爆丼屋 (已搬遷) 新店位置

講到食魚生一定會睇到呢間爆丼屋，想食佢都唔係咁易架，平日去七點幾都要等15至20分鐘先有位，但係係絕對值得㗎鍾意食魚生嘅，食一次會畢生難忘，除咗佢哋嘅份量係超級多之外，亦都好新鮮你見到佢啲三文魚多到就嚟啲出嚟，中間仲有吞拿魚就知點解咁出名！重啲Wasabi可以俾你撈飯而呢一個就集合左生蝦同帶子，海膽等嘅魚生，滿足晒一次過想食好多嘢嘅人啦~麵豉湯都唔錯㗎，除咗有海帶同洋蔥之外，有肥牛添！唔鍾意食生嘢嘅朋友都可以食鰻魚，平時出面一定食唔到咁多鰻魚嘅飯囉，中間仲有溫泉蛋令到成個飯冇咁齋❤️

每次看到爆丼屋門前大排長龍😵，不禁令我好奇，該日本餐廳的食物是否真的那麼美味？Menu上以魚生丼為主，我和朋友不太愛吃生吃食物，便點了它們兩款唯一的熟食等了一會，侍應先給一客味噌湯，內有紅白蘿蔔、豆卜和海帶，材料入味，湯比一般餐廳濃，假如加上幾顆淡味豆腐，味道更佳燒鰻魚盛丼有5-6塊鰻魚，鰻魚上有一些紫菜粉，配上鰻魚汁可惜，鰻魚上菜時稍涼，似乎放了一段時間雞蛋像是溫泉蛋質感，蛋味濃爆盛慢燒牛肉丼牛肉像有10片，牛肉似乎太生了(對我來說)，挺薄，頗嫩滑配上山葵忌廉汁，忌廉中有 wasabi味，挺有新鮮感，不過醬汁過多，令整碗飯有點膩不太喜歡生雞蛋……服務：挺不錯，會替客人加茶

這家店算是香港一家很有名人氣的丼飯店，大家都在IG、FB推薦這店吧，所以我今天也跟朋友選擇了來打打卡，試一試。雖然人有點多，也沒有等很久，可能就15分鐘。爆丼屋的三大人氣飯都被我吃啦 ，我們點了三款，分別是爆盛慢燒牛丼飯、火焰盛丼、燒鰻魚盛丼，因為進店每個人必須點一份。爆盛慢燒牛丼飯裡面的肉確實還不錯，都是六七成熟，不會覺得生，可是不怎麼配飯，下面的飯基本沒有吃，就把牛肉吃完了。燒鰻魚盛丼應該是我們三個最喜歡的，因為配飯吃也不錯，這樣才能吃飽。火焰盛丼沒什麼特別，應該下次不會點。

朋友一直好想去爆丼屋食飯，所以佢生日個日就黎左呢間試下。一到門口已經有好多大陸人等位，雖然係號碼拎飛，但係門口個位staff不停叫人落單先入，最後仲發現後我地一號既人先入，真係好混亂。我地叫左火焰盛丼同燒鰻魚盛丼，兩個飯都好大份，我諗有兩碗飯咁多，share食可能會好d。我覺得燒鰻魚幾好食，鰻魚好大件，serve個陣仲暖暖地。火焰盛丼就有好多唔同刺身，朋友覺得成個盛丼太凍，不過d刺身味道都唔錯，幾新鮮。

聽聞這家許久啦，終於在今天吃到～從等位到上餐時間大約半小時，還算可以接受吧主要很期待內容點了兩份餐，首先，鰻魚飯好評！醬汁不算很甜，米飯的柔軟度剛剛好，中間還有流心蛋～可惜，要是米飯再熱一點點就好了⋯（可能我不懂，也許就是這樣的配搭？）哈哈哈，不要緊啦，整體還是很好吃的另外一個是火焰盛丼，就是魚生海鮮做成半生半熟的那種效果，海鮮是新鮮的，可以吃出一絲甜味，中間還有個流心蛋，配著剛剛好總的來說是不錯的體驗，但是相比其他日料店來說，相同價錢下，份量真的不算多啦，大家不要被名字還有圖片的視覺效果欺騙喔這次作為一次嘗鮮還是很棒的！

中午行經旺角，朋友想食爆丼屋。12點幾已經好多人排隊。朋友點了燒鰻魚盛丼　($145)，而我則點了四重火山丼　($298)等左15分鐘左右，終於上菜食後感：味道：燒鰻魚丼好好味，咸度適中四重火山丼好鮮甜，D剌身真係好到流出黎。唯一不足地方係海膽真係唔新鮮，從顏色見到，係深黃色，味道未至於壞掉，但感覺放左幾日。價錢：燒鰻魚盛丼　($145)四重火山丼　($298)個人覺得價錢偏貴，性價比一般環境及服務：都幾逼。不過香港地地少人多，空間小都係正常。呢個座位與座位之間空間偏細，食野預左隨時撞到隔離個個。服務黎講，因為侍應生都好忙，基本上唔會有時間招呼你。整體：3星下次會否再幫襯：可以再試

久仰大名，放假終於有機會黎試下😋黎到先發現不概為爆丼屋，連門口都比食客迫爆！我地兩點黎到都要等半個幾鐘先有位，後來發現係因為佢上菜速度太慢。整體而言係名過其實，食材質素與價錢不相符，只有一兩款丼值得嚐嚐🤷🏻‍♀️✅ 燒鰻魚盛丼 Grilled eel big don $145 : 足足八塊大鰻😍正過八舊腹肌🤤 鰻魚燒汁香氣四溢，交雜著一絲炭香味，索一索唔再囉嗦，專心大口吃。上面顆溫泉蛋仲呈現波浪型態 🌊超誘人🐣只可惜鰻魚肉多細骨，略為失色。飯質則較實，汁都唔夠，求盡善！👌🏻 火焰盛丼 Seared mixed seafood big don $145 : 海鮮厚度比想像中薄，口感唔夠滿足🤔 👌🏻 三文魚火山丼 Salmon & mixed seafood big don $128 : 有點失望，其實唔止有三文魚，係好多種刺身的頭頭尾尾大雜燴。當中夾雜一絲腥味🤢

依間日本餐廳一向出名，今次試左，終於明白原因，入面每款都係超級邪惡，大份量之餘，用料又吸引！1. 爆盛慢燒牛肉丼  （大＄188、小＄128）完全係霸氣級料理！燒牛肉生生地咁食，又出奇地唔錯，加埋蛋黃同山葵忌廉汁就更加正！大家放心，唔食開山葵嘅人都完全接受到，我就係一個例子！彤樂評分：8/102. 盆滿缽滿三文魚籽丼（＄238）日本岩手縣嘅三文魚籽粒粒都好晶瑩剔透，魚籽超級多，未食已經覺得好治癒，夠甜但有D鯹。彤樂評分：7/103. 燒鰻魚盛丼（＄138）鰻魚肥厚而且燒得好香口，如果飲加多少少燒鰻魚汁就更好啦！彤樂評分：9/104. 三色海膽盛丼（＄238）佢地選用左三種來自唔同地方嘅海膽，包括北海道、加拿大、韓國，同埋日本生鵪鶉蛋，不過都係覺得唔太新鮮，有D鯹味啦！彤樂評分：6/10

上回講到同友人等百幾張枱失敗，今日決定係早放工之下自己去碰下運氣！（係呀又早放工不要去羨慕🙈）赫見門口排隊人數得小貓三四隻，拿拿臨攞左兩位飛！唉頂問題就出現喇，係呀因為我唔想做毒L所以決定左拎兩張飛，但，我得一枝公咋喎，咁點算好？！十分鐘後，已經到我張飛，我唯有厚顏無恥咁照坐入去啦，奇又奇在佢竟然冇話要人齊先入得😅打左七八個電話call人黎陪我食，終於call到位五年冇見既“朋友”出黎一齊試。😳心情當然非常緊張坐立不安咁，又驚比人趕走，好彩佢住得好近咁岩今日又放假所以等左一陣就黎到。多年冇見，依舊有心跳既感覺哈哈，但肚餓既感覺都好強烈，見到隔離左右啲丼都黎哂，賣相非常靚，相機食先就係老規矩啦，味道又如何呢？先黎個火焰盛丼先彈個火炙，完全燒得唔夠耐三文魚過於厚實蛋太熟流唔到心左口魚裙邊太厚冇入口即溶既感覺蟹棒雪味重都走唔甩架喇唯獨帆立貝大粒厚肉同幾甜飯。。真係太多喇朋友就食呢個我一向都麻麻地鰻魚，試左一舊，都係唔夠熱太厚同多骨😓佢都有同一個comment就係飯太多😅試一次就夠喇～

想試爆丼屋好耐，但一直都驚多人無去食。呢日收工約左人去旺角，見都係下午茶時段，估計人流唔多，所以即刻過黎試下。雖然我地成3點先到，但前面都有2-3台客等緊，睇黎爆丼熱潮都仲未過！係外面望入去，餐廳裝修行工業風，簡約非常，灰色水泥嘅牆身上有著用粉筆寫嘅聯絡電話。星期日無午市定食，睇返menu，一個餐嘅價錢都唔平，最少都超過一百蚊，不過見相好似好大碗，又爆晒d配料出黎，CP值應該好高。睇完後，我叫左個三文魚火山盛丼，友人叫左個燒鰻魚盛丼。個三文魚火山盛丼令我有少少失望，因為我見有火山兩個字，以為上台嘅時候會見到火，點知係無可能d魚生係紅色先叫火山丼掛而且個碗真係比想像中細好多，袖真！不過d魚生係新鮮，鮮甜嘅！不得不推介友人嘅燒鰻魚盛丼我平時好少係香港食鰻魚，因為驚鰻魚會有腥味，不過今次呢個丼嘅鰻魚真係好好味！無腥味，肉質彈牙仲好甜！送飯一流！再襯埋個流心蛋食，真係好幸福啊此外，我地仲叫左個熊本產和牛生熟燒，不過佢比我想像中生d，食落口唔夠滑，感覺一般。總括黎講價錢比較貴，唔會成日食。

星期三搵食記 早兩日經過爆丼屋時媽媽問我啲人到底係度排咩 點解咁把閉於是今日趁早收工 帶左佢去食6點去到已經爆場⋯不過好彩好快有得食最出名嘅牛扒盛丼 我地係無叫嘅！最尾㨂左鰻魚丼同四重火山盛丼等左10分鐘左右 鰻魚丼黎到好多鰻魚 而且睇落好好味 重有溫泉蛋拮穿蛋黃 慢慢流入飯中 加埋鰻魚汁令個飯更加入味 鰻魚方面 一層疊一層厚肉到不得了 口感一流 不知不覺 成碗啪晒另外四重火山黎到 超誇張的 大量魚籽+蟹肉+海膽+小山丘嘅吞拿魚蓉完全唔知由邊度開始入手好食落除左鮮味就係鮮味 難怪長期爆場

今晚我們行過旺角豉油街見到有間新開嘅「爆丼屋」有好多人排隊，同埋睇到店外嘅廣告燈箱播出嚟嘅圖片好吸引，所以我們就決定喺度食晚飯！我們叫咗三色海膽盛丼、爆盛慢燒牛肉丼「大」、重量級燒牛扒盛丼同燒鰻魚盛丼！三色海膽丼其中兩款海膽都幾鮮甜，但另一款嘅海膽就有啲啲臭嘅味道！爆盛慢燒牛肉丼「大」係將啲牛肉燒至半熟，所以肉質相當嫩滑，配埋芝麻醬一齊食，感覺唔會好膩！重量級燒牛扒盛丼嘅牛扒燒得有啲過熟，令到肉質比較硬實！燒鰻魚盛丼嘅鰻魚肉質都幾軟滑彈牙，鰻魚汁嘅味道唔會好鹹！總括：幾款丼嘅擺設賣相非常精緻吸引，份量超多，都幾抵食，但有啲嘅味道就唔係想像中咁好，有啲名大於實嘅感覺！

不知為什麼，今年興起了吃丼飯的熱潮，不管是魚生飯，還是牛肉飯等，總之，只要份量夠多，體積夠大，賣相夠爆，就能吸引人們蜂湧而至。2016下半年，這家主打丼飯的日式餐廳絕對是集人氣、人龍與熱鬧於一身的打卡點。餐廳位於旺角鬧市，人來人往，佔盡地利；鑑於食物賣相吸引而創新，在同行競爭者中可說「先拔頭籌」，引來不少「相機先食」的博客登門造訪，繁忙時段更出現人龍。在熙來攘往的旺角街道上，難得有一家餐廳可令人們甘願站立等上一個多小時，這不就是人氣吧？ 既然如此厲害，哪有不試的道理？這個熱點，即使等上2小時，也要在2016年內打個卡吧！ 週六的晚上，早已預計會人多，於是5時多便到達，取籌等位，待人齊入座，最後於7時前成功入座。 餐牌圖文說明清晰，值得一提的是，這裡除了丼飯外，還有其他食物的，如手卷、沙律、串燒、壽司和刺身等。不想吃太多飯的話，這些食物也是另外的好選擇。 饞嘴的一家出動了！ 四重火山盛丼 ($298) 這個甚麼都有的魚生丼就最適合大胃王朋友了。這個魚生飯的顏色十分奪目，樣子吸引。 飯上不但有很多飽滿大粒的三文魚籽，還有加拿大海膽和松葉蟹肉。最花工夫的就是中間那座用了不同配料混入

接近兩星期離開香港，講真唔掛住香港就呃你的。落機後的第一餐，真的有點掛念日本食物。香港人最愛的頭三位菜式，我想日式料理必定名列前茅。近期略有名氣莫過於築地·山貴無論報章雜誌都大熱刊登，人氣度一時無兩。九龍區也有日式料理打出名堂，就是今日到訪「爆丼屋」。 無論朋友或是報章已報道此店的動向，繁忙時間人山人海。今日特意平日前來潮聖，希望能夠一試它的威力。已經避開放工時間，但始終也是旺區的食肆，等待片刻也是常識吧。抱著食好西的心態，一陣子店員已安排了座位。 進入鋪內你會有一種意想不到的感覺，只是平日亦不是繁忙時間；能夠全院滿座可想其吸引力。牆身以灰色為主，全走簡約風格；桌椅都選用實木等材料，簡單又舒適。 打開餐牌與平常的日式料理的也是差不多，包括有丼、佐酒小食、壽司、烏冬、沙律、刺身、手卷等。但唯獨「丼」卻成為此店的主打項目，單看場內的客人必定點「丼」。「丼」的種類繁多包括:爆盛慢燒牛肉丼、四重火山盛丼、三文魚火山丼、火焰盛丼、重量級燒牛肉盛丼等，這類都屬於新穎組合。 還有傳統丼類:帆立貝三文魚籽盛丼、極上拖羅盛丼、甜蝦盛丼、三色海膽盛丼、燒鰻魚盛丼。 別以為只是『丼』那麼簡單，每個『丼』都有