麺屋·隠 (已結業)

-{黃店💛元朗小店拉麵🍜}特登揸車入元朗食依間拉麵🤩差不多9點唔洗等即入食晚飯😜🤤限定隱🤤 ($95)係鏗魚豚骨湯 個叉燒偏肥同埋好薄🥺不過有油脂香 個蛋流心同埋有蛋香🤩個麵同湯好似分開左咁😭平時好鐘意飲湯都冇乜飲 湯底普通同偏油👀食完好多油浮上面👖褲評: 6.8/10🤤燒八爪魚丸🤤 ($30)有5粒！入面都有一粒八爪魚粒 正正常常☺️👖褲評: 6.8/10性價比一般 唔需要特登入元朗試🧐性價比: 7.6/10服務: 7.3/10環境: 7.3/10🚩麺屋·隠🚩地址: 元朗裕榮徑11號好旺洋樓地下5號舖#fuudjai #fuudjai黃店 #fuudjai日本菜 #fuudjai拉麵 #fuudjai元朗

光顧了很多次的拉麵店濃郁的湯頭總是吸引著我個人最喜愛的是赤隠 香香辣辣赤隠每碗拉麵都會配上木耳 蔥花 香荀 兩塊叉燒木耳幼絲是人手切的 可見小店的堅持自家制叉燒 肥瘦比例很好 油脂味極香 入口即溶豬骨湯底濃稠 豬骨味香濃 啖啖都是骨膠原 麵條掛湯 彈牙有咬口 赤隠特別之處是用辛香料炒的辣肉醬既麻辣又香 令湯頭更香重點推薦是溏心蛋 經醬油醃漬 香濃的蛋黃香炭燒雞肉串經典的日式小食照燒汁雞肉 配上沙律醬經過炭燒後雞皮酥脆 雞肉嫩滑多汁 均勻沾上醬汁照燒汁濃稠 帶有日式風味燒八爪魚丸滿滿的柴魚片堆的高高的小丸子外層炸得香脆金黃色內層有椰菜絲 口感軟腍一咬便吃到彈牙的八爪魚配上日式照燒汁和沙律醬很好的伴酒小食

元朗新開左間拉麵店，名為「麺屋·隠」，位於舊b仔隔離，我係俾個店名吸引左。雖然門面細細，但以全深木色裝修，加個紅燈籠，充滿居酒屋風味。店內以灰磚牆配木餐枱椅，一邊係長bar枱配高椅，半開放式廚房，雖然面績略細，但完全冇壓迫感，感覺好溫暖舒服。連擺設都好有心思。拉麵有4款湯底，仲可以自選湯既濃度，麵既軟硬度，同配料，非常貼心。另外仲有數款迷你飯同小食提供。朋友叫既黑隠拉麵，湯底係黑蒜油，聞都聞到黑蒜油味非常濃郁，我忍唔住試左啖湯，果然係好蒜好蒜。我叫既白隠拉麵，即係原味豬骨濃湯，店員話湯底用新鮮豬骨淆製，所以非常濃厚鮮甜，粗切荀絲爽甜冇渣，大大片既叉燒肥瘦適中，仲要有4、5片，好足料。燒八爪魚丸，好有水準，唔會食到一口粉漿咁，仲要好足料，真係用八爪魚做餡料架。店員小姐好有禮貌，又經常幫食客添檸檬水，係好溫暖既小店，讚！

元朗舊佳記甜品附近，大坑渠直入去明愛陳震夏紀念中學嘅一小段路中間，有一間日本拉麵小店，店名叫做「隱」。雖然間拉麵店舖位面積不算很大，但是仲保留住一D傳統日本拉麵店嘅風格同面貌。我幾乎已經將屯門元朗天水圍嘅拉麵店都食完啦，而今次路過發現到呢間「隱」拉麵當然都唔會放過啦。當日雖然已經算早食晚飯(6:00) ，但估唔到店入面已經坐滿晒客人，所以都要等一陣間先有位，原來呢間「隱」拉麵都唔算太過隱秘。小食章魚小丸子外皮好脆，配埋味道濃郁嘅醬同脆脆嘅木魚碎，超正！入面係有八爪魚架男朋友就點左赤隱，佢話食落好辣，因為加左d辣肉碎，但係就辣得好滋味。叉燒切片切得比一般稍厚，而且肥瘦分明我點左黑隱，即係黑蒜油拉麵，黑蒜味好重，啖啖拉麵都有濃濃嘅蒜味，層次豐富，香味濃郁，肉就有少少「鞋」，不過完全唔阻礙我享受拉麵嘅味道，飲一啖湯，嘴中縈繞著蒜香和豚骨湯底鮮味。

見到啲飲食post介紹呢間小店，好似唔錯，happy Friday 放工就去試下。同老公二人大約八點左右到等咗大約十分鐘就有位。小店既裝修都唔錯，有日本小店風味。不過空間比較細，位較窄，坐滿人都好迫下。我地坐係入門口第一張枱，個位同收銀counter 既距離好窄，中等身型既人都要側身行過，我老公坐左邊，一路食一路要閃避行過既人，食得有點不自在。至於食物方面，拉麵有四款選擇。白隱、黑隱、赤隱&限定隱。我地㨂左黑隱（麵身正常、湯正常走荀）同埋限定隱（麵身硬、濃湯走荀），另外叫咗燒八爪魚丸。Order後等左十分鐘左右先出燒八爪魚丸。八爪魚丸外脆內軟，味道同大阪燒章魚丸差不多 只係口感唔同，餡料未見豐富。妙速食完個燒八爪魚丸，再等咗大約10至15分鐘，主菜出場喇～～限定隱：（鏗魚豚骨湯）濃湯夠香夠濃且唔會好油膩既感覺。我個人覺得個豚骨湯味比鏗魚味出，麵身堅度符合要求，有彈性，溏心蛋就無乜蛋香，口感OK ，流心軟滑。整體來講都唔錯。黑隱：（黑蒜油豚骨湯）唔知係咪上菜時湯底未攪勻，第一啖飲落去有仲湯同黑蒜油味分離既感覺。自己攪拌後再飲就覺得好一點。我地叫既係正常湯，相對其他拉麵店既正常湯好似清一點