酒肉·朋友 (已結業)

翠玉約左個好耐無見既朋友 咁緊係想吹水吹耐啲 又唔想去cafe喎又想可以靜靜地 慢慢食慢慢飲見到「酒肉。朋友」呢個名幾過癮 於是諗都唔駛諗就決定食日本燒烤!玉子口感有與千層蛋糕，啖啖分明，配上日式燒汁，非常出色。明太子沙律：明太子不像其他店舖散落在沙律菜上，而是一粒一粒地配上沙律醬呈上，咀嚼時粒粒分明，非常有口感。芝士年糕: 大小剛好，一口咬下，熱騰騰的芝士從年糕流下，配上煙韌的年糕，甚為絕配，值得一試。羊架：肥瘦剛好，亦帶有羊甦味，不難咬開，出色之作。鵝肝雞翼：啖啖鵝肝，加上每次串燒必點的雞翼，一拍即合，不能不試。三文魚茶漬飯：好好好好好食，個茶又唔會遮哂啲飯同三文魚味喎，同朋友爭住一人一啖。

話說前幾天試過港式風味串燒，今晚吃日式串燒，日式串燒多數以鹽調味，串燒款式較多是雞的內藏，多數以日式食材入饌，例如明太子、日式芝士等。這家餐廳是我第二次光顧，店鋪的座位不多，但環境寧靜。店員提及現在廚房師傅不夠，當晚供應串燒為主，想不到現在飲食業聘請員工那麼困難！這裡的串燒款式不少，除了牛、豬和雞肉串燒，還有海鮮和蔬菜，蔬菜的款式還不少呢！⭐️燒芝士年糕$38/2件芝士年糕胖胖的，小巧可愛！年糕外皮很酥脆，咬一口，軟軟糯糯，軟滑煙韌，還有熱騰騰的芝士湧出來，吃得不小心，很容易燙著嘴呢！芝士味較輕盈，味美而不膩。⭐️串燒鰻魚$42鰻魚很肥美，烤得焦香，刷上醬汁油光閃閃，再灑上芝麻，令人食指大動。輕輕一挾，魚肉嫩滑，入口無骨，柔嫩得入口即化。美中不足是醬汁有點鹹，吃完之後比較口渴。⭐️蘆筍豚肉卷$28/串薄薄的豬肉烤得香氣迷人，包裹著蘆筍，送入口，蘆筍爽脆多汁，中和了豬肉的油膩感。▪️日式串燒很符合我的口味，食材相對鮮美，不俗。

食串燒唔駛擇日 想食就去食!星期六晚係港島區個頭 見唔駛等位就入去左「酒肉。朋友」燒芝士年糕佢係麻糬質地，咬落去就有流心芝士羊架平時都唔多會嗌黎食，但朋友想試下。食一啖!呀! 又幾出色喎 唔會太重口味玉子燒我次次食串燒都必嗌，好鬆軟，同啲醬配埋一齊，一流吖明太子沙律佢啲明太子cube size 好好咬 好有口感 蒲燒鰻魚：皮好爽，好大舊，汁好味!手作鵝肝雞翼無諗到鵝肝同雞翼又夾喎，有驚喜!免治雞肉軟骨棒無諗到佢上面有芝麻麻醬，啲肉岩岩好，唔會太熟太硬!最後唔多夠飽 仲嗌左個稻庭烏冬，天氣咁熱，緊係食冷烏冬呢到既鋪位好近地鐵站 一出轉左就見到!又唔駛等位下次再同朋友黎慢慢坐慢慢食 同埋都想試下佢個清酒 : )

今日係小組久別重逢的日子，本該向外走遠些... 但現實是要OT，還是打算求其附近食餐聚一聚... 心血來潮記起bookmark呢間串燒，提議試吓，當中有人話食評信唔過🙄 但都可以試吓...一行六人，概括是笑著離開，約定重來！整體好滿意，連挑剔的J先生也主動讚好，提議下次再來。上傳了收據，價錢方面可自行評價，但至少我們六位滿意😊👍🏻四款清酒任飲，每位$108，個人認為最後的「男山」太「燒酒」，反而第三款的「松竹梅」為推介。注意最後供應約是晚上11:30。燒芝士年糕六件，一人一件，趁熱食，個個都讚！😋雞尾雖然俾友人歧視我柯打，但至少嚟到清哂😎 唔騷，要求高啲的話係再燒乾身啲。其他食品質數都好高，未能一一細數，可以自己試吓😌

聖誕假期朋友大多外遊，擱置的聚會只好假後再續。以往一直在北角至銅鑼灣一帶覓食，自從上個月在鰂魚涌用餐後，發現這邊大街小巷的餐廳眾多，今天再下一城，選擇小店嚐鮮。朋友提議到這家餐廳用餐，鰂魚涌地鐵站B出口轉左走幾步就到達，實在快捷便利呢！餐廳走日本居酒屋的風格，店舖很迷你，只有數張檯，門口正對著櫃檯，深沈的燈光，櫃檯擺放了不少日本燒酒，牆邊貼滿了懷舊卡通海報，讓人彷彿進入日本舊時代，竟然還看到Inspector Gadget的海報，很意外呢！餐單主要提供日式前菜、串燒和烏冬等，傳統的日本居酒屋以吃「雞」為主，這家餐廳除了提供雞翼、雞軟骨外，還有雞皮、雞肝、雞心、雞頸、雞尾等，即點即做。⭐️螢火魷魚$38螢火魷魚以醬油醃成，送入口咀嚼，滑溜溜的口感實在有趣呢！⭐️芥辣八爪魚漬$38將八爪魚爪切粒，入口有淡淡的芥末嗆味，口感不錯，如果將八爪魚的爪切半，夾起來更方便，更有嚼勁呢！⭐️日式芝麻豆腐$42這款前菜一般不會失手，豆腐嫩滑，如果芝麻醬再香濃一點能為豆腐提味，更討我歡心！⭐️七味魚翅$58坊間的七味魚翅用的不是沙鯊魚翅，而是鰩魚翅，取腹鰭和背鰭，烤過以後很有嚼勁，不過有點烤過頭了，口感酥硬，同行

香港食店多不聲數，要搵好野食真係唔難，今晚又俾我發掘左一間食日本串燒既餐廳✌🏻️ 哩間餐廳細細間，座位唔多，但食物質素相當高，而且哩類型既小店更加會支持！店內貼左好多卡通漫畫人物既畫報，即時吸引我搵下有邊d我認識先😂 哩個芝士年糕有流心芝士嫁！😍由於係即叫即燒，熱辣辣超好食！我即時encore 多一碟😂哩個鰻魚燒得好香，鰻魚燒汁好好味，食得出鰻魚新鮮，外層燒得香脆，中意食鰻魚既朋友係必食呀。有冇人都係牛舌愛好者？😂哩串厚燒牛舌真係超正，口感牛舌肉爽口，食到微微牛既羶味，正！哩串鹽燒牛肉都好好食，牛肉juicy, 我覺得加上簡單既調味先食到牛肉既鮮味！推介！哩兩粒帶子大大粒，加左燒汁去燒好入味，帶子鮮甜爽口，不錯呀！我覺得小店更能俾到食客親切感，加上有好既食物自然會留得住客人！😊

朋友在鰂魚涌返工，放工後去搵個地方飲酒食野，佢介紹呢間日式燒烤店,又好似居酒屋咁，有串燒，又有酒飲。入到店，雖然門口細細，原來內有乾坤，因左邊係天幕位，有一排四人枱，餐廳內就全卡位，最eye catching 莫過於牆上貼滿童年卡通人物的圖畫有經典既Simpson 、加菲貓、叮噹、小和尚、超人、超音速小子等等, 還有好多漫畫人物，令人可拾回兒時回憶，懷緬一下。點了鹽麴帶子$48，珍寶帶子size , 烹調特別，從未試過這種食法，帶點酒糟醇香味，原來日本的鹽麴好有名，稱為百搭醃料的鹽麴，其實是把米麴、鹽和水混合然後發酵，含有維他命，夠晒健康，又唔會好咸，面鋪了幾粒大三文魚籽，連埋一齊食更帶出帶子刺身鮮甜味。串燒當然唔少得燒雞翼$38，店員介紹呢隻係廚師自家製明太子釀雞翼，同出面食肆用來貨的不同，會釀入更多更鮮的明太子，果然脹卜卜好飽滿，雞皮燒得很香脆，明太子不會太鹹。再黎係日式煎餃子$38有5隻，皮不會太厚，餡有豬肉，蘸上醬油更惹味。特色菜色還有紫蘇葉雞皮蝦卷$38，甚有特色，蝦肉彈牙，雞皮脆口，紫蘇葉香味襯上雞皮感覺冇咁膩口，大廚好聰明，巧手菜色。還有名為本菇牛肉卷，即係秀珍菇牛肉卷，

夜幕低垂，約了位朋友來到位於鰂魚涌的餐廳「酒肉·朋友」一聚，餐廳位置都是交通方便，鄰近鰂魚涌港鐵站，餐廳門外都有一大幅的菜單列明串燒的款式，價錢都是大眾化，雖然餐廳環境較少，但在此可以找到不是童年回憶，牆身貼滿了不少小時候從電視機看過的卡通片人物，例如有一休和尚、獅子王、叮噹。也有從漫畫書中動漫人物，例如有亂馬、城市獵人、龍珠等.....勾起不少童年的回憶。先來兩支日本的波子汽水($28 一支)，檸檬汽水夠氣又香甜，飲下已經清凉透彻，小時間都有飲過，但總不知道怎樣拎出汽水樽玻璃珠，把樽搖下玻璃珠盪來盪去，好玩又好喝。開胃前菜先有酒盜芝士($48)，酒盜是醃製了的吞拿魚肝。這就是以清酒、鹽及的吞拿魚肝醃製再發酵而成，怕太鹹可以用香滑豐腴的軟芝士及餅乾伴食，份外鹹鮮十分特別，而且又沒有腥味。其後點了一份玉子燒 ($38)，燒得金黃色澤，將香脆的玉子燒放入口中，散發出濃郁的蛋香，外脆內軟，真是非常滋味。平時去到居酒屋我都會點份燒芝士年糕($38)，一咬開煙韌芝士年糕已經有少許拉芝的效果，流出半溶軟香的芝士真是非常誘人，芝士味道好濃郁，熱辣辣又香脆，沒有一點膩感。食串燒一定必食就是雞翼，友人選