雪山冰廳

營業中

休息中

出深水埗唱yen, 揾間茶餐廳食個light lunch, 行行下見到li間幾新嘅冰廳隔離掛住舊嘅招牌, 睇睇Openrice嘅相原來重新裝修過, 入面坐滿哂但等一陣就有位, 卡位比舊式冰室大張好多整體非常乾淨. 睇睇個碟原來1956年到而家好有歷史呢.>雪山檳城風特餐 (HKD52) 🍜叻沙摻摻每次睇到menu有叻沙都食, 鐘意味道勁豐富嘅馬來風味湯底, 當然唔少得好香嘅椰漿, 配料都OK多款: 有厚切魚蛋頭片, 鮮蝦🦐, 豆腐卜, 炸脆蒜, 最正係一大羹辣醬, 辣得黎friendly人人啱食, 油麵同米粉加湯底口感好正, 夠哂濃香😋.•🍳🍞櫻花蝦炒蛋多士 厚多士有驚喜!! 事關我都未食過咁特別嘅多士竟會出現喺冰室👏🏻. 厚切烘成金黃, 一搣原來係有啲近酥皮麵包嘅質感, 啖啖都極邪惡🧟‍♂️, 炒蛋好滑, 櫻花蝦嘅分量真有點誇張, HKD52有咁多野食好抵.>爆餡蔥花蛋牛治 (HKD27)每邊全部烘底嘅三文治🥪誠意分一百💯, 話佢爆餡一啲都無浮誇, 炒蛋滑之餘充滿牛肉葱花, 咬開都見到啲蛋有層次一層層喺pan上推熟, 細心留意塊多士比一般冰室厚好多.>避風塘炸蒜

早排已經幫襯過雪山冰廳一次，個陣覺得啲食物都唔錯。咁岩星期六同朋友去深水埗買野，未食早餐嘅我行到5點幾，個肚真係餓到喊。為求方便快捷，決定再戰冰廳，一口氣叫咗好多食物。-檳城叻沙海南雞米線湯底充滿叻沙香氣，入口雖然唔會太辣，怕辣人士都食得。我一向鍾意米線配湯一啖咁食，呢款食落真係好足味。海南雞質感較扎實，但咬落唔會鞋口，雞皮嫩滑程度都好抵讚。-爆餡蔥花蛋牛治(烘底)識食蛋牛治一定要叫烘底，入口外脆內軟。炒蛋夾雜蔥花同粒粒碎牛，雞蛋都幾厚身，稍嫌蔥香蓋過其他食材味道。-避風塘生炸脾雖然好熱氣，但真係好吸引。避風塘碎碎聞落有啲似媽咪麵調味粉香，配上炸脾幾夾。外皮炸得有少少老，但整體都香脆可口。-榛子醬西多士上次幫襯已經見到有人叫，似乎幾受歡迎。倒埋糖漿真係好邪惡，夾心有濃濃榛子醬，味道幾特別。-港式茶走紅豆冰原來茶走紅豆冰都幾好味，紅豆中和奶茶嘅澀味，比傳統紅豆冰更勝一籌。-樽仔奶茶朋友叫咗招牌樽仔奶茶，細細枝幾可愛。入口茶味香濃，質感幼滑。-懷舊黑牛黑牛可謂係茶記經典，朱古力曲奇雪糕加上可樂，入口多一份奶香，口感都creamy少少，頗有趣。

一直對港式食物抱有好感，放工經過深水埗就揀咗呢間冰室食晚餐。一入去見到裝修幾靚，充滿懷舊冰室味道，而且空間感大，唔會有逼夾嘅感覺~一開始叫咗個爆餡蔥花蛋牛治，個蛋牛治令我好驚喜，佢入面夠足料，蔥花蛋同免治牛肉極厚身，而且三文治係烘底，食落去夠脆，質素唔錯~配埋杯樽仔奶茶味都幾夾，杯奶茶唔會太甜，奶同茶嘅比例都啱啱好，夠香醇夠滑，樽仔都方便可以拎走飲~之後叫咗鮑魚福建炒飯，瑤柱金菇扒西蘭花，XO醬大豆芽炒越式扎肉，鮑魚福建炒飯好足料，有兩隻鮑魚，而且個人比較鍾意濕炒飯，每一粒飯都比醬汁包住，而且配料夠多，最鍾意食唔同嘅菇類，配埋炒雞粒令整個炒飯更加完整~瑤柱金菇扒西蘭花都好大份，西蘭花夠爽脆，炒得啱啱好，配埋瑤柱同埋金菇是一齊食味道啱啱好，唔會太濃烈，有清新嘅感覺~XO醬大豆芽炒越式扎肉味道有少少辣，夠醒胃，大豆芽夠爽脆，配埋越式扎肉一齊食有兩種唔同感覺，可能因為剛剛炒起，好夠鑊氣，感覺好滿足~最後同行朋友叫咗杯華田曲奇妙趣，第一次飲阿華田配曲奇，覺得味道又幾夾，甜甜地而且賣相都幾靚，成功將阿華田改造😂

母親節，老公放假陪我地。去深水埗買玩具比亞女，再去雪山冰廳食野。爆餡蔥花蛋牛治小女推介：個三文治勁厚身，好足料好抵食，蛋應該調左味添。記得要烘底呀。波士頓龍蝦叻沙摻摻分量十足，有龍蝦半隻、流心蛋、豆卜、魚片，同勁多芽菜。摻摻即係油麵+米粉，感覺冇甘油膩，湯底少少辣，只係咸左d。Staff仲會比埋個蝦鉗添，好細心。海南雞+油飯海南雞好滑又軟，油飯都有雞味但唔油喎自己調既辣醬汁🔥🔥🔥對我黎講好辣，但又會繼續食，佢配菜既酸蘿蔔絲紅蘿蔔都好入味。茶餐時間+$9，有茶走紅豆/雪糕紅豆冰都勁多紅豆，紅豆夠腍，2柸都唔太甜上湯浸菜心估唔到既勁大份，仲加左好多菇。甘多野食都好抵

難得平日放假，要出深水埗拎手作野，突然又想食下茶餐廳。友人話以前住附近既時候食過呢間，於是帶我黎食下！餐廳2點後仍然很多人，座位都算多！由於未食早餐，所以叫左多款食物試下！爆餡蔥花蛋牛治($30)，友人極力推薦，呢個蛋牛治超厚，炒蛋配有蔥花同牛肉一齊炒，蛋好滑而且仲有蛋汁，蛋本身已調味，味道剛剛好！避風塘生炸肶配海苔薯條($35+$8)，呢度既雞脾即叫即炸，黎到既時候熱辣辣，雞脾香脆，面頭灑有避風塘炸蒜，都有點辣，但非常香口！薯條是粗薯條，唔會落太多鹽！檳城特餐($50)，呢個特餐有喇沙有炒蛋！係茶餐廳食到咁正宗既喇沙真係第一次！湯底有少少辣，粉係摻摻粉，即油麵加米粉，配料都好足，有蝦、魚片、豆卜，蝦用上新鮮有殼蝦！炒蛋用上櫻花蝦炒，炒蛋好滑！太陽蛋香腸焗肉醬意粉($42)，肉醬意粉內有切粒既腸仔，有少少茄汁既酸味！雪糕紅豆冰，雪糕用上曲奇雪糕，紅豆綿綿，整杯唔會太甜！另一杯係茶走紅豆冰，兩杯茶餐時段都係+$9就可以飲到！總括黎講，雖然是茶餐廳，但坐位都算舒適，食物質素都幾高，有機會出開深水埗可以再試！