Mama Mia! Pizzeria (已搬遷) 新店位置

今日想吃pizza，朋友介紹左九龍城新開的一間鋪頭，店鋪不大，我決定打包帶走，pizza係即叫即焗，需要等候15分鐘左右，而且博餅盒有透氣小洞，帶返屋企都唔會因為水蒸氣嘅問題影響薄餅嘅香脆口感。我嗌左招牌MAMA MIA Pizza！有3種不同嘅香腸，莎樂美腸，香腸，意大利辣香腸，用番茄醬，芝士，牛肉塊一起焗，味道不錯。還有份香蒜醬醬料，用來薄餅邊沾來吃，酸酸哋，幾好味。嗌份蒜油大蝦意粉，意粉煙煙韌韌，好彈牙，大蝦都有好多隻，醬料香香辣辣，啱我口味。小食嗌燒烤醬雞翼，燒烤醬好正，外皮吸收左醬料嘅味，好好吃，雞肉嫩滑，好鐘意。

好耐無食過咁高質既Pizza啦😍 話說係九龍城新開左呢間Pizza店 有成10款Pizza可以揀 仲要幾抵食 所以我哋就決定一試😎 店內都有幾張枱可以堂食架 不過今次我地就order左外賣番屋企食 外賣都咁正真係好有驚喜🤩由於個人真係鐘情千島醬Pizza 所以我哋都係揀左食夏威夷薄餅🍕 pizza餅底鬆軟唔會好乾身 加上菠蘿同千島醬真係好開胃😋 Pizza仲好貼心咁會跟一個芝士醬 等你點包邊食👍🏻除咗Pizza之外我哋仲叫咗一個燒烤醬雞翼同埋蒜油大蝦意粉🍝 BBQ sauce雞翼帶甜味 雞翼仲好Juicy 好入味😍 蒜油大蝦意粉又係一大驚喜 一打開蓋就聞到好香蒜頭味 意粉軟硬適中 整體調味一流 以後叫pizza有多一個好選擇🌟

今日路過九龍城獅子石道，就被呢個黃色招牌吸引咗。其實吸引我嘅唔單只係大大個黃色招牌，最重要嘅係櫥窗內見到用真薄餅做嘅display，加上店內傳出陣陣烤焗嘅香味，就忍唔住落咗單。薄餅總共有10款口味可供選擇，而且亦有大批(12”)、細批(9”)、同單件裝俾你揀。除咗主打嘅薄餅之外，亦都有提供意粉同小食。仲有廣告牌教埋你可以自製6款唔同口味嘅薄餅，不過其實就冇特別再優惠價，因為$28×6=$168😅店內亦有自助點餐機，非常方便，但如果唔熟悉點餐機操作的話，亦可以搵店員落單。廚房呈開放式設計，望到入面非常乾淨整潔，並且隱約見到一位外籍廚師，雖然店舖冇特別介紹，不過相信呢度真係有意大利人親自主理。大概等咗10分鐘，就拿着外賣浩浩蕩蕩回家去。簡單如薄餅盒都有精心設計過，盒面上開個小洞，令新鮮出爐熱辣辣嘅Pizza喺盒內不會有太多水蒸氣，印象中連全港最大型連鎖薄餅店都冇呢個設計，可見店主嘅細心之處。而餐具就用上木製即棄餐具，減少對地球嘅污染。第一次幫襯，就一於揀咗呢度嘅招牌薄餅MAMA MIA!材料包括莎樂美腸、意大利辣香腸、香腸、牛臉肉，當然唔少得芝士同番茄醬。首先佢嘅批底不厚不薄，烘焙過帶點脆