青茶萃萃 (已結業)

路經先發現呢度開咗間新嘅飲品店，順手買咗兩杯試吓，一杯係寫住人氣飲品嘅「爆芒百香果」（$36）以及一杯有皇冠符號嘅「芝士藍莓」（ $42 ）。店員即叫即整，保證新鮮。爆芒百香果有好多新鮮嘅芒果肉（睇住店員擺落去㗎 ），同埋百香果打爛了（有好多核），酸酸甜甜好開胃！好清新！幾好味！藍苺芝士反而無咩特色，中規中矩，好似提子汁咁囉，芝士奶蓋味都OK。兩杯份量都好大杯，大家幫襯完隔離嘅「著名黃店」，都可以過嚟買杯飲呀！

銅鑼灣渣甸街其實都開設了不少飲台店，但我就偏偏選中了你 - 青茶萃萃。青茶萃萃以水果茶為主，更有抹茶、奶茶、星冰樂、芝士奶蓋提供。芝士奧利奧奶茶正正就是吸引我光顧的原因😍。濃郁芝士、香滑奶茶、甜脆口感....諗起都想飲。店員細心地製作每一杯茶飲。芝士奧利奧奶茶跟我平常要的一樣要走冰，因不會太凍，但來的時候，芝士的濃度竟然可以承托Oreo餅碎，難得難得。而奶茶濃郁清香，口感順滑；芝士濃厚，鹹香十足，配合起來 - 絕配。細問下，原來芝士奶蓋是將芝士奶酪塊、純牛奶、淡奶油及煉奶，再人手控制機器，將奶蓋打至合適稠度，難怪芝士奶蓋濃厚稠滑，鹹香味十足！爆芒百香果偷看到他們是以新鮮芒果製作。一開始以為看錯，原來這份量全是用來製作的我的一杯爆芒百香果...認真足料。爆芒百香果飲落清新，甜甜酸酸的感覺(芒果的香甜加上百香果的酸味)，而且還吃到啖啖芒果蓉，勁滿足。