岳川串揚

營業中

休息中

喺香港食串揚除咗有日本過江龍之外，呢間本地小店都好高質。串揚炸皮酥脆又夠薄，而且食落唔油膩。餐廳用QR code自助落單，串揚有海鮮、豚肉、牛肉同蔬菜。除咗串場之外，仲有串燒、佐酒小食、烏冬蕎麥麵等等。✨串揚 北海道天使蝦蝦肉結實爽口 蝦鬚都炸到酥脆好香口連蝦尾都食埋😋✨串揚 廣島蠔蠔肚脹卜卜 一咬落去鮮甜蠔汁湧出嚟😍同自家製他他醬好夾✨串揚 豚肉秋葵卷/豚肉蘆筍卷卷住蔬菜味道清新 感覺無咁熱氣✨大蔥雞肉串雞皮燒到脆身 雞肉嫩滑仲有肉汁燒過嘅大蔥甜甜地完全無辣味 仲竟然一咬爆汁！😋✨鹽燒牛舌芯牛舌芯嫩滑完全無筋燒得剛剛好 多汁有嚼勁✨鹽燒美國肉眼串燒到五成熟表面焦香 內裡肉嫩只用鹽調味更突顯牛味濃郁🤤✨燒日本多春魚燒得夠乾身香口 送啤酒就啱晒✨燒昆布飯團表面燒到變成飯焦 脆卜卜好正！總括嚟講食物好有質素，食咗咁多款串揚同串燒都好食，而且價錢合理。小店座位唔多，建議book定位先去。

最近正值Sogo Thankful Week，就陪同媽咪去銅鑼灣行街，一輪血拼後當然喺附近搵野食。步行至摩理臣山道，見到呢間餐廳充滿日本居酒屋風格，於是入去休息吓。<味噌田樂燒茄子> $68茄子外皮香脆，內裏柔軟，味噌嘅調味令茄子肉帶有絲絲甜味。<燒芝士年糕> $25年糕軟糯，芝士鹹香突出。<燒昆布飯團> $30飯糰表面搽上豉油，內裏嘅昆布略作調味，加上用咗日本嘅珍珠米，飯香煙韌，呢啲應該叫平凡的美味。<帶子三文魚籽(揚) > $40帶子裹著薄薄炸衣，帶子熟度剛好，配埋一粒粒的三文魚籽食用，入口爽滑，一咬即破。<日式磯煮鮑魚伴蘿蔔(2份)> $80我地都好鍾意呢款😋第一次將鮑魚同白蘿蔔夾埋一齊食，蘿蔔腍身+煮得好入味，鮑魚都唔會話煮得好韌，一齊擺入口，蘿蔔同鮑魚嘅鮮味喺口腔中融合。<自家製免治雞肉串> $42雞肉串跟埋蛋黃同日式豉油，將蛋黃同埋豉油攪勻而成的醬汁。雞肉串口感特別，入面夾雜咗少許嘅雞軟骨，點埋蛋黃豉油汁更增添風味。<原熟水蜜桃梳打> $38水蜜桃味梳打配埋串燒飲

同事介紹話銅鑼灣近木球會附近有間好日本食串揚既小店，好岩放工去happy hour. 小店係一個轉角位，大概有十零個位。入到去會見到好多酒，但佢主打係大阪既串揚，即係類似天婦羅，但無咁厚粉。 呢到係用自助落單，個介面好清晰，我地就每樣叫小小試下。 串揚呢到主打既菜式，想推薦下佢既秘製辣醬，點完串揚汁再加少少，就會昇華左個味道，佢唔會好辣，一定要試啊！🦐 海蝦 - $28佢係第一碟上枱既食物，真係好熱辣辣。佢既炸皮非常非常薄，蝦亦都好大隻好彈牙，食得出係鮮蝦，師傅仲剝埋殼，所以係啖啖肉。🐷 豚肉秋葵卷 - $25🐷 豚肉蘆筍卷 - $25豚肉秋葵卷同蘆荀卷都好相似，但主要分別在於蘆荀是比較爽口。兩款都係薄薄既炸皮加上豚肉，你會感覺到豚肉小小肥加埋蔬菜既清新，好balance. 🍆 茄子 - $15茄子都係好有驚喜，因為茄子好容易會吸左好多油。但呢個完全無，仲好爽口juicy，點上酸酸地既串揚汁，三兩下就KO. 🦀 芝士蟹柳串 - $20佢有一個係芝士系列，本人非常喜歡食蟹柳，所以見到有都會叫。蟹柳上面加上芝士，仲要灸燒過，好難唔好食👍🏻🥒 秋葵 - $22朋友覺得好好味，所以encore