖頭出名，就無晒基本禮貌呢~

創於1893年，見證一個年代的轉變，至今仍屹立不倒，維持昔日的懷舊面貌。炎熱天氣下，沒有冷氣機，只有緩緩轉動的吊扇，不難看到客人邊吃邊抹汗 前舖有員工即場煎炸豆腐，遠看後舖則是豆腐工場，看著熱烘烘的煙湧上玻璃，不禁讚歎老闆對手製豆品的堅持，標明日日新鮮製作。店內座位較為擠擁，不太舒適。牆上寫上各類可選的豆製品及價錢，豆漿及豆腐花冷熱同價。跟店員下單後，聽著他大聲吆喝，食品不消片刻就送上枱面。💛 煎釀豆腐 ($9) : 看著新鮮煎起的豆腐，送上時還是熱烘烘的。每客有四磚，而在豆腐上放上一層薄薄的魚肉，經煎至金黃色後，辟走了原有的魚肉腥。豆腐非常嫩滑，想好好夾穩的話，需要高超的筷子技巧 否則一夾即爛。💙 凍豆漿 ($5) : 一杯約250毫升，若果想要大杯裝，可在下單時示明。味道不會太甜，反而有濃濃豆味。💜 凍豆腐花 ($8) : 看著店員從大缸中片出一塊塊豆腐花，感覺很傳統。白色瓷碗上寫了<香港公和荳品廠>及<Kung Woo Beancurd>字樣。與平常的不相似，豆腐花沒有糖漿供應。若想增加甜度，可加枱上提供的黃糖。冰凍的豆腐花口感較為硬身，同樣不缺豆

每一次去去深水埗都會去公和荳品廠,因為店裹面又平又好食,每次行入去店入面都有一種舊代既風味,雖然無咩好華麗既装修,但店入面任何時間都堆滿左好多人。我叫口左煎釀荳腐,望住門口既阿姐將煎釀荳腐送到枱上,有魚個面煎得好正好香好脆,豆好好滑,有小小豆香味。我覺得荳漿好好飲,唔會太甜又重豆味,$20內可以食到美味既下午茶,香港仲有邊到有?