JUST'er Bar & Restaurant

營業中

休息中

估唔到山林道有一間小店，落雨天關係就行咗入嚟食嘢，原來呢度出名食「PorkRibs」，燒得有點像叉燒，外層有少少燒焦脆口，醬汁飽滿而且滲透了內層，肉質嫩滑。薯條是配菜很脆口，炸得乾身，不用沾上任何汁料也很美味。另外有一個意粉叫做「醬油三文魚意粉」，醬油味好出，意粉彈牙，比起一般芝士/茄汁更加好味，加上了三文魚提升味蕾。另外點了「A5和牛配牛油薯蓉蘆筍」，先講薯蓉好滑溜，A5和牛輕輕燒並且沒有血水，燒得剛剛好。前菜我點了「煙三文魚配牛油果酸青瓜」是一款開胃菜，煙三文魚配搭牛油果，令到口感會豐富多，再搭上青瓜同蘋果，包裹住一舊酸青瓜，全個前菜好豐富，酸酸地開胃。再配兩杯特別的奶昔-「海鹽櫻花奶昔」和「牛油果奶昔」第一次飲有櫻花味的奶昔，加入海鹽味道清新，有淡淡的櫻花味撲入鼻。而牛油果味道是淡淡的，比較滑身。很冰涼感覺。我哋食完都仲落緊雨，老闆都好好俾我哋喺度避雨😂

🍴 煙三文魚配牛油果酸青瓜（$108）作為前菜好開胃；我食個日無哂酸青瓜，餐廳用咗加倍嘅牛油果代替，就算係咁都無影響到整體感覺；煙三文魚入味之餘唔會好咸，牛油果係用左比較熟嘅牛油果，口感綿密軟腍，而且無草青味；加上個汁酸酸甜甜，食落去好fresh🍽️ 門西淋牛豬仁雞 VS 蝦兵蟹將（$490）想食佢地嘅招牌拼盤好耐，有齊晒肉同海鮮，一次過滿足晒我多個願望😆本身已經包括多汁淫蝦，慢煮蒜香春雞半隻同炸軟殼蟹而且仲可以系焗多汁豬仔骨/脆炸美國魚柳/ 9 oz 美國安格斯西冷（+$40）中三揀一；仲有香脆薯條/茄汁意粉可以選擇🦞多汁淫蝦，原隻龍蝦上枱，好大隻好多膏，蝦肉好彈牙🐓慢煮蒜香春雞，雞皮上面撒滿左孜然粉，加上用咗慢煮方式，雞肉食落好入味juicy而且唔鞋口🦀 炸軟殼蟹，炸粉薄而脆，食落去啖啖肉🐖 焗多汁豬仔骨好厚肉，而且燒得夠焦香，個BBQ醬好惹味🍟薯條炸得香脆唔油膩，咬落去脆到卜卜聲🍎 熱玉桂桂花蘋果紅茶（$43）上枱嘅時候我係呆左，因為我最初以為呢個價錢係講緊一杯，點知原來係一jar😱，夠哂兩個人share有餘；好足料嘅玉桂蘋果茶，有大大塊蘋果同為數不少嘅玉桂系底；斟出嚟已經聞到好香

JUST'er Bar & Restaurant尖沙咀山林道13號地下A1-A2號舖味道評分:☄️(必食之選)>☀️>🌤>⛅️>💨☀️煙三文魚配牛油果酸青瓜 $108前菜簡左清新嘅開胃菜，整體食落輕盈清爽，煙三文魚配搭牛油果令到口感會豐富多啲唔會因為青瓜同蘋果而感覺過於fresh👍🏻比較特別嘅係煙三文魚入面有包裹住一舊酸青瓜，咬多兩啖陣酸味先會出黎，都幾夾！☄️門西淋牛豬仁雞 VS 蝦兵蟹將 $490一上枱成個人呆左😧個盤幾乎霸左大半張枱，由5款食物集結而成！我地嗌左最基本嘅set，菜式有三款可以選擇，我簡左我最中意食嘅豬仔骨，好好食！龍蝦冇添加任何調味，食既係龍蝦自身的鮮甜味&少少海水味，原汁原味，龍蝦仲有好多膏添！最底嘅燒春雞亦都唔馬虎，表皮燒到焦香，入面啲肉仲保留到肉汁，調味適宜，好好食🥹食到最後先醒起龍蝦頭底仲有舊軟蟹😳😳係好飽嘅情況下都覺得好好食！一啲油饐(益)味都冇，得半舊真係後悔冇升級食貴啲！薯條香脆，就連蕃茄醬餐廳都有花心思調味，有少少酒味🥂☀️玉桂桂花蘋果紅茶 $43一大壺可以2-4人share! 我地嗌左健康啲啲嘅選擇，飲落唔會淨係得個甜味，蘋果

🏠 這間西餐廳好近地鐵站，佐敦站D出口行3分鐘就到了，雖然唔太大間，但感覺到寬敞，坐得舒適！我地2個人叫左一個前菜同一個拼盤，已經好飽。🍣 煙三文魚配牛油果酸青瓜（$108）： 🥑 呢個前菜好特別！唔係一整盤而係分咗5 份，容易分俾唔同既人食，而且煙三文魚卷好裏面既蔬果類，煙三文魚唔鹹，醃得好食，牛油果好新鮮，冇青味，酸菜牛油果等配合煙三文魚中和咗油膩感，整體好開胃！🦞 門西淋牛豬仁雞vs蝦兵蟹將（$490）： 🦐 只係睇個名唔知係咩來，睇埋佢個description 好似好多野咩都有咁就叫左，超大隻龍蝦！新鮮龍蝦有海水既鮮味，鹹鹹的，唔使點任何汁，都已經夠鮮甜，唔同其他餐廳會用一些汁蓋在蝦上，無法知道蝦本身新唔新鮮，而且咬落啖啖肉，實在太好味，蝦膏味濃，好香唔漏，原汁原味。🍟 即炸薯條好熱好脆！🐓 雞：啲肉好林，即使係雞胸肉都唔覺得鞋口，好香孜然味，唔多其他味精，🦀 炸軟穀蟹，外面少脆，蟹肉好腍，做成外脆內軟既質感🍖 焗肋骨比教多肉，唔止有骨，醃得剛剛好，唔鹹，同埋焗到恰到好處，唔會太燶，同埋好香。

有次上網見到呢個菜名：多汁淫蝦，覺得個名好搞鬼。作為好奇的食客，我們特登黎試下呢兩款 "玩味" 的菜式 - 「淫蝦」和「門西淋牛豬仁雞 VS 蝦兵蟹將」套餐。「淫蝦」應該指既係龍蝦，而「門西淋牛豬仁雞 VS 蝦兵蟹將」係一隻龍蝦、半隻慢煮春雞，以及炸軟殼蟹，搭配自選的爆多汁豬仔骨和薯條。好彩無揀意粉，因為個拼盤真係好大份。我地仲要加左個煙三文魚配牛油果酸青瓜作為餐前小食。呢個前菜堅好食，響呢個炎熱既天氣，食個酸酸甜甜清新爽口既冷盤，非常開胃。龍蝦肉質鮮甜彈牙，簡單的烹調保留住了海鮮本身的鮮美。半隻慢煮春雞外層用左孜然粉調咪，雞皮經過烤焗，外層有焦脆口感，內保持嫩滑多汁。軟殼蟹火喉剛好，口感外脆內軟。切開爆多汁豬仔骨真係睇到既爆多汁，肉質爽嫩，而且好惹味。檸檬莓果梳打和青檸柚子梳打清新怡人，唔會好甜，好解喝。衷心期待下次光顧Just'er Bar & Restaurant ，可以探索更多驚喜創意菜式。

🍽 JUST'er Bar & Restaurant (尖沙咀)📍尖沙咀山林道13號地下A1-A2號舖✨bookmark已久嘅山林道高質西餐廳，終於試到啦🥳 男朋友好細心book咗枱，唔洗排隊😊✨餐廳裝修風格玩味十足，用咗好多霓虹燈做裝飾，都好IGable✨ 「全院滿座」嘅霓虹燈充滿特色，同餐廳都一樣，「全院滿座」了！🍽 開心果碎慢煮燒羊架配南瓜汁牛油蕃茄 雖然揀佢地蝦兵蟹將set，但係兩個人食唔晒，下次叫多啲人嚟先再食。所以揀咗慢煮燒羊架。因為係慢煮嘅，肉質會呈粉紅色，但係全熟嘅👍 而且外表燒到金黃色，好吸引🤤 而小編多數去食自助餐先會食下羊肉，而且仲要加好多薄荷醬，但係今次食呢個慢煮羊架係完全接受到，配嘅南瓜汁都好特別，出乎意料好夾！🍽 煙三文魚配牛油果酸青瓜牛油果同煙三文魚嘅融合係完美架(小編是牛油果控🥑) 最底係青瓜，而酸青瓜就俾煙三文魚同牛油果包住，食落好有層次，好開胃。同埋要讚一讚個擺盤，令到菜式賣相好吸引，好啱打卡！🍽 垃圾八爪魚見好多人推介，同埋個名好直接🤣 睇返英文，原來係Baby Octopus🤣 口感係外酥內嫩，而外層嘅麵糊炸得好酥脆👍👍 🍽 醬油風海鮮意大利飯通